လူအများစုသတိမပြုမိတဲ့ ညဘက်ဝတ်မှုံကူးသတ္တဝါများ

သို့သော် လူအများက အမေ့လျော့ခံထားရသော ဝတ်မှုံကူးသတ္တဝါများ ရှိကြသည်။ ဥပမာ သရက်ခြံများတွင် အဓိကဝတ်မှုံကူးသူမှာ ပျားမဟုတ်ဘဲ ယင်ကောင်များဖြစ်နေသည်။ ထို့ကြောင့် ဂျပန်နိုင်ငံရှိ သရက်ခြံများတွင် သရက်ပန်းပွင့်ချိန်ရောက်သောအခါ ယင်ကောင်များလာစေရန် ငါးပုဇွန်အလေအလွင့်များကို အပင်ခြေ၌ ပုံထားကြလေ့ရှိသည်။ ထို့ကြောင့် မိမိစိုက်ခင်းအောင်မြင်တိုးတက် စေရန်အတွက် အရေးပါသော ဝတ်မှုံကူးသတ္တဝါများအကြောင်းကို သိထားရန် လိုအပ်သည်။ အကယ်၍ သင်၏စိုက်ပျိုးသီးနှံသည် ညဘက်ပန်းပွင့်သော သီးနှံဖြစ်ပါက ညဘက်ဝတ်မှုံကူးပေးသောသတ္တဝါများကို သိရှိထားရန် ပိုမိုအရေးကြီးသည်။ ထို့ကြောင့် ညဘက်ဝတ်မှုံကူးသတ္တဝါအချို့အကြောင်းကို တင်ပြပေးချင် ပါသည်။လူအများစုသတိမပြုမိတဲ့ ညဘက်ဝတ်မှုံကူးသတ္တဝါများ

ဖလံများ

ဖလံများသည် အများဆုံး ညဝတ်မှုန်ကူးသည့် ပိုးမွှားများထဲမှ တစ်ခုဖြစ်သည်။ အထူးသဖြင့် မြောက်အမေရိကတွင် မရှိမဖြစ်ဝတ်မှုံကူးသူဖြစ်သည်။ ဖလံများသည် ညအချိန်တွင်သာ ပွင့်သောပန်းများကို ၀တ်မှုန်ကူးပေးသောကြောင့် ညအချိန်ဝတ်မှုန်ကူးရန်အတွက် မရှိမဖြစ် လိုအပ်ပါသည်။ yucca အပင်သည် ၎င်း၏ဘဝသံသရာကို ပြီးမြောက်ရန် ဖလံများပေါ်တွင် မှီခိုနေရသည်။ ဖလံတွေမှာ သေးငယ်သောအမွေးများ များပြားစွာပါရှိသောကြောင့် တစ်ပင်မှတစ်ပင်သို့ ဝတ်မှုန်အများအပြား သယ်ဆောင်သွားနိုင်သည်။

လင်းနို့များ

လင်းနို့မျိုးစိတ်အများစုသည် အင်းဆက်ပိုးမွှားများနှင့် အပင်ဝတ်မှုန်များကို စားသောက်ကြသော်လည်း နို့တိုက်သတ္တဝါများကို သွေးစုပ်သည့် ရှားပါးသော သွေးစုပ်လင်းနို့များ ပင်လျှင် ၀တ်မှုန်ကူးနိုင်သည်။ ဥပမာအားဖြင့်၊ ကိုကိုး၊ ယူကလစ်၊ မာလကာနှင့် သရက်သီးတို့သည် လင်းနို့များ၏ ဝတ်မှုံကူးမှုကြောင့် ပိုမိုဖြစ်ထွန်းကြသည်။ ထို့အပြင်၊ လင်းနို့များသည် အင်းဆက်များထက် ပိုဝေးသောနေရာသို့ပျံသန်းသွားလာနိုင်သောကြောင့် ၎င်းတို့သည် ဝတ်မှုန်များကို နေရာတိုင်းသို့ ဖြန့်ဝေပေးနိုင်သည်။

ပိုးစုန်းကြူးများ

မြောက်အမေရိကတွင် ပိုးစုန်းကြူးမျိုးစိတ်ပေါင်း ၁၆၅ မျိုးရှိသည်။ သူတို့၏ဘဝသံသရာသည် သာမန်အင်းဆက်များထက် ပိုကြာသည်။ ၎င်းတို့သည် အရွယ်ရောက်ပြီး မိတ်မလိုက်မီအထိ လပေါင်းများစွာ မြေအောက်၌ ခိုအောင်းနေထိုင်ကြသည်။ အရွယ်ရောက်ပြီးသော ပိုးစုန်းကြူးများသည် စိုစွတ်သောနွေရာသီညခင်းများ၌ ဝတ်မှုန်နှင့်အပင်ဝတ်ရည်များကို စားသုံးကြကာ ဝတ်မှုံကူးနိုင်ကြ သည်။

ပျားများ

ပျားအားလုံးမဟုတ်သော်လည်း ညဘက်ဝတ်မှုန်ကူးသည့် ပျားမျိုးစိတ် အနည်းငယ်ရှိသည်။ ဥပမာအားဖြင့်၊ ဗဟိုအမေရိကမှ ချွေးပျားများသည် နေ့ခင်းဘက်ပျားများထက် အလင်းရောင်ကို ၂၇ ဆ ပိုမိုအာရုံခံနိုင်သော မျက်လုံးရှိပြီး ၎င်းတို့အား အံ့သြဖွယ်ညမြင်ကွင်းကို ပေးစွမ်းသည်။ ညဘက်တွင် မြင်နိုင်သော ပျားများသည် ညဘက်တွင် လိုက်လျောညီထွေရှိကြပြီး အချို့မှာ မှန်ပြောင်းတပ်ထားသကဲ့သို့ ၎င်းတို့၏ အမြင်အာရုံကို ပို၍ပင် မြှင့်တင်နိုင်သည်။ ညထွက်ပျားများသည် အလယ်ပိုင်းနှင့် တောင်အမေရိကတို့တွင်လည်း တွေ့နိုင်ပါသည်။

ZAW MYO HTUT 2011B.Agr.Sc

Reference ; https://brightly.eco/