ပဲမျိုးစုံတွင် ကျရောက်သော ဗိုင်းရပ်စ်ရောဂါ 🌞 🌞
ကျရောက်နေတဲ့ အရွက်တွေက ပုံသဏ္ဍာန်ပျက်မယ်၊ အောက်ဘက်ကုတ်နေမယ်၊ ထွတ်ပြီး တွန့်နေမယ်၊ အရောင်ပြယ်လာမယ်၊ အစိမ်းရောင်နဲ့ အဝါရောင်ကြားမှာ ရောင်မညီ ကွက်ကြားတွေ ဖြစ်တာပါဘဲ။ အချိန်ကြာလာတာနဲ့အမျှ သူ့ရဲ့လက္ခဏာဟာ သိသာလာပါတယ်၊ နောက်ပိုင်း လုံးဝ အစိမ်းရောင် ပျောက်ပါမယ်။
အပင်ငယ်ငယ်မှာ ကျရောက်မယ်ဆိုရင် အပင်ကြီးထွားမှု ရပ်တန့်တဲ့အထိအောင် ဖြစ်သွားနိုင်ပါတယ်။
🌞 ဘယ်လိုကူးစက်တာလဲ?
ဗိုင်းရပ်ကျရာက်နေတဲ့ မျိုးစေ့တွေကို စိုက်မိပါက အပင်ကြီးထွားချိန်ထိ ဆက်လက်ရှိနေနိုင်ပါတယ်။ ဒီအပင်ကို စုပ်စားပိုးက တိုက်ခိုက်ချိန်မှာ ဗိုင်းရပ်က ပိုးမှာ ပါသွားပြီး တခြားအပင်များကို ကူးစက်ပျံ့ပွားပြန်ပါတယ်။ နောက် ရောဂါကျရောက်နေတဲ့ အပင်တွေကနေ နောက်ထပ် အပင်တွေဆီကို ဆက်လက် ကူးစက်စေပါတယ်။
🌞 ကာကွယ်ရန်
✅ ဗိုင်းရပ်ရောဂါကို ကုသဖို့ ဆေးမရှိသေးသဖြင့် သယ်ဆောင်ကောင်များကို အဓိက ထိန်းချုပ်ရပါမယ်။
✅ ဆက်လက် မပျံ့ပွားဖို့ ရောဂါကျရောက်နေတဲ့ အပင်တွေကို နုတ်ပြီး အခင်းနှင့်ဝေးရာကို လွှင့်ပစ်ပါ။ သို့မဟုတ် မီးရှိူ့ပစ်ပါ။
✅ ပဲမျိုးတွေ ဆက်တိုက်မစိုက်ဘဲ တခြား ခံနိုင်ရည်ရှိတဲ့ သီးနှံတွေနဲ့ သီးလှည့်စိုက်ပါ။
✅ ပဲစိုက်ရာသီသိမ်းချိန်မှာ တစ်လှည့်လက်ခံပင်တွေ၊ အကြွင်းအကျန်တွေကို ရှင်းပစ်ရပါမယ်။
✅ ရောဂါကင်းတဲ့ မျိုးစေ့တွေကို အသုံးပြုရပါမယ်။
✅ ရောဂါသယ်ဆောင်ကောင်တွေဖြစ်တဲ့ ယင်ဖြူ၊ ပျတို့ကို ကာကွယ် ထိန်းချုပ်ဖို့က အဓိက ကာကွယ်ခြင်းပါဘဲ။ ပိုင်မီထရိုဇင်း၊ သိုင်ရာမီသောက်ဇမ် ဆေးတို့ကို အသုံးပြုပြီး ပိုးများကို ထိန်းချုပ်နိုင်ပါတယ်။
#ရောင်မညီကွက်ကြားဗိုင်းရပ်ရောဂါ
#ပဲမျိုးစုံ
ရေးသားသူ - နွယ်အေး
References: Bean Yellow Mosaic / Dry Beans / Agriculture: Pest Management Guidelines / UC Statewide IPM Program (UC IPM) (ucanr.edu)
Bean Yellow Mosaic Virus Potyvirus BYMV (invasive.org)
Virus Diseases of Snap and Dry Beans | Cornell Vegetables
-----
ဆောင်းပါးသစ်များအတွက် ထွက်တိုးကို Like, follow, share, Download https://htwettoe.com/download လုပ်ထားပါ။
စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ်
![likes](../heart.png)
![comments](../comments.png)
![views](../views.png)