လက်သဲခွမြက် အကြောင်း သိကောင်းစရာ

တစ်နှစ်ခံပင်မျိုးဖြစ်ပြီး မြေ၌ပြန့်ကြဲစွာပေါက်သည်။ ပင်စည်သည်ချောမွေ့ပြီးအောက်ခြေပိုင်းသည် မြေမျက်နှာပြင်နှင့် ကပ်လျက်ပေါက်၍ အဖျားပိုင်းသည်အပေါ်သို့ထောင်ထွက်နေသည်။ (၈၀) စမ မြင့်သည်။ အဆစ်များမှ အမြစ်ထွက်သည်။ အရွက်သည် ရွက်လွှဲထွက်ပြီး ရှည်မျောမျောလှံသွားပုံရှိသည်။(၈-၁၂)စမ ရှည်ပြီး (၃-၈) မမ ကျယ်သည်။ရွက်လည်ကြောဖြူပြီး အရွက်အပေါ်မျက်နှာပြင်တွင် အမွေးရှည်များ ကြဲကြဲပေါက်တတ်သည်။အမှေးပါးသဏ္ဍာန်ရှိသည့် လစ်ဂရူးထင်ရှားပြီး အဖြူရောင်အမွေးရှည်များပါရှိသည်။ အောက်ခြေရွက်ဖုံးသည် ထိစပ်ခြင်းမရှိပါ။ အများအားဖြင့် အမွေးများပါရှိသည်။ ပန်းခိုင်သည် ရေစင်းအမျိုးအစားဖြစ်ပြီး တစ်နေရာထဲမှ (၄-၉)ခုထိ ပြန့်ကားစွာထွက်သည်။ (၁၁) စမ ရှည်သည်။ စပိုက်လက်သည် (၁.၅-၂)လက်မရှည်၍ ချွန်ပြီး ရေစင်းပန်းခိုင်၏ တစ်ဖက်ခြမ်းထဲတွင် အတန်းနှစ်တန်းအဖြစ် စီတန်းနေသည်။ ရင့်မှည့်လာသည့်အခါ စပိုက်လက်၏ ဘေးနှစ်ဖက်မှ နီညိုရောင်အမွေးများ ထွက်ပေါ်လာသည်။ အစေ့အားဖြင့် မျိုးပွားသည်။ ယာသီးနှံခင်းများ၊နှစ်ရှည်သီးနှံခင်းများနှင့် ဟင်းသီးဟင်းရွက်စိုက်ခင်းများတွင် တွေ့ရသည်။ 

Source: စောလယ်ဝါး 

မြန်မာနိုင်ငံရှိ အဓိက ပေါင်းပင်များ 

---

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ်  ထွက်တိုးကို follow, Like, Share နှင့် Download လုပ်ထားပြီး - http://download.htwettoe.com/ 

ထွက်တိုးမေးဖြေကဏ္ဍတွင်ဝင်ရောက်မေးမြန်းနိုင်ပါကြောင်းသတင်းကောင်းပါလိုက်ပါတယ်။

ထွက်တိုး Telegram Channel ဝင်ရန် နှိပ်ပါ - https://t.me/htwettoe