ပင်မစာမျက်နာ
အဖွဲ့များ
စူးစမ်းရန်
စာတို
ကျွန်ုပ်
စျေးနှုန်း
ပဲခူးတိုင်းဒေသကြီးအတွင်းရှိ ပဲတီစိမ်း၊ မတ်ပဲစိုက်တောင်သူများထံသို့….
ပဲခူးတိုင်းဒေသကြီးရှိ လက်ပံတန်းမြို့နယ်၊ မိုးညိုမြို့နယ်၊ သာယာဝတီမြို့နယ်များအတွက်ကတော့
၂ဝ၂၄ ခုနှစ်၊ ဒီဇင်ဘာလ (၁၈) ရက်နေ့မှ ဒီဇင်ဘာလ (၂၄) ရက်နေ့အထိ တစ်ပတ်တာ မိုးလေဝသ ခန့်မှန်းချက်အနေဖြင့်
မိုးညိုမြို့နယ်
မိုးညိုမြို့နယ်မှာ ဒီဇင်ဘာလ (၁၈) ရက်နေ့မှ ဒီဇင်ဘာလ (၂၄) ရက်နေ့အထိ မိုးရွာရန် ရာခိုင်နှုန်း ၀ မှ ၁၀ အထိ ရှိနိုင်ပါတယ်။ ဒီဇင်ဘာလ ၂၂ ရက်တွင် မိုးရွာရန် ရာခိုင်နှုန်းမှာ ၁၀ ရှိနိုင်ပြီး ကျန်သောရက်များမှာ ၀-၃ ရာခိုင်နှုန်း မှာ ရှိနိုင်ပါသည်။ မိုးညိုမြို့နယ်၏ အမြင့်ဆုံးအပူချိန်မှာ ၃၄°C ရှိနိုင်ပြီး အနိမ့်ဆုံးအပူချိန်မှာ ၁၉°C ရှိနိုင်ပါတယ်ခင်ဗျာ။
လက်ပံတန်းမြို့နယ်
လက်ပံတန်းမြို့နယ်မှာ ဒီဇင်ဘာလ (၁၈) ရက်နေ့မှ ဒီဇင်ဘာလ (၂၄) ရက်နေ့အထိ မိုးရွာရန် ရာခိုင်နှုန်း ၀ မှ ၇ အတွင်းရှိနိုင်ပါတယ်။ ဒီဇင်ဘာလ ၂၂ ရက်နေ့တွင် မိုးရွာရန် ၇ ရာခိုင်နှုန်းရှိပါတယ်ခင်ဗျာ။ ကျန်သောရက်များတွင် မိုးရွာရန် ၀-၃ ရာခိုင်နှုန်းတွင်းမှာ ရှိနိုင်ပါတယ်။ အပူချိန်အနေဖြင့် အနိမ့်ဆုံး အပူချိန် မှာ ၁၉°C အမြင့်ဆုံးအပူချိန် ၃၄°C ထိရှိနိုင်ပါတယ်ခင်ဗျာ။
သာယာဝတီမြို့နယ်
သာယာဝတီမြို့နယ်မှာ ဒီဇင်ဘာလ (၁၈) ရက်နေ့မှ ဒီဇင်ဘာလ (၂၄) ရက်နေ့အထိ မိုးရွာရန် ရာခိုင်နှုန်း ၀ မှ ၇ အတွင်း ရှိနိုင်ပါတယ်။ ဒီဇင်ဘာလ ၂၂ ရက်တွင် မိုးရွာရန် ၇ ရာခိုင်နှုန်း ရှိနိုင်ပါတယ် ခင်ဗျာ။ ကျန်သောရက်များတွင် မိုးရွာရန် ရာခိုင်နှုန်း ၀ မှ ၃ အတွင်းရှိနိုင်ပါတယ်။ အပူချိန်အနေဖြင့် ဒီဇင်ဘာလ ၂၂ ရက်နေ့တွင် အနိမ့်ဆုံး အပူချိန် ၂၀°C မှ အမြင့်ဆုံးအပူချိန် ၂၈°C ထိရှိနိုင်ပါတယ်ခင်ဗျာ။
ပဲခူးတိုင်းဒေသကြီးအတွင်းရှိ ပဲတီစိမ်း၊မတ်ပဲစိုက်တောင်သူများထံသို့….
စိုက်ပျိုးရေးနှင့်ရာသီဥတုဆိုင်ရာအကြံပြုချက်
မတ်ပဲ (၃၀-၃၅ ရက်သား)ခန့်မှာ ကိုင်းဖျားပန်းဖူးလေးများစတင်ပေါ်ချိန်တွင် ရွက်ဖျန်းအားဆေးအနေဖြင့် ပိုတက်စီယမ် (K) အချိုးများပြီး အနည်းလိုအာဟာရဓာတ်များ ပါဝင်သော ရွက်ဖျန်းအားဆေးကို စတင်အသုံးပြုနိုင်ပါတယ်။
ပန်းအဖူးပေါ်ပြီး တစ်ပတ်အကြာတွင် ပန်းစပွင့်ပါတယ်။
(၄၅-၆၀)ရက်သားအတွင်းမှာ ပန်းဖြိုင်ဖြိုင်ပွင့်ပြီး (၆၀-၇၀ ရက်သား) အတွင်းမှာသီးတောင့်အတွင်း ပဲစေ့လေးတွေစဖြစ်ပါတယ်။
လက်ရှိရာသီဥတုအခြေအနေနှင့် ပန်းပွင့်ချိန်တွင် သရစ်ပိုးကျရောက်တတ်သောကြောင့် ပန်းပွင့်များ၊ အဖူးများတွင် သရစ်ပိုးရှိ၊မရှိ သေချာကွင်းဆင်းစစ်ဆေးပေးပါ။
သရစ်(လှေး)ပိုးကျရောက်မှုကိုတွေ့ပါက နိုက်ထရိုဂျင်(N) ရွက်ဖျန်းအားဆေး အလွန်အကျွံဖျန်းခြင်းကို ဆင်ခြင်ပါ။
သရစ်ပိုးအတွက် ဓာတုပိုးသတ်ဆေးကို ပထမအကြိမ်တွင် Acetaniprid+ Cyrantraniliprole (မနက်ခင်းပိုင်းတွင်ဖျန်းရန်)၊ ဒုတိယအကြိမ်တွင် Spinosad (သို့မဟုတ်) Triazophos (မနက်/ညနေ ဖျန်းနိုင်) ၊ တတိယအကြိမ်လိုအပ်ပါက Dinotefuran (သို့မဟုတ်) Flupuradifurone (ညနေပိုင်းအစောပိုင်း ၃ နာရီခန့်)တွင် ဖျန်းပေးနိုင်ပါတယ်။ Dr.DaDa
ငါး/ပုစွန် ကန်များအတွက် အကြံပြုချက်
ယခုတစ်ပတ်အတွင်း ရာသီဥတုအေးလာတဲ့အတွက် ကန်ရေအတွင်း အောက်ဆီဂျင်ပြတ်တာတွေ ရှိလာနိုင်ပါတယ်။ ဒါကြောင့်မို့ ငါး/ပုစွန်မွေးတောင်သူကြီးတွေအနေနဲ့ အောက်ပါအချက်တွေ ဆောင်ရွက်ဖို့ တိုက်တွန်းလိုပါတယ် ခင်ဗျာ-
-ရေဒလတ်ကို နံနက် ၂:ဝဝ နာရီမှ နံနက် ၄:ဝဝ အတွင်း လည်ပတ်ပေးရန်၊
-ည ၁၂:၀၀နာရီ နောက်ပိုင်း အောက်ဆီဂျင်ရရှိရေး ဆောင်ရွက်ပေးရန်၊
-ရေဒလတ် တပ်ဆင်ထားခြင်းမရှိပါက အပေါ်ရေ၊ အောက်ရေလှယ်ခြင်းကို ဆောင်ရွက်ပေးရန်၊
-ရေဩဇာလွန်ကဲနေပါက လျော့ချပေးရန်၊
-နံနက်ပိုင်းတွင် ကန်ရေပေါ် ကူးခတ်သွားလာနေခြင်း ရှိ/မရှိ စစ်ဆေးပေးရန်၊
-ကန်အတွင်း ပြွတ်သိပ်မနေစေရန် ဈေးကွက်တန်းဝင်အရွယ်ရောက် ငါးများကို ဖမ်းယူရောင်းချနိုင်ရန်၊
Weather Source: CIAT
------------------
ငါးမွေးမြူရေးနှင့်ပတ်သတ်သောဆောင်းပါးများ၊ မွေးမြူရေးနည်းလမ်းများ၊ ငါးမွေးမြူရာတွင်သိထားသင့်သော အချက်များကို ပိုမိုလေ့လာလိုပါက
ထွက်တိုးစိုက်မွေးဖုန်းဆော့ဝဲ -https://htwettoe.com/download
ထွက်တိုး၏စီးပွားဖြစ်ငါးမွေးမြူရေးအဖွဲ့ - https://www.facebook.com/groups/4200052776702483
တွင် လေ့လာနိုင်ပြီး ဝင်ရောက်ဆွေးနွေး နိုင်ပါကြောင်းသတင်းကောင်းပါးအပ်ပါသည် ခင်ဗျာ။
