မြေဆီဈေးတက်နေချိန် စပါးအထွက်တိုးရန် ကိုယ်တိုင်လုပ် ရွက်ဖျန်းမြေဩဇာ အသုံးပြုပါ

စပါးပင်အတွက် ပိုတက် ( K )သည် အပင်အတွင်းရွှေ့လျားနိုင်ပြီး အမြစ်ကြီးထွားရန်၊ အပင်တောင့်တင်းခိုင်မာပြီး အပင်ယိုင်လဲမှုကို သက်သာစေရန် နှင့် ပိုးမွှား၊ ရောဂါ ကျရောက်မှုကို အတောင်အသင့် ခံနိုင်ရန်အတွက် အလွန်အရေးပါသည်။ ရေသွင်းစိုက်ခင်းတွေမှာဆိုရင် စပါးအထွက်တိုးရန် ပိုတက်မြေဆီကို အလုံအလောက်ထည့်သွင်းပေးရန် လိုအပ်ပါသည်။ အပင်အတွက် အဓိက လိုအပ်သည့် နိုက်ထရိုဂျင်နှင့် ပိုတက်ကို ရရှိရန် ပိုတက်စီယမ်နိုက်ထရိတ် (ခေါ်)ယမ်းစိမ်းကို အသုံးပြုနိုင်သည်။ ပိုတက်စီယမ်နိုက်ထရိတ်တွင် နိုက်ထရိုဂျင်ကို နိုက်ထရိတ်အဖြစ် 13 % နှင့် ပိုတက် K2O ကို 46 % ပါဝင်သည်။ ထို့ ကြောင့် N.P.K အချိုးအတိုကောက်အနေနှင့် 13 : 0 : 46 ဟုဖော်ပြသည်။အရွက်ဖျန်းဆေးအဖြစ် ပိုတက်စီယမ်နိုက်ထရိတ် 0.5 % (ရေ ၄ ဂါလံဝင် ဆေးဖျန်းပုံးတစ်ပုံးလျှင် ပိုတက်စီယမ်နိုက်ထရိတ် ၅ ကျပ်သား) နှုန်းဖြင့် စပါးပင် စိုက်ပြီး ၄၀ ရက်သားနှင့် ၆၀ ရက်သားဝန်းကျင်တို့မှာ ဖျန်းပေးနိုင်ပါသည်။ပိုတက်ဆီယမ် နိုက်ထရိတ် ( KNO3) N ပါဝင်မှု 13%K2O ပါဝင်မှု 44 t0 46 %

References - Nutrient Source Specifics (No. 11) International Plant Nutrition Institute.