ဉာဏ်စမ်းအဖြေမှန်နှင့်ဖုန်းဘေလ်ကံထူးသူများစာရင်း
ငရုတ်သီးခြောက်၊ မြေပဲ၊ ပြောင်းဖူးနဲ့ အစေ့အဆန်တွေမှာ အများဆုံး တွေ့ရတတ်တဲ့ Aflatoxin မှိုဟာ ကျန်းမာရေးကို ဆိုးဆိုးရွားရွား ထိခိုက်စေနိုင်တဲ့အပြင် ကင်ဆာရောဂါ အထိပါ ဖြစ်ပွားစေနိုင်ပါတယ်။ ပူနွေး စိုစွတ်တဲ့ အရပ်ဒေသတွေမှာ ကောက်ပဲသီးနှံ ရိတ်သိမ်းပြီး သိုလှောင်ချိန်မှာတော့ ပိုမိုပေါက်ပွားလေ့ ရှိပါတယ်။ အသည်းကင်ဆာ ဖြစ်ပွားမှုရဲ့ ၂၈ ရာခိုင်နှုန်းလောက်ဟာ ကောက်ပဲသီးနှံတွေမှာ ပါဝင်တဲ့ Aflatoxin မှိုအဆိပ်ကြောင့် ဖြစ်ရတာလို့ သိရပါတယ်။ Aflatoxin မှိုအဆိပ်ကြောင့် အစာအဆိပ်သင့်ခြင်း၊ ဝမ်းဗိုက်နာကျင်ခြင်း၊ အသည်းကင်ဆာဖြစ်ပွားခြင်း၊ အသည်းပျက်စီးခြင်းနဲ့ တခြားသော ကင်ဆာရောဂါတွေကိုပါ ဖြစ်ပွားစေနိုင်တယ်လို့ သုတေသန ပြုလုပ်မှုတွေအရ သိရပါတယ်။ကြာရှည်စွာ သိုလှောင်ထားတဲ့ ငရုတ်သီးခြောက်၊ မြေပဲနဲ့ ပြောင်းတို့မှာ ဒီမှိုအဆိပ်တွေကို အများအပြား တွေ့ရတတ်တာကြောင့် ကြာရှည်စွာ သိုလှောင်ပြီး မစားသုံးသင့်ပါဘူး။
ဒါကြောင့် ဒီတစ်ပတ်ဉာဏ်စမ်းမေးခွန်းရဲ့အဖြေမှန်က (က) ဖြစ်စေသည် ဖြစ်ပါတယ်။
ဝင်ရောက်ဖြေဆိုသူအားလုံးကို အထူးကျေးဇူးတင်ပါတယ်။
ဖုန်းဘေလ်ကံထူးသူများကို ထွက်တိုးဘက်ကနေဆက်သွယ်ပြီးတော့ ဖုန်းဘေလ်ဖြည့်ပေးသွားပါမယ်။
ဗဟုသုတစဉ်ဆက်မပြတ်စေဖို့ ထွက်တိုးသုံးကြစို့
ထွက်တိုး Telegram Channel ဝင်ရန် နှိပ်ပါ - https://t.me/htwettoe
![likes](../heart.png)
![comments](../comments.png)
![views](../views.png)