ကြက်သွန်များ အဖြစ်များတဲ့ မျိုးစေ့ဆောင်ရောဂါတွေကို ဘယ်လိုနည်းလမ်းတွေနဲ့ ကြိုတင်ကာကွယ်ကြမလဲ?
- ကြက်သွန်မှာကျရောက်တဲ့ ရောဂါအများစုကတော့ မျိုးစေ့ဆောင်ရောဂါကြောင့် ဖြစ်တာ များပါတယ်။
- အထွက်နှုန်းဆုံးရှုံးမှုမဖြစ်အောင်လို့ ကြိုတင်ကာကွယ်တာ အကောင်းဆုံးပါပဲ။
ဒါကြောင့် မစိုက်ခင်မှာ ကြက်သွန်ဥ (သို့မဟုတ်) မျိုးစေ့ကို မှိုသတ်ဆေး တစ်မျိုးမျိုးနဲ့ လူးနယ်စိုက်ပျိုးသင့်ပါတယ်။
- မျိုးစေ့ဆောင်ရောဂါတွေကို ကြိုတင်ကာကွယ်ဖို့ အတွက်ကတော့ အပင်မစိုက်ခင်မှာ မျိုးစေ့လူးနယ်ဆေးကို အသုံးပြုသင့်ပါတယ်။ ထိုသို့ပြုလုပ်ခြင်းဖြင့် မျိုးစေ့ထဲမှာ ကပ်ပါလာတဲ့ ရောဂါဖြစ်စေတဲ့ သက်ရှိကို နှိမ်နင်းနိုင်မှာ ဖြစ်ပါတယ်။
- မျိုးစေ့ဆောင်ရောဂါ ဖြစ်စေတဲ့ သက်ရှိတွေကတော့ ဖျူစေရီယမ် ( Fusarium spp) ၊ စခရိုရှန် ( Sclerotium spp)၊ ပစ်သီယမ် ( Pythiumn spp)၊ ဘိုထရိုက်တစ် ( Botrytis)
- မျိုးစေ့လူးနယ်ဆေးပြုလုပ်ဖို့အတွက် အောက်ပါနည်းလမ်းအတိုင်း လိုက်နာဆောင်ရွက်နိုင်ပါတယ်။
ကြက်သွန်ဥတွေကို တစ်လုံးချင်းစီရွေးပြီး အပေါ်ယံခွံကို ဖယ်ပါ။
- သိုင်အိုဖီးနိတ် မီသိုင်း + သီရမ် (thiophanate methyl 50 %+ thiram 30% WP ) ၁၈၀ ဂရမ် (စားပွဲတင်ဇွန်း ၁၈ဇွန်း) နှင့် ရေ ၂၆ ဂါလံ ( ဆေးဖျန်းပုံး ၆ ပုံး) မှာဖျော်ပြီး ကြက်သွန် ၅၀ ကီလိုဂရမ်အတွက် အသုံးပြုနိုင်ပါသည်။
- ကြက်သွန် ၂၅ ကီလိုဂရမ်ကို ပီနံအိတ် ထဲကို ခွဲထည့်ပြီး ကြိုးဖြင့်စည်း၍ ဖျော်စပ်ထားတဲ့ဆေးရည်ထဲကို ၃၀ မိနစ်ခန့် စိမ်ပါ။
- ပြီးနောက် ကြက်သွန်ဥများကို အရိပ်ထဲတွင် ဖြန့်ပြီး အခြောက်ခံပါ။
ပြီးနောက် ကြက်သွန် ၂၅ ကီလိုဂရမ်ကို ထပ်ပြီးစိမ် အရိပ်အောက်တွင် အခြောက်ခံပြီးနောက် စိုက်ပျိုးနိူင်ပါတယ်။
![likes](../heart.png)
![comments](../comments.png)
![views](../views.png)