တီကောင်များဖြင့် သဘာဝမြေဆွေးထုတ်လုပ်ခြင်း

တီကျစ်စာမြေဆွေးပြုလုပ်ရာတွင် မြန်မာနိုင်ငံနှင့်သင့်တော်ပြီးအသုံးပြုသော တီးမျိုးများမှာ

၁။ ဥရောပတီနီမျိုး (Red Worm)/ဒေသငှက်ပျောတီနီ

၂။ အိန္တိယ တီပြာမျိုး (Indian Blue Worm)

၃။ အာဖရိကတီမျိုး (African Night Crawler)

၄။ Tiger Worm ( ကျားတီမျိုး)

Eisenia foetida နှင့် Eudrillus euginae တို့ဖြစ်သည်။

တီကောင်များ၏အကူအညီဖြင့်၊ အော်ဂဲနစ်စွန့်ပစ်ပစ္စည်းများသည် ဆွေးမြေ့ပြီး သဘာဝမြေဆွေးများဖြစ်ပေါ်လာပြီး အပင်မှစုတ်ယူစားသုံးနိုင်သော NPK အချိုးအစားမြင့်မှားသောတန်ဖိုးဖြင့် အပင်ကြီးထွားရန်အတွက် ကောင်းမွန်သောဇီဝမြေဩဇာတမျိုးဖြစ်ပေသည်။ စွန့်ပစ် စက္ကူအမှိုက်၊ ဥယျာဉ်စွန့်အမှိုက်၊ တိရစ္ဆာန်အညစ်အကြေးများကို တီကောင်များအသုံးပြုပြီး အော်ဂဲနစ်အမှိုက်များကို စွန့်ပစ်ရန် သမားရိုးကျ မြေဆွေးနည်းလမ်းကို အသုံးပြုသည့်အပြင် အမှိုက်စွန့်ပစ်ပစ္စည်းများကို အမြန်ဆုံးနည်းဖြင့် သဘာဝမြေသြဇာများရရှိနိုင်သည့် တီမွေးမြူသောနည်းလမ်းကို အသုံးပြုနိုင်ပေသည်။

မျိုးပွါးမြန်ပြီး အာဟာရပါဝင်မှုများသော အေဇိုလာကို တီမြေဆွေးထုတ်လုပ်ရာတွင်အကောင်းဆုံးအရင်းအမြစ်တခုဖြစ်ပေသည်။ အေဇိုလာအပင်များသည် အမိုင်နိုအက်ဆစ်များကို အကန့်အသတ်မရှိ အလွယ်တကူရရှိနိုင်သော အခြေခံပစ္စည်းများကို လေထဲမှ ကျယ်ပြန့်စွာပေါင်းစပ်နိုင်သောကြောင့် ဈေးအသက်သာဆုံးနှင့် အပေါများဆုံးဖြစ်နိုင်ချေရှိသော ပရိုတင်းအရင်းအမြစ်အဖြစ် အသိအမှတ်ပြုအသုံးပြုလာကြပေသည်။ Azolla သည် ပရိုတင်းများ၊ မရှိမဖြစ်လိုအပ်သော အမိုင်နိုအက်ဆစ်များ၊ ဗီတာမင်များ (ဗီတာမင် A၊ ဗီတာမင် B12၊ ဘီတာကာရိုတင်း)၊ ကယ်လ်စီယမ်၊ ဖော့စဖရပ်၊ ပိုတက်စီယမ်၊ သံဓာတ်၊ ကြေးနီ၊ မဂ္ဂနီစီယမ်တို့ အပါအဝင် ကြီးထွားမှုကို အားပေးသည့် ခြောက်သွေ့သောအလေးချိန်အခြေခံအရ azolla တွင် ပရိုတင်းပါဝင်မှု 25-35%၊ 10-15% သတ္တုဓာတ်ပါဝင်မှုနှင့် 7-10% တွင် အမိုင်နိုအက်ဆစ်၊ ဇီဝတက်ကြွသောဒြပ်စင်များနှင့် ကစီဓာတ်နှင့် အဆီပါဝင်မှု အလွန်နည်းသည်။ Azolla (Azolla sp.) သည် အလွန်ဖြစ်ထွန်းသော အပင်တစ်မျိုးဖြစ်ပေသည်။

AzollaကိုဇီဝမြေသြဇာBiofertilizerအဖြစ်အသုံးပြုခြင်း Azolla သည် လေထုအတွင်း နိုက်ထရိုဂျင်ကို ဖမ်းယူပေးပြီး အရွက်များတွင် သိုလှောင်ပေးနိုင်ပေသည်။ ထို့ကြောင့် Azolla ကို Biofertilizer မြေဩဇာအဖြစ် အသုံးပြုနိုင်ပေသည်။ တီကောင်များကျွေးပြီး မြေဩဇာထုတ်လုပ်ပါကမြန်ဆန်ပြီး အာဟာရအလ္န်ကောင်းသောမြေဆွေးများကို ရရှိနိုင်ပေသည်။ ထို့ကြောင့် တီကောင်မွေးမြူခြင်းနှင့် တီမြေဆွေးပြုလုပ်သော လုပ်ငန်းမှာ ပတ်ဝန်းကျင်ကောင်းမွန် အောင် ပြုလုပ်ပေးပြီး အကျိုးအမြတ်များစွာရသော ရေရှည်ခံစိုက်ပျိုးရေးလုပ်ငန်းတခုဖြစ်ပါသည်။ စားဖိုဆောင် စွန့်ပစ် ပစ္စည်းဆိုပါက နေ့စဉ်ထွက်သော ပစ္စည်းဖြစ်ပြီး နေ့စဉ် စွန့်ပစ်ရသည်။ ၎င်းစွန့်ပစ်ပစ္စည်းမျာကို တီမွေးပုံးပြုလုပ်ပြီး နေ့စဉ် စွန့်ပစ်ပြီး အနံ့အသက်မထွက်၊ ပတ်ဝန်းကျင်တို့ ညစ်ညမ်းမှုမရှိဘဲ တန်ဖိုးရှိသော သဘာဝမြေဆွေးများအဖြစ် ပြုပြင်ပြောင်းလဲပေးသည်။ တီမြေဆွေးနှင့် တီစွန့်ပစ်ရေကို စိုက်ပျိုးရေးသမားများ အသုံးပြုသောအခါ မြေဆီလွှာကောင်းမွန်စေပြီး သီးနှံများကို အထွက်တိုးပြီး အမြတ်အစွန်းများ ပိုမိုရရှိလာပြီး စားသုံးသူနှင့် စိုက်ပျိုးသူများကိုလည်း ကျန်းမာသန်စွမ်းပြီး အစာအဆိပ်သင့်ခြင်းများပြဿနာများမှ ကင်းဝေးစေနိုင်ပေသည်။တီကောင်များ၏ တီကျစ်စာမြေဆွေးဖြစ်စဉ်တွင် ဖြစ်ပေါ်သည့် အင်ဇိုင်းနှင့် အဏုဇီဝ လုပ်ဆောင်ချက်များသည် သမားရိုးကျ မြေဆွေးကို အသုံးပြုခြင်းထက် ပိုမိုကောင်းမွန်သည့် သဘာဝတီကျစ်မြေဆွေးထုတ်ကုန်ကို ဖန်တီးပေးနိုင်ပေသည်။ တီကျစ်စာမြေဆွေးအတွက် အစားအစာစွန့်ပစ်ပစ္စည်းများကို သဘာဝမြေသြဇာပြန်လည်ရရှိမည်ဖြစ်ပြီး နောက်ဆုံးထွက်အော်ဂဲနစ်သဘာဝမြေသြဇာများသည် မြေဆီလွှာကောင်းမွန်စေရန်အတွက်အကောင်းဆုံးအလားအလာရှိသော စွမ်းအင်၏ အစားထိုးအရင်းအမြစ်တစ်ခုဖြစ်ရရှိလာပေမည်။ တီကောင်မွေးမြူခြင်းသည် တီကောင်များကို မြေဆီလွှာနှင့် မြေဆွေးအဖြစ်သို့ ခွဲခြမ်းရန်အတွက် အသုံးပြုသည့် ဂေဟစနစ်နှင့် လိုက်လျောညီထွေရှိသော လုပ်ငန်းစဉ်တစ်ခုဖြစ်သည်။

တီမွေးမြူသောရည်ရွယ်ချက်မှာ အော်ဂဲနစ်ပစ္စည်းများကို တတ်နိုင်သမျှ မြန်မြန်ဆန်ဆန် ထိရောက်စွာ စီမံဆောင်ရွက်ရန်ဖြစ်သည်။ မြေကြီးဖြင့် အော်ဂဲနစ်ဒြပ်စင်များ ပြိုကွဲချိန်တွင် အကျိုးပြုအဏုဇီဝပစ္စည်းများဖြင့် မြေဆွေးကို ဖွဲ့စည်းပေးထားနိုင်ပေသည်။ သဘာဝတီကျစ်စာဖြင့် ဖွဲ့စည်းထားသောပစ္စည်းများတွင် အပင်များကြီးထွားကျန်းမာပြီး သဘာဝဒဏ်များကိုခံနိုင်စေရန်အတွက်လိုအပ်သော အဓိကဒြပ်စင်ဖြစ်သည့် နိုက်ထရိုဂျင်၊ ကယ်လ်စီယမ်နှင့် ဖော့စဖရပ်များပါဝင်မှုမြင့်မားကြောင်း သုတေသနရလဒ်များနှင့် လက်တွေ့စမ်သတ်ထားမှုများမှအကျိုးကျေးဇူးများကို တွေ့ရှိပြီးဖြစ်ပေသည်။

တီအစာအဖြစ်အသုံးပြုမည့်ကုန်ကြမ်းများ ပေါများသဖြင့် ပြည်တွင်းတွင် အလွယ်တကူ ရနိုင်သော နွားချေးနှင့် စက္ကူအမှိုက်များ၊ ဟင်းသီးဟင်းရွက်နှင့် ဥယျာဉ်အမှိုက်များ ပေါများသဖြင့် အလွယ်တကူ ရနိုင်သော ဇီဝ စွန့်ပစ်ပစ္စည်း အမျိုးအစားများကိုအသုံးပြုထုတ်လုပ်နိုင်ပေသည်။ အောင်မြင်သော အော်ဂဲနစ်စိုက်ပျိုးခြင်းအတွက် မြေဆီလွှာကောင်းမွန်မှု၊ မြေရိုင်းများ ဖွံ့ဖြိုးတိုးတက်မှုအတွက် ကိုယ်ပိုင်လယ်ယာ ရာသီသီးနှံများတွင် ကောင်းစွာအသုံးပြုနိုင်သည်။ ဂေဟစနစ်ကိုအခြေခံနည်းပညာဖြစ်သောကြောင့် ရင်းနှီးမြုပ်နှံမှုနည်းပြီး ဝင်ငွေရရှိနိုင်ခြင်း သို့မဟုတ် အမြတ်အစွန်းပိုမိုရရှိခြင်းတို့အပြင် စွန့်ပစ်ပစ္စည်းများကို အော်ဂဲနစ်မြေဩဇာအဖြစ်သို့ ပြောင်းလဲနိုင်သောကြောင့် ရွာနှင့်မြို့ပြများတွင် တပိုင်တနိုင်မွေးခြင်းဖြင့် စွန့်ပစ်ပစ္စည်းများကိုလျန်မြန်စွာသန့်ရှင်းပေးနိုင်သည့်နည်းလမ်းတခုပင်ဖြစ်ပေသည်။ ဓာတ်မြေဩဇာနှင့် ပိုးသတ်ဆေးများ သုံးစွဲမှုကို ရာခိုင်နှုန်းများစွာလျှော့ချနိုင်ရုံသာမက ရေနှင့် လေထုညစ်ညမ်းမှုကို လျှော့ချနိုင်မည်ဖြစ်သည်။ တီကျစ်မြေဆွေးသည် အစိုင်အခဲဖြစ်ပြီး စွန့်ပစ်ပစ္စည်းများ လျှော့ချရေးနှင့် ဂေဟစနစ်သဟဇာတဖြစ်မှု လုပ်ငန်းစဉ်များအတွက် ထိရောက်ပြီဂ ဈေးကွက်ရှိ အခြားလုပ်ငန်းသုံး ဓာတ်မြေသြဇာများအစားထိုးဖြည့်စွက်ပေးနိုင်သောအရည်အသွေးမြင့် မြေသြဇာများကို ထုတ်လုပ်ပေးနိုင်ပေသည်။ တီကျစ်မြေဆွေးသည် ထို့ကြောင့် မည့်သည့်သဘာဝ ပစ္စည်းမျာထုတ်လုပ်ပြီး စွန့်ပစ်ပစ္စည်းများထွက်သော တိရိစ္ဆာန် မွေးမြူရေး၊ ဟင်းသီးဟင်းရွက်စိုက်ပျိုးသူများ စိုက်ပျိုးသူများသည် တီကောင်များကို မွေးမြူပြီး ၎င်းတို့ လုပ်ငန်းမှထွက်သော စွန့်ပစ်ပစ္စည်းများဖြင့် တီကောင်းများ မွေးပြီး တန်ဖိုးရှိသော တီမြေဆွေးနှင့် တီစွန့်ပစ်ပစ္စည်းများအဖြစ် ပြန်လည်ထုတ်လုပ်ခြင်းဖြင့် ဝင်ငွေလည်းရ၊ သီးနှံအထွက်နှုန်းကိုလည်း တိုးစေပြီး ဓာတုဓာတ်မြေဩဇာအပေါ် မှီခိုမှုကို လျော့နည်းစေပြီး ရာသီဥတုဖောက်ပြန်မှုနှင့် လိုက်လျောညီထွေစွာ အသုံးပြုနိုင်သော ရေရှည်ခံနည်းပညာတရပ်ဖြစ်ပေသည်။

Source from #My Nature Produce

ထွက်တိုး Telegram Channel ဝင်ရန် နှိပ်ပါ - https://t.me/htwettoe  

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်း နိုင်ပါ ကြောင်းသတင်းကောင်းပါလိုက်ပါတယ်။