တစ်ပတ်အတွင်းသီးနှံဈေးကွက်သုံးသပ်ချက်

(၂၉.၉.၂၀၂၅မှ၃.၁၀.၂၀၂၅)

မတ်ပဲ

မတ်ပဲက ယခုတစ်ပတ်ရဲ့ ပထမနှစ်ရက်မှာ တစ်တန်ကို ၂၉ သိန်းကျော်အထိစျေးပြန်အတက်ပြပြီး ကျန်တဲ့ရက်တွေမှာတော့ ၂၈ သိန်းအောက်ကို ပြန်ပြုတ်ကျသွားပါတယ်။ အိန္ဒိယက ဝယ်လိုအားနည်းပြီး နိုင်ငံခြားငွေစျေး၊ ရွှေစျေးပြန်ကျတာကြောင့်လည်း သက်ဆိုင်တယ်လို့သိရပါတယ်။ 

 FOB စျေးကတော့ အမေရိကန်ဒေါ်လာ ၇၁၀ မှ ၇၂၀ မှာဆက်ရှိနေပါတယ်။

ရန်ကုန်၊ ဘုရင့်နောင်ဈေးကွက်မှာ တနင်္လာနေ့က ၂၉၀၆၀၀၀ ၊ အင်္ဂါနေ့က ၂၉၁၁၀၀၀ ၊ ဗုဒ္ဓဟူးနေ့မှာ တော့ ၂၈၉၄၀၀၀ ၊ ကြာသပတေးနေ့မှာ ၂၈၅၈၀၀၀၊ သောကြာနေ့ မှာ ၂၈၂၀၀၀၀ ကျပ်သာရှိပါတယ်။

အရင်တစ်ပတ်က  မတ်ပဲ FAQ တစ်တန်ကို တနင်္လာနေ့ မှ သောကြာနေ့အတွင်း ၂၈၅၈၀၀၀ မှ ၂၉၁၂၀၀၀ ကျပ်ရှိခဲ့တာကြောင့် တစ်ပတ်အတွင်း တစ်တန်ကို ၃၀၀၀၀ ကျပ်မှ ၉၀၀၀၀ ကျပ်အတွင်း စျေးထပ်ကျလာတာဖြစ်ပါတယ်။

ပဲစင်းငုံ

ဆက်တိုက်စျေးကျခဲ့တဲ့ ပဲစင်းငုံက  ဒီတစ်ပတ်မှာ  စျေးပြန်တက်လာတာတွေ့ရပါတယ်။ အရင်တစ်ပတ်နဲ့ယှဥ်ရင် တစ်တန်ကို ၁၀၀၀၀၀ လောက် စျေးပြန်တက်လာတာဖြစ်ပါတယ်။ FOB စျေးကတော့အတက်အကျမရှိပဲ အရင်အပတ်ကအတိုင်း အမေရိကန်ဒေါ်လာ ၆၀၀ မှ ၆၁၀ ရှိပေမယ့်  ပြည်ပအဝယ်နဲ့ ပဲခွဲစက်တွေအဝယ် ပြန်လိုက်လာတာကြောင့် စျေးပြန်တက်လာတာဖြစ်တယ် လို့သိရပါတယ်။

ရန်ကုန်ဘုရင့်နောင်ကုန်စည်ဒိုင်မှာ တနင်္လာနေ့က ၂၅၃၅၀၀၀၊ အင်္ဂါနေ့က ၂၅၁၅၀၀၀၊ ဗုဒ္ဓဟူးနေ့မှာ ၂၅၁၀၀၀၀၊ ကြာသပတေးနေ့မှာ ၂၅၅၀၀၀၀၊ ​သောကြာနေ့မှာတော့ ၂၅၃၅၀၀၀ စျေးရှိပါတယ်။

အရင်အပတ်ကတော့ တနင်္လာနေ့ကနေ သောကြာနေ့မှာ ပဲစင်းငုံနီတစ်တန်ကို  ၂၃၆၀၀၀၀ မှ ၂၄၃၀၀၀၀ ကျပ် ရှိခဲ့ပါတယ်။

ပဲပုတ်

ပဲပုတ်ကတော့ စျေးတန်း အတက်အကျမရှိဘဲ စျေးငြိမ်နေပါတယ်။  ပဲပုတ် (ရှမ်း )၊ ပဲပုတ်(ဗမာ) နှစ်ခုလုံး စျေးငြိမ်နေတာဖြစ်ပါတယ်။ လက်ရှိစျေးကွက်ထဲကို ပဲပုတ် (ရှမ်း)၊ ပဲပုတ်(ဗမာ) နှစ်ခုလုံး မိုးပဲအသစ်ဝင်ရောက်မှု မရှိသေးပဲ လက်ကျန်ပဲသာ အရောင်းအဝယ်ရှိနေတာဖြစ်ပါတယ်။

ပဲပုတ်(ဗမာ)က လက်ကျန်ပဲများပြီး လုပ်ငန်းသမားသာ ပုံမှန်ဝယ်ယူမှု ရှိနေပါတယ်။ ပဲပုတ် (ရှမ်း)က တော့  ဆီစက်သမားသာအဝယ်များပါတယ်။ မန္တလေး ကုန်စည်ဒိုင်မှာ ပဲပုတ် ဗမာက ၃၇၀၀၀၀ ကျပ်ရှိပြီး ပဲပုတ်(ရှမ်း)က ၂၆၀၀၀၀ကျပ် ရှိပါတယ်။

ကုလားပဲ

ကုလားပဲက ယခုတစ်ပတ်မှာတော့ စျေးတက်ရိပ်ကပြပါတယ်။ V2 ကုလားပဲနဲ့ ကုလားပဲထိုင်ဝမ်က အတက်ပြပြီး ကုလားပဲ 929 ကအကျပြပါတယ်။ V7ကစျေးငြိမ်နေပါတယ်။

 ကုလားပဲက ပြည်ပတင်ပို့မှုနည်းပြီး ပြည်တွင်းစားသုံးမှုများတဲ့ ပဲဖြစ်တဲ့အတွက်  စားသုံးမှုနည်းပြီး ပဲခွဲစက်တွေ ဝယ်ယူမှုအေးပါက စျေးကျဆင်းတက်သလို စားသုံးအားများပါကလည်းစျေးတက် တယ် လို့သိ ရပါတယ်။ 

မန္တလေးကုန်စည်စျေးကွက်မှာ ကုလားပဲ (V2) သုံးတင်ဝင် တစ်အိတ်ကို ၂၄၃၀၀၀ မှ ၂၄၅၀၀  ကျပ်ရှိ​ပြီး ၄၅၀၀ ကျပ်တက်လာပါတယ်။ ကုလားပဲ (V7) က ၂၂၈၀၀၀ ကျပ်နဲ့စျေးငြိမ်ပါတယ်။ ကုလားပဲ (929) က ၂၃၃၀၀၀ ကျပ်ရှိပြီး ၁၀၀၀ ကျပ်ထပ်ကျပါတယ်။ ကုလားပဲ(ထိုင်ဝမ်) ကကတော့ ၂၂၇၀၀၀ မှ ၂၃၀၀၀၀ ကျပ်ရှိပြီး၂၀၀၀ကျပ်တက်လာပါတယ်။ 

ပြောင်း

ပြောင်းဆံကတော့  ယခုတစ်ပတ်မှာ စျေးကျသွားတာတွေ့ရပါတယ်။ တစ်ပိဿာကို ၅၀ ကျပ် ကျသွားတာဖြစ်ပါတယ်။ ပြောင်းဆံကို လက်ရှိ ပြည်တွင်းကုန်သည်တွေ၊ ပို့ကုန်သမားတွေ၊ အစာစပ်စက်ရုံတွေကဝယ်ယူမှုရှိနေပေမယ်အလည်း  ထိုင်းကိုအခွန်ကင်းလွတ်ခွင့်နဲ့ ပြောင်းဆံတင်ပို့ခွင့် ကုန်ဆုံးသွားပြီဖြစ်တဲ့အတွက် ပြောင်းစျေးကွက် ကျလာတာဖြစ်ပါတယ်။

မန္တလေးကုန်စည်စျေးကွက်မှာ ပြောင်း ( ရှမ်း)နဲ့ ပြောင်း ( CP) က တစ်အိတ်ကို ၇၄၀၀၀ မှ ၇၅၀၀၀ ကျပ်သာရှိပြီး  ၁၀၀၀ကျပ်ကျပါတယ်။ ရန်ကုန်ဘုရင့်နောင်စျေးကွက်မှာက ပြောင်းတစ်ပိဿာကို ၁၅၀၀ ကျပ်မှ ၁၅၂၀ ကျပ်စျေးရှိပြီး တစ်ပိဿာကို ၅၀ ကျပ်ဈေးကျပါတယ်။

AMIA

 -------  

မိုးလေဝသအဖွဲ့ဝင်ရန် - https://htwettoe.com/organization/12  

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို  

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.  

သီးနှံပေါက်စျေးကြည့်ရှုနည်း_ https://htwettoe.com/post/50437