ရှမ်းပြည်နယ်အတွက် တစ်ပတ်စာမိုးလေဝသခန့်မှန်းချက်နှင့် အကြံပြုချက်

၂၀၂၅ဇန်နဝါရီလ ၁၈ရက်နေ့မှ ၂၅ရက်နေ့အထိ ရာသီဥတုကြည်လင်သာယာပြီး မြူနှင်းများစွာကျရောက်ပြီး အအေးပိုစေနိုင်ပါတယ်။

ရှမ်းပြည်နယ်အတွင်း အာလူးစိုက်တောင်သူများထံသို့စိုက်ပျိုးရေးဆိုင်ရာ အကြံပြုချက်

အာလူး ဘက်တီးရီးယားပင်ညိုးရောဂါကာကွယ်နိုင်ရန်အတွက်

• ဘက်တီးရီးယားပင်ညိုးရောဂါ မကျရောက်ဖူးသောနေရာတွင် စိုက်ပျိုးပါ။
• ရောဂါကင်းသောအာလူးမျိုးကိုစိုက်ပျိုးပါ။
• နှံစားသီးနှံ သို့မဟုတ် အာလူး၊ခရမ်းချဉ်မျိုးရင်းဝင်မဟုတ်သောသီးနှံများနှင့် သီးလှည့်စိုက်ပျိုးပါ။
• စိုက်ခင်းကို ပုံမှန်စစ်ဆေးမှုများပြုလုပ်၍ ရောဂါကျအာလူးပင်တွေ့ရှိရပါက ချက်ချင်းနှုတ်ယူဖယ်ရှားပေးပါ။
• နီမတုတ်ကြောင့်ဖြစ်သောဒဏ်ရာများမှတဆင့် ဘက်တီးရီးယားဝင်ရောက်မှုလမ်းကြောင်း ဖြစ်စေသောကြောင့် နီမတုတ်များကိုကာကွယ်နှိမ်နင်းပါ။

ငါး/ပုစွန် ကန်များအတွက်အကြံပြုချက်   

ရှမ်းပြည်နယ်မှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင်ရွက်ဖို့ အကြံပြု လိုပါတယ်ခင်ဗျာ- 

ရာသီဥတုအေးချိန် ငါးများ၏ ဇီဝကမ္မဖြစ်စဉ်နှေးကွေးချိန် အစာကိုလျော့ကျွေးရန်၊ 

ငါးရောဂါများကျရောက်ချိန်ဖြစ်၍ ကန်အတွင်းငါးများရဲ့ အခြေအနေကို စောင့်ကြည့်ရန်၊ 

ဖြည့်စွက်စာထဲတွင် ဗိုက်တာမင်စီထည့်ပေးရန်၊ တစ်နေ့လျှင် တစ်ကီလိုဂရမ်ရှိ ငါးတစ်ကောင်ကို ၃၀ မီလီဂရမ်ကျွေးရန်၊ 

ကန်ထဲတွင် ထုံးအိတ်ဆွဲထားပေးရန်၊ 

ပျော်ဝင်အောက်ဆီဂျင်ရရှိရေးကို အထူးဆောင်ရွက်ရန်၊ ရေလှယ်ပေးခြင်း၊ ရေဖြန်းခြင်း၊ ရေဒလတ် လည်ပေးခြင်းတွေကို လုပ်ဆောင်ပေးရန်၊

---------------

ငါးမွေးမြူရေးနှင့်ပတ်သတ်သောဆောင်းပါးများ၊ မွေးမြူရေးနည်းလမ်းများ၊ ငါးမွေးမြူရာတွင်သိထားသင့်သော အချက်များကို ပိုမိုလေ့လာလိုပါက

ထွက်တိုးစိုက်မွေးဖုန်းဆော့ဝဲ -https://htwettoe.com/download

ထွက်တိုး၏စီးပွားဖြစ်ငါးမွေးမြူရေးအဖွဲ့ - https://www.facebook.com/groups/4200052776702483

တွင် လေ့လာနိုင်ပြီး ဝင်ရောက်ဆွေးနွေး နိုင်ပါကြောင်းသတင်းကောင်းပါးအပ်ပါသည် ခင်ဗျာ။