သစ်သီးဝလံနှင့်ကျန်းမာရေး 🍓🍐🍏
လူတို့အတွက် သစ်သီးဝလံတွေက အာဟာရပြည့်ဝပြီး ကျန်းမာရေးအတွက်စားသုံးဖို့ အထူးသင့်လျော်ပါတယ်။ ရာသီအလိုက် ပြောင်းလဲပြီး စားသုံးသင့်တဲ့ သစ်သီးအမျိုးအစားများစွာရှိတဲ့အပြင် သစ်သီးဝလံတွေရဲ့ အရောင်ပေါ်မူတည်ပြီး အာဟာရပါဝင်မှု ကွဲပြားပါတယ်။ ဒါကြောင့် တစ်နှစ်ပတ်လုံး ရာသီအလိုက်ပေါ်တဲ့ သစ်သီးဝလံတွေကို စားသုံးတာက ခန္ဓာကိုယ်အတွက်အာဟာရမျိုးစုံရရှိနိုင်ပါတယ်။ သစ်သီးဝလံတွေမှာ ဓာတ်တိုးဆန့်ကျင်ပစ္စည်း ပေါကြွယ်ဝစွာပါဝင်တဲ့အတွက် အရွယ်အိုမင်း
မှုဖြစ်စဉ် နှေးကွေးနိုင်ပြီး ကျန်းမာရေးအတွက် အကျိုးကျေးဇူးများစွာ ရရှိနိုင်ပါတယ်။
နံနက်အိပ်ရာထချိန်မှာ သစ်သီးဝလံတွေကို စားသုံးပေးရင် သကြားဓာတ်တွေကို ဖြိုခွဲနိုင်တယ်လို့ ကျန်းမာရေးကျွမ်းကျင် သူအများစုက ပြောကြပါတယ်။ တချို့ကျွမ်းကျင်သူအများစုကလည်း သစ်သီးဝလံတွေကို နေ့ခင်းပိုင်းမှာ အဆာပြေအဖြစ် စားသုံး ရင် အကောင်းဆုံးလို့ဆိုပါတယ်။
ထမင်းစားနေချိန်မှာ သစ်သီးဝလံတွေကို စားသုံးတာက အစာခြေမှုစနစ်ကို အနှောင့်အယှက် ဖြစ်စေနိုင်ပါတယ်။ သစ်သီးဝ လံတွေမှာ အမျှင်ဓာတ်များစွာပါဝင်ပြီး ထမင်း၊ ဟင်းနဲ့အတူစားသုံးရင် အစာအိမ်က အစာခြေဖို့ ခက်ခဲနိုင်ပါတယ်။ အာဟာရပညာ ရှင် အများစုက ထမင်းတစ်နပ်နဲ့တစ်နပ်ကြားမှာ သစ်သီးဝလံတွေကို စားသုံးတာက အာဟာရများစွာ ရရှိစေပြီး အစာကြေစေနိုင်တဲ့ အပြင် အစာစားတဲ့ပမာဏကို လျှော့ချနိုင်တဲ့အတွက် အကောင်းဆုံးလို့ မှတ်ချက်ပြုထားပါတယ်။
သစ်သီးဝလံစားသုံးမှုနဲ့ပတ်သက်ပြီး အယူအဆမှားတွေလည်း ရှိတတ်တဲ့အတွက် ဖော်ပြလိုက်ပါတယ်။ ထမင်းစားချိန်နဲ့ နီးကပ်ပြီး သစ်သီးဝလံကို ဘယ်တော့မှမစားသုံးရပါဘူး။ ထမင်းစားချိန်နဲ့နီးကပ်စွာ စားသုံးရင် ကြီးကြီးမားမား အန္တရာယ်မရှိ ပေမယ့် အစာခြေချိန် ကြာရှည် နိုင်ပါတယ်။ သစ်သီးတွေကို နံနက်အိပ်ရာထ ဒါမှမဟုတ် ထမင်းတစ်နပ်နဲ့တစ်နပ်ကြား အဆာပြေ အဖြစ် စားသုံးတာက အကောင်းဆုံးဖြစ်ပါတယ်။
ထမင်းစားပြီး သစ်သီးအနည်းငယ်စားနိုင်ပါတယ်။
နံနက်သင်္ဘော ညငှက်ပျောဆိုပြီး အဆိုရှိပါတယ်။ ထမင်းစားပြီး သစ်သီးစားသုံးမယ်ဆိုရင် ထမင်းနဲ့ဟင်းကို အနည်းငယ် လျှော့စားသင့်ပါတယ်။
တာရှည်အသုံးပြုနိုင်အောင်ပြုလုပ်ထားတဲ့ပစ္စည်းမှန်သမျှ လတ်လတ်ဆတ်ဆတ်ပစ္စည်းနဲ့ အာဟာရတန်ဖိုးချင်းမတူညီတော့ပါဘူး။ သစ်သီးခြောက်တွေကို တစ်ခါတလေစားသုံးနိုင်ပေမယ့် လတ်ဆတ်တဲ့ သစ်သီးနေရာမှာ အစားထိုးစားသုံးဖို့ မသင့်တော်ပါဘူး။
သစ်သီးဝလံတွေမှာ သဘာဝသကြားဓာတ်တွေ ပါဝင်နေတဲ့အတွက် ဆီးချိုရောဂါရှိနေသူတွေက သစ်သီးဝလံစားသုံးခြင်း ကို ရှောင်ကြဉ်ရမယ်လို့ လူအများစုက ယုံကြည်နေပါတယ်။ သစ်သီးတွေမှာ သကြားဓာတ်ပါဝင်နေပေမယ့် သူတို့ကိုစား သုံးလို့ သွေးထဲမှာပါဝင်တဲ့သကြားပမာဏ သိပ်မများပါဘူး။ သစ်သီးအများစုက ဟလိုင်ဆီမစ်အင်ဒက်နည်းနေပြီး ဒါက သွေးတွင်းသကြားပမာဏ ရုတ်တရက်မမြင့်တက်နိုင်ဘူးလို့ ဆိုနိုင်ပါတယ်။
သစ်သီးဝလံတွေက ဆီးချိုရောဂါရှိသူတွေအတွက် ကောင်းမွန်စေလို့ စားသုံးတဲ့အခါ ဘယ်လိုနေရာက အစားထိုး စားသုံး သင့်သလဲဆိုတာ နားလည်ထားသင့်တယ်။ ကိုယ့်ရဲ့အစားအစာအစီအစဉ်ထဲမှာ သရက်သီးလိုမျိုး သစ်သီးဝလံတွေကို ကာဗိုဟိုက်ဒြိတ်အနေနဲ့ ထည့်သွင်းစဉ်းစားရပြီး ဆီးချိုရောဂါသမားတချို့က သစ်သီးဝလံကို (၄၅-၆၀)ဂရမ်လောက် စားသုံးနိုင်ပါတယ်။ သရက်သီးကို ထမင်း၊ ပေါင်မုန့် ဒါမှမဟုတ် အာလူးလိုမျိုး ကာဗိုဟိုက်ဒြိတ်ပါဝင်တဲ့ အစားအစာတွေနဲ့ အတူ မစားသုံးသင့်ပါဘူး။ သူ့ကို ဗာဒံစေ့၊ သစ်ကြားသီး ဒါမှမဟုတ် အစေ့အဆန်တွေနဲ့ သရေစာအဖြစ်သာ စားသုံးသင့် ပါတယ်။
ကိုယ့်ရဲ့သွေးထဲမှာ သကြားပမာဏ ဒါမှမဟုတ်သုံးလအတွင်း ပျမ်းမျှရှိတဲ့သွေးတွင်း သကြားပမာဏ ဟေမိုဂလိုဘင်အေ ဝမ်းစီက မြင့်မားနေရင် သစ်သီးဝလံကိုမစားသုံးခင် ဆရာဝန်နဲ့ တိုင်ပင်သင့်ပါတယ်။သစ်သီးတွေမှာ ဟင်းရွက်တွေလိုပဲ ဗီတာမင်၊ သတ္တုဓာတ်၊ အမျှင်ဓာတ်ပေါကြွယ်ဝစွာ ပါဝင်ပါတယ်။သစ်သီးတွေမှာ ကာဗိုဟိုက်ဒြိတ်လည်း ပါဝင်တဲ့အတွက် သူတို့ကိုသင့်အစား အစာရဲ့ အစိတ်ပိုင်းတစ်ခုအဖြစ် မှတ်ယူနိုင်ပါတယ်။လတ်ဆတ်တဲ့သစ်သီး (သို့မဟုတ်) သစ်သီးအသုပ်တွေကခံတွင်းတွေ့စေပါ တယ်။ အာဟာရဓာတ်အပိုတွေလည်း ရရှိစေပါတယ်။
အကောင်းဆုံးသစ်သီးဆိုတာက သကြားမထည့်ထားဘဲ သဘာဝအတိုင်း လတ်ဆတ်ပြီး အအေးခံထားတဲ့သစ်သီး ဖြစ်ပါ တယ်။ သစ်သီးထည့်ထားတဲ့ အချိုရည်၊ သစ်သီးခြောက်နဲ့ (၁၀၀) ရာခိုင်နှုန်း သစ်သီးဖျော်ရည်တွေကလည်း အာဟာရဖြစ်စေ ပါတယ်။ သစ်သီးတစ်လုံးရဲ့ အစိတ်အပိုင်းတစ်ခု ဒါမှမဟုတ်အအေးခံထားတဲ့သစ်သီး ဒါမှမဟုတ် စည်သွတ်သစ်သီးခွက်တစ်ဝက် လောက်မှာ ကာဗိုဟိုက်ဒြိတ် (၁၅) ဂရမ်လောက်ပါဝင်ပါတယ်။ စပျစ်သီးခြောက်၊ ဘယ်ရီသီးခြောက် လက်ဖက်ရည်ဇွန်းနှစ်ဇွန်း မှာ ကာဗိုဟိုက်ဒြိတ်ပါဝင်ပါတယ်။ သစ်သီးတွေကို တခြားကာဗိုဟိုက်ဒြိတ် အရင်းအမြစ်တွေနေရာမှာ အစားထိုးပြီးစားသုံးလို့ရပါ တယ်။ ဆန်မှုန့်၊ ပြောင်းမှုန့်၊ ကောက်ပဲသီးနှံများ၊ နို့နဲ့နို့ထွက်ပစ္စည်းများ အစားထိုးနိုင်တယ်။ အသီးတော်တော်များများ မှာ ဂလူးကို့စ်ပါဝင်မှုနည်းပါတယ်။ ဘာကြောင့်လဲဆိုတော့ သူတို့မှာသကြားဓာတ်တစ်မျိုးနဲ့ အမျှင်ဓာတ်ပါဝင်မှုများလို့ ဖြစ်ပါ တယ်။ ဖရဲသီးနဲ့ နာနတ်သီးတွေမှာ ဂလင်းစလင်းအင်ဒက်ပါဝင်မှု အလယ်အလတ်ရှိတယ်။ တချို့အသီးခြောက်တွေဖြစ်တဲ့ စွန်ပလွံခြောက်၊ စပျစ်ခြောက်နဲ့ ဘယ်ရီသီးခြောက်တွေမှာလည်း ဂလင်းစလင်းအင်ဒက်ပါဝင်မှု အလယ်အလတ်ရှိပါတယ်။ စားသုံးနိုင်တဲ့သစ်သီးတွေက ပန်းသီး၊ ပန်းသစ်တော်သီး၊ တရုတ်ဆီးသီး၊ ငှက်ပျောသီး၊ ဘယ်ရီသီး၊ အမည်းရောင်ဘလူးဘယ်ရီ၊ သခွားမွှေး၊ ချယ်ရီသီး၊ စွန်ပလွံသီး၊ အသီးခြောက်၊ မက်မန်းသီး၊ သဖန်းသီး၊ရှောက်ခါးသီး၊ စပျစ်သီး၊ ကီဝီသီး၊ သရက်သီး၊ လိမ္မော်သီး၊ သင်္ဘောသီး၊ ထန်းသီး၊ ရက်စ်ဘယ်ရီ၊ စတော်ဘယ်ရီ၊ မန်ကျည်းသီး၊ ဖရဲသီး၊ မာလကာသီး၊ ဒူးရင်းသီးနဲ့ ပိန္နဲသီးတို့ဘဲဖြစ်ပါတယ်။ ဆီးချိုလက္ခဏာရှိရင် အချိုများတဲ့သစ်သီးတွေ အစား တခြား သရက်သီးစိမ်း၊ ပန်းသီးမမှည့်တမှည့်စတဲ့ အချဉ်များတဲ့ အသီးတွေ စားသုံးသင့်ပါတယ်။ ဆီးချိုသမားတွေ သကြားရှောင်ဖို့ လိုအပ်ပေမယ့် ထန်းရည်ကချက်တဲ့ထန်းလျက်ကို အသင့်အတင့်စားသုံးနိုင် ပါတယ်။ ဝမ်းမှန်စေဖို့ ထန်းလျက်နဲ့ဖျော်တဲ့ မန်ကျည်းဖျော်ရည်တစ်ခွက် သောက်သုံးသင့်ပါတယ်။ တခြားအသင့်အမြန်စား ဟမ်ဘာဂါ၊ ဆင်းဒဝစ်၊ ပီဇာ ရှောင်ကြဉ်သင့်ပါတယ်။ ။
ရေးသားသူ - ဒေါက်တာလွင်သန့်
-------------
ဆောင်းပါးသစ်များအတွက် ထွက်တိုးကို Like, follow, share လုပ်ထားပါ။
စီးပွားဖြစ်ပန်းစိုက်ပျိုးနည်းများ၊ အခြား သီးနှံစိုက်ပျိုးနည်းများ အတွက်
ထွက်တိုးကို Download လုပ်ပါ - https://htwettoe.com/download
![likes](../heart.png)
![comments](../comments.png)
![views](../views.png)