နှမ်းစေ့တွေ အမြောက်အများ အညှောက်ပေါက်နိုင်ဖို့ ဘာကအရေးကြီးသလဲ။

အတန်းလိုက် နှမ်းစိုက်ပျိုးနည်းစနစ်

နှမ်းမျိုးစေ့ နှုန်းထားသည် မျိုးစေ့ချနည်းစနစ်နှင့် မျိုးစေ့အမျိုးအစားပေါ်တွင် မူတည်ပါတယ်။ မျိုးကြဲ စိုက်ပျိုးနည်း စနစ်တွင် တစ်ဧကလျှင် မျိုးစေ့ ၄ပြည်နှုန်း စိုက်ပျိုးရမှာဖြစ်ပြီး အတန်းလိုက် စိုက်ပျိုးနည်းစနစ်တွင်မူ ရေသွင်းရေထုတ်ပေါ်မူတည်ပြီး တစ်ဧကလျှင် ၂ပြည်နှုန်း စိုက်ပျိုးရပါမယ်။

မြန်မာနိုင်ငံရှိ အထွက်နှုန်းတိုး နှမ်းမျိုးများမှာ ၃လသက်တမ်းရှိ ဆင်းရတနာ ၃၊ ဆင်းရတနာ ၄ နှင့် နှမ်းနီ ၂၅/၈၀ တို့ဖြစ်ပါပြီး နာမည်ကျော် ဒေသမျိုးများမှာ (၄-၅)လသက်တမ်းရှိ မယ်သီလနှင့် ကြဲ့မရှောင် မျိုးများဖြစ်ပါတယ်။

နှမ်းမျိုးစေ့ ပျိုးခြင်းအတွက် ဖော်ပြပါ နည်းစနစ်များအတိုင်း လိုက်နာပါ။

 * ဦးစွာပထမ ပျိုးထောင်ရန်အတွက် မြေသားအား စိုစွတ်အောင် ပြုလုပ်ပါ။ ခြောက်သွေ့သော မြေပေါ်တွင် မည်သည့်အခါမှ ပျိုးမထောင်သင့်ပါ။

* နှမ်းမျိုးစေ့ အညှောက်ပေါက်ရန် ပျိုးခင်း စိုစွတ်မှုရှိဖို့ (၃)ရက်ဝန်းကျင်ခန့် အစိုဓာတ်ထိန်းပေးရပါမယ်။

* နှမ်းမျိုးစေ့များအား အတန်းလိုက် ပျိုးပေးပါ။

* နှမ်းမျိုးစေ့များအား အနက် (၂)လက်မခန့်တွင် ပျိုးကာ မြေကြီးဖြင့် ပြန်ဖုံးပေးပါ။