မြေဆွေးပုံပြုလုပ်နည်းအဆင့်ဆင့်

(၁) အရိပ်ရသောနေရာတွင် အလျား (၆)ပေ၊ အနံ(၃)ပေ၊ အမြင့်(၃)ပေ အရွယ်အပုံ(သို့) ကျင်းများတွင်ပြုလုပ်ပါ။

(၂) ၎င်းအရွယ်ထက်သေးပါက လိုအပ်သောအပူချိန်ကိုမရရှိနိုင်ပါ။

(၃) ကာဗွန်ဓါတ်ကဲသော ကုန်ကြမ်းများ (ကောက်ရိုး၊ သစ်ရွက်ဆွေး၊ စပါးခွံ) များကို အောက်ခြေတွင် (၆) လက်မအမြင့်ခင်းပါ။

(၄) နိုင်ထရိုဂျင်ကဲသော ကုန်ကြမ်းများကိုနောက်ထပ် (၆) လက်မအထူထပ်ခင်းပါ။

(၅) နွားချေးဆွေး၊ ကြက်ချေးဆွေးတို့ကို ယင်းအပေါ်မှ (၂) လက်မခန့်အထူခင်းပါ။

(၆) ၎င်းအလွှာစဉ်အတိုင်း (၃) ပေအမြင့်ရောက်သည်အထိ ထပ်ပေးပါ။

(၇) အစိုဓါတ်အသင့်အတင့်ရရန် (၄၀-၇၀) % ရေလောင်းပါ။

(၈) လေဝင်လေထွက်ကောင်းရန် အပုံတစ်ဖက်တစ်ချက်စီတွင် ဝါးလုံးများရိုက်သွင်းပါ။

(၉) မြေဆွေးပုံများကို အပူချိန်ထိန်းထားနိုင်ရန် ကောက်ရိုး၊ မြေကြီးစသည်တို့ဖြင့် ဖုံးပေးရန်လိုသည်။

(၁၀) (၂) ပတ်ခန့်အကြာ မြေဆွေးပုံကို အပူချိန်လွန်ကဲမှုမရှိစေရန် အဖုံးအကာများကို (၁၅) မိနစ်ခန့်လှပ်ပေးပါ။

(၁၁) အပေါ်အောက် သမအောင်မွှေနှောက်လှန်ပေးပါက ပိုကောင်းပါသည်။

(၁၂) ၃-၄ လခန့်အကြာတွင် ကောင်းစွာဆွေးမြေ့သော သစ်ဆွေးမြေသြဇာကိုရရှိသည်။

မှတ်ချက် - မြေဆီလွှာ၏အာဟာရဓါတ် အခြေအနေပေါ်မူတည်၍ တစ်ဧကလျှင်(၁၀ မှ ၄၀ တန်) နှုန်းထည့်သွင်းပါ။

Source - စိုက်ပျိုးရေးဦးစီးဌါန