မန္တလေးတိုင်း စက်တင်ဘာလ ၁၂ ရက် မှ ၁၈ ရက်အထိ မိုးလေဝသအခြေအနေ

ပင်လယ်ပြင်မှ ထူးခြားသည့်မိုးလေဝသအခြေအနေ 

·          စက်တင်ဘာလ ၁၂ ရက်နေ့တွင် ဖြစ်ပေါ်နိုင်သည့် အမြင့်ပေ ၅၀၀၀ အထက်မှလေပွေလှိုင်းသည် ဖြစ်ပေါ်ပြီး၂၄ နာရီအတွင်း စက်တင်ဘာလ ၁၃ ရက်နေ့မှာ ကုန်းတွင်းသို့ဝင်ရောက်သွားနိုင်ပါတယ်။ 

·          စက်တင်ဘာ ၁၃ ရက် နေ့လည် ၁၂ နာရီမှ ၁၄ ရက် နေ့လည် ၁၂ နာရီ - ၂၄ နာရီအတွင်း - မြန်မာနိုင်ငံအထက်ပိုင်းဒေသများ - ကချင်ပြည်နယ်၊ စစ်ကိုင်းတိုင်း၊ မန္တလေးတိုင်းမြောက်ပိုင်း၊ ရှမ်းပြည်နယ်တို့တွင် မိုးအသင့်အတင့်မှ နေရာကွက်၍မိုးများနိုင်ပြီး ကျန်ပြည်နယ်တိုင်းဒေသများတွင် မိုးအနည်းငယ်မှ မိုးအသင့်အတင့်သာ ရွာနိုင်ပါမယ်။ 

စက်တင်ဘာလ ၁၂ ရက် မှ ၁၈ ရက်အထိ ၇ ရက်အတွင်း မိုးရွာသွန်းရရှိနိုင်သည့်အခြေအနေ 

·          မန္တလေးတိုင်းမြောက်ပိုင်း(မန္တလေးမြို့နှင့်အထက်ဘက်)၊ နေပြည်တော်အပါအဝင် မန္တလေးတိုင်းတောင်ပိုင်းဒေသတွေမှာ ၇ ရက်အတွင်းမိုးရေချိန် ၂ လက်မ မှ ၅ လက်မခန့်အထိ ရွာသွန်းရရှိနိုင်ပြီး၊ 

·          မန္တလေးတိုင်းအလယ်ပိုင်းနှင့် မကွေးတိုင်းထိစပ်ဒေသများမှာ ၇ ရက်အတွင်းမိုးရေချိန် ၀.၅ လက်မမှ ၂ လက်မ ခန့်အထိ ရွာသွန်းရရှိနိုင်(မိုးနည်းနေနိုင်)ပါမယ်။ 

·          ယခု ၁ ပတ်အတွင်းမှာ မန္တလေးတိုင်းရဲ့နေ့စဉ်ပျမ်းမျှမိုးရေချိန် ၀.၅ လက်မအောက်သာရွာသွန်းနိုင် - မိုးနည်းနေနိုင်ပါမယ်။ 

အပူချိန်၊ လေတိုက်နှုန်း၊ လေထုစိုထိုင်းဆနှင့် လေထုညစ်ညမ်းမှုနှင့် ခရမ်းလွန်ရောင်ခြည်အခြေအနေ 

·          ယခု ၁ ပတ်အတွင်း မန္တလေးတိုင်းရဲ့ အမြင့်ဆုံးနေ့အပူချိန် ၃၂°C မှ ၃၅°C အထိရှိနိုင်ပြီး အနိမ့်ဆုံးညအပူချိန် ၂၁°C(ပြင်ဦးလွင်) မှ ၂၇°C(ပုဂံ-ညောင်ဦး) အတွင်းမှာ ရှိနိုင်ပါတယ်။ 

·          တောင်ဘက်အရပ်မှ အမြင့် ဆုံးလေတိုက်နှုန်း တနာရီ ၁၈ မိုင်ရှိနိုင်ပြီး၊ လေထုစိုထိုင်းဆ ၆၀% မှ ၉၀% အတွင်းရှိနေနိုင်ပါမယ်။ လေထုစိုထိုင်းဆမြင့်မားနေချိန်မှာ ခံစားရတဲ့အပူချိန် (Feels like temperature)၃၉°C ရှိနိုင်ပါတယ်။ 

·          လေထုညစ်ညမ်းမှုအညွှန်းကိန်း AQI Value က ၃၀ ဝန်းကျင်မှာရှိနေနိုင်တာကြောင့် အန္တရာယ်မရှိပါ၊ 

·          မန္တလေးတိုင်းအလယ်ပိုင်းဒေသတွေရဲ့ နေ့လည်နေ့ခင်းအချိန်တွေမှာ ခရမ်းလွန်ရောင်ခြည်အညွှန်းကိန်း (UV-INDEX) က ၁၂ အထိရှိနိုင်တာကြောင့် မိုးအုံ့ခြင်းမရှိတဲ့ နေသာချိန်တွေမှာသတိထားရပါမယ်။ 

Win Naing 

Administration Team, 

MMWEATHER, 

https://www.mmweather.org/home 

https://disasterinfo.mmweather.org/ 

မန္တလေးတိုင်းဒေသကြီးအတွင်း ခရမ်းချဥ်သီးစိုက်ပျိုးတောင်သူများအတွက် စိုက်ပျိုးရေးအကြံပေးချက် 

မန္တလေးတိုင်းဒေသကြီးအတွင်း ခရမ်းချဥ်သီးစိုက်ပျိုးရာတွင် အပင်ငယ်စဉ်တွင် ကျရောက်တတ်သော ဖျူစေရီယမ်ပင်ညှိုးရောဂါ ကိုသတိပြုကာကွယ်ပေးပါ။ ဖျူစေရီယမ်ပင်ညှိုးရောဂါ ကျရောက်ပါက အပင်များပုခြင်း၊ အရွက်များဝါ၍ အောက်သို့ကုပ်သွားခြင်း၊ ပင်စည်အတွင်း အစာရေကြောစည်းများ ညိုခြင်းများဖြစ်ကာ နောက်ဆုံးတွင် အပင်ညှိုး၍ သေသွားတတ်သည်။ 

ကာကွယ်နှိမ်နင်းနည်းလမ်းများမှာ - 

• ခံနိုင်ရည်ရှိသောမျိုးအသုံးပြုပါ။ 
• မျိုးရင်းဝင်မတူသောသီးနှံဖြင့် သီးလှည့်စိုက်ပျိုးပေးပါ။ 
• ရောဂါကျရောက်သော အပင်အစိတ်အပိုင်းများအား ဖယ်ရှားဖျက်ဆီးပေးပါ။ 
• မြေဆောင်ရောဂါဖြစ်သည့်အတွက် မစိုက်ခင် မြေပြုပြင်ချိန်တွင် မြေဆောင်မှိုသတ်ဆေးများ ထည့်သွင်းခြင်း ၊ မျိုးစေ့လူးနယ်ဆေးများ အသုံးပြုပေးခြင်းဖြင့် ကြိုတင်ကာကွယ်ပေးပါ။ 
• ရောဂါကျရောက်ပါက ဓာတုဆေးအနေဖြင့် Hymexazol ပါဝင်သော မှိုသတ်ဆေးအား သတ်မှတ်နှုန်ထားအတိုင်း အပင်ခြေထိရွှဲနေအောင် ပက်ဖျန်းပေးပါ။ 

ငါးကန်ရေနောက်ကျိခြင်း ပြုပြင်နည်းအကြံပြုချက်  

ယခုချိန် မိုးရာသီတွင် ကန်ရေများနောက်ကျိခြင်းကို ကြုံတွေ့ရတတ်ပါ သည်။ မိုးအဆက်မပြတ်ရွာသွန်းခြင်းကြောင့် ကန်ဘောင်မှရွံများ အရည်ပျော်ပြီး ကန်ရေနောက်ကျိတတ်ပါသည်။ ကန်အောက်ခြေနေထိုင်သောငါးများ များစွာထည့် သွင်းခြင်းကြောင့်၊ ငါးများလှုပ်ရှားမှုကြောင့်လည်း ကန်ရေနောက်ကျိတတ်ပါသည်။  

ကန်ရေ နောက်ကျိခြင်းကို အောက်ပါနည်းများဖြင့် ဖြေရှင်းနိုင်ပါကြောင်းအကြံပြုအပ် ပါသည်-  

• ငါးမွေးကန်တဧကလျှင် ထုံး (၃၁)ပိဿာထည့်ပေးရန်  
• ငါးမွေးကန်တဧက လျှင် ဂျစ်ပ်ဆမ် (၆၂)ပိဿာထည့်ပေးရန်  
• ငါးမွေးကန်တဧကလျှင် ကျောက်ချဉ် (၁၅)ပိဿာ ထည့်ပးနိုင်ပါသည်။  
• ငါးမွေးကန်တဧကလျှင် ကောက်ရိုး (၆၂)ပိဿာကို (၁၀)ကျပ်သားခန့် အထုံးလေးများ ပြုလုပ်ပြီး ကန်ရေနေရာအနှံ့ ပစ်ချထားပေးပါ။ (၃)ရက်ခန့်အကြာတွင် အဆိုပါကောက်ရိုးထုံးလေးများကို ပြန်ဆယ်ယူပါ။  

ဆက်လက်ပြီး ရေလုပ်ငန်းနှင့် ပတ်သတ်ပြီး အကြံဉာဏ်များ ရယူလိုပါက ထွက်တိုးဆော့ဝဲလ်တွင်မေးမြန်းနိုင်ပါသည်။ 

-------   

မိုးလေဝသအဖွဲ့ဝင်ရန် - https://htwettoe.com/organization/12   

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို   

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.   

သီးနှံပေါက်စျေးကြည့်ရှုနည်း_ https://htwettoe.com/post/50437