အာလူး သိုလှောင်ခြင်း
-အရည်အသွေးနှင့် အရေအတွက်ဆုံးရှုံးမှုပမာဏ နည်းစေပြီး နောင်တစ်ချိန်တွင် ကောင်းမွန်စွာ အသုံးပြုနိုင်ရန် အာလူးများကို သင့်တင့်သော အခြေအနေ တစ်ခုတွင် ထားရှိသိုလှောင်ရမည်။
-အာလူးသိုလှောင်ခြင်းတွင် တွေ့ရှိရသော ယေဘူယျပြဿနာများမှာ-
•အလေးချိန်လျော့ကျခြင်း/ ကျုံ့သွားခြင်း
•ပုပ်သိုးခြင်း
•အညှောင့်ထွက်ခြင်း
•အခွံစိမ်းဖြစ်ပေါ်ခြင်း
•အင်းဆက်များနှင့် ကြွက်များဖျက်စီးခြင်း
•ဓာတုဗေဒဆိုင်ရာ ပြောင်းလဲမှု - ပို၍ချိုစေခြင်း ( သိုလှောင်ခန်း အတွင်းအပူချိန်လျော့လွန်းခြင်း/ကာဗွန်ဒိုင်အောက်ဆိုဒ်များလွန်းခြင်း/သကြားဓာတ်များလာခြင်း)
အာလူးသိုလှောင်ချိန်တွင် အဓိကကျသော အချက်များ
-အာလူးကို ခြောက်သွေ့အောင် သိမ်းဆည်းခြင်း
•သင့်လျော်သော စိုထိုင်းဆ - >92%
•ရောဂါပျံ့နှံ့မှုကို ကာကွယ်ပေးခြင်း။
•ရေငွေ့ပျံမှုမှ တစ်ဆင့် ရေဆုံးရှုံးမှုကို လျော့ကျစေရန် ဆောင်ရွက်ပေးခြင်း။
မှိုနှင့် ဘတ်တီးရီးယားရောဂါဝင်ရောက်မှုကို လျော့နည်းစေခြင်း အာလူးများကို မှောင်သောနေရာတွင် သိမ်းဆည်းထားခြင်းအားဖြင့် အခွံစိမ်း ဖြစ်ပေါ်မှုကို လျော့နည်း စေပါသည်။
သိုလှောင်ချိန်အတွင်း ဖြစ်ပေါ်တတ်သည့်အရာများ
• အာလူး၏အသက်ရှုခြင်း(respiration)နှင့် ရေငွေ့ပြန်ခြင်း (transpiration) တို့ကြောင့် သိုလှောင်ချိန်တွင် အလေးချိန်နှင့် အရည် အသွေး ကျဆင်းမှုများ ဖြစ်ပေါ်နိုင်သည်။
•အလေးချိန် ကျဆင်းခြင်း၏ ၉၀ရာခိုင်နှုန်းသည် အာလူးအခွံမှတစ်ဆင့် ရေငွေ့ ပြန်ခြင်းကြောင့် ဖြစ်သည်။
• ရေငွေ့ပြန်မှု အတိုင်းအတာသည် အခွံ၏ စိမ့်ဝင်နိုင်မှု( အာလူးမာကြောမှု ထိခိုက်ဒဏ်ရာရရှိမှုနှင့်အတိုင်းအတာ၊အကြေးဖတ်ရောဂါကြောင့် အာလူးခွံ အပေါက်ဖြစ်မှု နှင့် အညှောင့်ပေါက်မှု တို့တွင် မူတည်ပါသည်။
•သိုလှောင်ခန်း၏စိုထိုင်းဆ (Humidity) အာလူးအခွံ၊ အညှောင့်ပေါက်မှု နှင့် ထိခိုက်ဒဏ်ရာတို့၏ အလေးချိန်ဆုံးရှုံးမှု အချိုးသည် ၁ : ၁၀၀ : ၃၀၀ အချိုး ဖြစ်သည်။ (Skin, Sprout, Wound (1:100:300)
အထက်ပါအကြောင်းအချက်ကို ကြည့်ခြင်းအားဖြင့် . ရိတ်သိမ်းခြင်းနှင့်ကိုင်တွယ်မှုပြီးနောက်အာလူးဒဏ်ရာများကို ကုသခြင်းနှင့်ဖြေရှင်းခြင်းသည်အညှောင့်ထွက်မှု ပြဿနာ ကိုမည်မျှအရေးကြီးသည်ဆိုသည်ကို သိနိုင်မည်ဖြစ်သည်။
အအေးခန်း သိုလှောင်ရုံ၏ အာလူးသိုလှောင်ကာလအတွင်း ကျင့်သုံးလေ့ ရှိသော အဆင့်များ
အာလူးသိုလှောင်ခြင်း - နည်းပညာဆိုင်ရာ ဖြေရှင်းနည်းစနစ်များ
အရည်အသွေးနှင့် အရေအတွက် ထိခိုက်မှု အနည်းဆုံးနှင့် နောင်တစ်ချိန်တွင် အသုံးပြုရန်အတွက် အကောင်း မွန်ဆုံး အခြေအနေတစ်ခုတွင် အာလူးများကို ထိန်းသိမ်းမှုပြုကြသည်။
-မျိုးအာလူး - တူးဖော်ရိတ်သိမ်းခြင်းနှင့် နောက်ရာသီ စိုက်ပျိုးမှုမတိုင်မှီ ကြား ကာလ တွင် သိုလှောင်ခြင်း
-စားအာလူး - တူးဖော်ရိတ်သိမ်းခြင်းနှင့် ရောင်းချခြင်း/ ကုန်ချော ပြင်ဆင် ထုတ်လုပ်မှု ကြားကာလတွင် သိုလှောင်ခြင်း
-သိုလှောင်ရုံသည်ဆေးရုံတစ်ခုမဟုတ်သည့်အတွက်ကြောင့် အာလူး အရည်အသွေးကို သိုလှောင်ချိန် အတွင်း မတိုးမြှင့်နိုင်ပါ။
-သို့သော်လည်း ကောင်းစွာသိုလှောင်ထားခြင်းသည် အာလူး စိုက်ပျိုးထုတ်လုပ်မှု အကောင်းဆုံးဖြစ်စေရန် အရေးကြီးသည့် အချက်တစ်ခုဖြစ်သည်။
-အကောင်းဆုံးသော သိုလှောင်စီမံခန့်ခွဲမှုသည် ဆုံးရှုံးမှုနည်းခြင်းနှင့် အရည် အသွေး ကို ထိန်းသိမ်းနိုင်ခြင်း ဖြစ်သည်။
-မိရိုးဖလာနည်းစနစ်ဖြင့် အာလူးသိုလှောင်ခြင်းသည် ကာလတို (၂-၄လ) သိုလှောင်ခြင်း အတွက် သင့်တော်ပါသည်။
-တစ်ရာသီပြီး တစ်ရာသီ စိုက်ပျိုးသည့်အတွက် ပြင်ပအပူချိန်အောက်တွင် သိုလှောင်သည့် အတွက် လေဝင်လေထွက်စနစ်များ၊ အအေးခံစနစ်များ ထက် ကုန်ကျစရိတ်သက်သာသည်။
-သိုလှောင်နိုင်မှုကာလသည် အစေ့ငုပ်လျှိုးချိန် (dormancy) ကာလ ပေါ် မူတည်သည်။ အစေ့ငုပ်လျှိုးချိန် တိုသောမျိုးများသည် ဤသိုလှောင်မှု ပုံစံနှင့် မကိုက် ညီပါ။
သိုလှောင်နည်းအမျိုးမျိုး
မိရိုးဖလားနည်းအရ သိုလှောင်းနည်းအမျိုးမျိုးမှာ အောက်ပါအတိုင်းဖြစ်သည်။
1. စိုက်ကွင်းမြေပေါ်တွင် သိုလှောင်ခြင်း
2. မြေတွင်းတူးသိုလှောင်ခြင်း
3. . စုပုံ၍ သိုလှောင်ခြင်း
4. ခြင်း၊ အိတ်များဖြင့်ထည့်ကာ သစ်သား/ အုတ်တိုက်/ အခန်းများတွင် သိုလှောင်ခြင်း
5.အလင်းရောင်ပျံ့နှံ့စွာ ဝင်ရောက်မှုရှိသောသိုလှောင်မှု( Diffused lighthouse) - မျိုးအာလူးများ
အာလူးသိုလှောင်နည်းများကို နောက်တစ်ပါတ်သောကြာနေ့မှာ အသေးစိတ်ထပ်မံတင်ပြပေးသွားပါမည်။
Fresh Studio Myanmar/EAT VEG မှ ကူးယူဖော်ပြပါသည်။
![likes](../heart.png)
![comments](../comments.png)
![views](../views.png)