တနှစ်ပတ်လုံး ဝင်ငွေကောင်းတဲ့ ဂွေးတောက်ပင် စိုက်ပျိုးနည်း

၁။အစေ့မှပျိူးယူခြင်း 

(က)ပျိူးစေ့များကို ရေတစ်နာရီခန့် စိမ်ထားပါ ။ 

(ခ)သဲသို့မဟုတ်စက်ဖွဲပြာကိုအရိပ်ကျသည့်နေရာတွင်ဘောင်လုပ်ရေဝအောင်လောင်းထားပြီးရေစိမ်ထားသည့်ဂွေးတောက်မျိူးစေ့ကိုပါးပါးဖြူးပေးပါ။ ယင်းပျိုးဘောင် လေလုံအောင် ပလပ်စတစ် အကြည်စဖြင့် ဖုံးအုပ်ထားပေးပါ။ ၃ရက်ခန့်အကြာတွင် အညှောင့်လေးများပေါက်လာပါမည်။ 

(ဂ) အညှောင့်ပေါက်လာသည့်ဂွေးတောက်မျိူးစေ့များကိုအသင့်ပြုလုပ်ထားသည့် ၆၈ပျိူးအိပ်ထဲသို့ ပြောင်းရွှေ့ပေးပါ။ အစေ့ကိုအိပ်အပေါ်ယံတွင် အသာချပြီးစက်ဖွဲပြာမရှိပါက မြေသို့သဲဖြင့်ဖုံးယုံသာ ဖုံးထားပေးပါ။ 

(ဃ)ဂွေးတောက်မျိူးအညှောင့်ပေါက်ခါစကိုပျိူအိပ်ထဲမထည့်မှီရေကြိုတင်လောင်းထားပေးရပါမည်။ပြီးမှအပေါ်ယံမြေဖွဲပြာစိုယုံလေးရေဖြန်းကရိယာဆေးဖြန်းပုံးတို့ဖြင့်ဖြန်းပေးပြီးအရိပ်အောက်တွင်ထားပေးပါ။ 

(င)နေ့စဉ်မြေအစိုအခြောက်ကိုကြည့်ပြီးဆေးဖြန်းပုံးဖြင့်ရေမှုန်လေးဖြန်းအေးပါ။အရိပ်ထဲ၃ရက်ခန့်ထားပါကအပင်လေးများပေါက်လာပါမည်။ 

(စ)အရွက်နှစ်ရွက်ခန့်ထွက်လာပါကနေရောင်အောက်သို့ပြောင်းရွှေ့ပေးပါ။ 

(စ)အပင်အရွက်၄ /၅ရွက်ခန့်ထွက်လာပါကအသင့် ပြုလုပ်ထားသော စိုက်ခင်းသို့ ပြောင်းရွှေ့ စိုက်ပျိူးနိုင်ပါပြီ 

၂။ကိုင်းဖြတ်ပျိူးယူစိုက်ပျိူးခြင်း 

ဂွေးတောက်ကိုင်းအဆစ်တဆစ်လျင်တပင်ပျိုးယူနိုင်ပါသည်။ 

(က)အဆစ်မှအောက်သို့၅လက်မခန့်အဆစ်တိုင်းဖြတ်ယူစုဆောင်းပါ။ 

(ခ)၎င်းအဆစ်တခုစီပါသောဂွေးတောက်ကိုင်းများကို အသင့်ပြုလုပ်ထားသော ၆*၈ ပျိုးအိတ်များ ကို ရေဝအောင်လောင်းပြီး ပျိူးအိပ်အလယ်တွင်ထမင်းစားသည့်တူချောင်းဖြင့် မြေကြီးကိုထိုးချကာ အပေါက်ဖြစ်အောင်လုပ်ပြီး ဂွေးတောက်ကိုင်းကိုအဆစ်ပါသည့်ဘက်ကို ၁လက်မခန့် ဖော်ထားပြီး အရင်းဘက်ကိုတူချောင်းဖြင့်အပေါက်ဖော်ထားသည့်နေရာတွင်ထိုးထည့်ကာ မြေကကြပ်နေအောင် ဖိထားပေးပါ။ 

(ဂ)ဂွေးတောက်ပျိူးကိုင်းထည့်ပြီးသည့်ပျိူးအိပ်ကိုအရိပ်အောက်တွင်ထားပေးပါ။ 

(ဃ)နေ့စဉ်မြေအခြောက်အစိုကိုကြည့်၍ဆေးဖြန်းပုံးဖြင့်ရေလိုသလောက်ဖြန်းပေးပါ။ အပင်အရွက် သန်မာပြီး ရောဂါကင်းစေရန် တောင်သူ့လက်ရုံး အပင်အရွက်အားဆေးကို ထည့်ဖျန်းပေးနိုင်သည်။ 

(င)၁၀ရက်ခန့်အကြာတွင်ရွက်သစ်များထွက်လာပါမည်။ အမြစ်များကတလခန့်မှထွက်လာမည်ဖြစ်၍ ၄၅ရက်ကျော်မှမြေချစိုက်သင့်ပါသည်။ 

မြေချစိုက်ပျိုးခြင်း 

မြေချစိုက်ပျိူးရာတွင်ပင်ခြား၂ပေ တန်းခြား၄ပေ ခန့် စိုက်ပျိူးသင့်ပါသည်။ အပင်ကို တအားမကြီးစေဘဲ ၄ပေအောက်ထားရှိကာခြုံဝိုင်းသဖွယ်ဖြစ်အောင်စိုက်ပျိူးယူပါကခူးယူရလွယ်ကူပြုစုရလွယ်ကူမည်ဖြစ်ပါသည်။ စိုက်ပျိုးပြီး တစ်လသားအရွယ်မှာတော့ နွးချေး ကြက်ချေး စတဲ့ မြေသြဇာတွေကို ကြွေးပေးရမှာပါ။ သုံးလသားအရွယ်မှာတော့ အညွှန့်များကို စတင် ခူးဆွတ်နိုင်တာလည်း ဖြစ်ပါတယ်။ အညွန့်များကိုတော့ ၃ ရက်တစ်ကြိမ် ခူးဆွတ်နိုင်တာလည်း ဖြစ်ပါတယ်။ 

အပင်သန်ပြီး ရောဂါကင်းစေရန် အပင်အရွက်အားဆေး စပါးခွံ ဗီနီဂါတို့ကို ဖျန်းပေးနိုင်ပါသည်။ 

ရှင်ယွန်း (စိုက်ပျိုးပညာပေးဆောင်းပါး မှ ကူးယူဖော်ပြသည်) 

----------- 

ထွက်တိုး Telegram Channel ဝင်ရန် နှိပ်ပါ - https://t.me/htwettoe 

စိုက်ပျိုးရေး၊ မွေးမြူရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး - http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်းနိုင်ပါကြောင်းသတင်းကောင်းပါလိုက်ပါတယ်။