မြေပဲဈေးကောင်းသော်လည်း စိုက်စရိတ်ကြောင့် အမြတ်နည်း

မကွေးမြို့နယ်မှာ ဆောင်မြေပဲတွေ အထွက်နှုန်းသင့်ပြီး ဈေးကောင်းရရှိပေမယ့် တောင်သူတွေအနေနဲ့ စိုက်ပျိုး စရိတ်မြင့်တက်တာ၊လုပ်သားငှားရမ်းခနဲ့သယ်ယူပို့ဆောင်စရိတ်မြင့်မားတာတွေကြောင့် အမြတ်ရရှိမှု နည်းပါး ကြတယ်လို့ တောင်သူတွေက ပြောပါတယ်။ ဆောင်းမြေပဲစိုက်ပျိုးချိန်မှာ မိုးပုံမှန်ရရှိခဲ့တာကြောင့် ဆောင်းမြေပဲ စိုက်ခင်းတွေ အဆင်ပြေခဲ့တာလို့ ဆိုပါတယ်။

လတ်တလောမှာဆောင်းမြေပဲတောင့် တစ်တင်းကို ကျပ်၂၈၀၀၀ ကနေ ၃၀၀၀၀ ကျော်အထိ စျေးရရှိနေပြီး အရောင်းအဝယ်ကလည်း သွက်နေတယ်လို့ သိရပါတယ်။ မကွေးမြို့နယ်မှာ မြေပဲနဲ့နှမ်းကို အဓိက စီးပွားဖြစ် သီးနှံအဖြစ် စိုက်ပျိုးကြပြီး ဆောင်သီးနှံရာသီမှာတော့ မြေပဲ အဓိကနဲ့ အခြားပဲမျိုးစုံကို စိုက်ပျိုးကြတယ်လို့ သိရပါတယ်။

One News Myanmar မှကူးယူဖော်ပြပါသည်။

----