ရန်ကုန်တိုင်းဒေသကြီးအတွက် တစ်ပတ်စာမိုးလေဝသခန့်မှန်းချက်နှင့် အကြံပြုချက်

၂၀၂၅ဇန်နဝါရီလ ၆ရက်နေ့မှ ၁၃ရက်နေ့အထိ မိုးရွာနိုင်တဲ့အလားအလာမရှိပါဘူး။

နေ့အပူချိန် 32°C. ညအပူချိန် 17°C အထိလျော့ကျနိုင်ပြီးအေးမြသာယာနေပါလိမ့်မယ်။

Source: Su Su San

ရန်ကုန်တိုင်းဒေသကြီးအတွင်းရှိ နွေစပါးစိုက်တောင်သူများထံသို့

စိုက်ပျိုးရေးဆိုင်ရာ အကြံပြုချက်

• မိုးစပါးစိုက်ပျိုးခဲ့စဥ်က စပါးဆစ်ပိုး၊ ကြက်သွန်မြိတ်ပိုး စသည်တို့ကျရောက်ခဲ့ပါက မြေပြင်ချိန်တည်းက ရိုးပြတ်၊ ပင်ကြွင်းပင်ကျန်များကို သေချာရှင်းလင်းခဲ့ပါ။
• မြေခံမြေဆီအဖြစ်အသုံးပြုလိုပါက တီစူပါ (ဖော့စ်ဖရပ်စ်) (P) ကို အိတ်ဝက်+ ပိုတက်ရှ်(K)ကိုအိတ် ၄ပုံ၁ပုံနှုန်းထည့်ပေးပါ။
• တိုက်ရိုက်မျိုးစေ့ချစိုက်ခင်းဆိုပါက အရွက် ၅ ရွက်ထွက်ချိန်မှာ ယူရီးယား(N)တစ်အိတ်ရဲ့ ၃ပုံ၁ပုံကို တစ်ကြိမ်၊ ပျိုးထောင်စိုက်ခင်းဆိုပါက ကောက်ပင်လှန်ချိန်တွင် ၎င်းအချိုးအတိုင်း တစ်ကြိမ် ထည့်ပေးပါ။
• ပင်ပွားစီးချိန်တွင် ယူရီးယား နောက်၃ပုံ၁ပုံကို (၁)ကြိမ်၊ ဗိုက်ဖောင်းချိန် ပိုတက်ရှ် (၁)ကြိမ်၊ အလံရွက်ထွက်ချိန် ကျန်သောယူရီးယား(N)တစ်ပုံ+ ပိုတက်ရှ်(K)တစ်ပုံကို နည်းလမ်းမှန်မှန်နဲ့ စနစ်တကျကျွေးနိုင်ပါတယ်။

 ငါး/ပုဇွန် ကန်များအတွက်အကြံပြုချက် 

  ရန်ကုန်တိုင်းဒေသကြီးမှာရှိတဲ့ ငါး/ပုဇွန်မွေး တောင်သူများအတွက် အောက်ပါအချက်တွေ ဆောင်ရွက်ဖို့ အကြံပြု

လိုပါတယ်ခင်ဗျာ- 

·     ကန်ဖော်နေသည့် ငါး/ပုဇွန်မွေး တောင်သူကြီးများအနေဖြင့် ငါးများ အနာသက်သာစေရန် မနက်ခင်း နေ အေးချိန်တွင် ဆောင်ရွက်သင့်ပါကြောင်း၊ 

·     ကန်ရေအရောင်ဟာ မည်းနောက်နောက်ဖြစ်နေပါက နေ့ခင်းတွင် ကန်ရေ ၂၀

ရာခိုင်နှုန်းမှ ၃၀ ရာခိုင် နှုန်းကို ထုတ်ပစ်ပြီး ညအချိန်ရောက်မှသာ

ပြန်ထည့်ပေးရန်၊ 

·     ကန်ရေမျက်နှာပြင်တွင် ရေညှိများပေါက်ရောက်တဲ့ ကာလဖြစ်တဲ့အတွက်

ကန်သန့်ရှင်းရေး ဆောင်ရွက် ပေးရန်၊ 

·     အချို့ကန်များတွင် ကန်ရေအရောင်များ အရမ်းဖျော့နေတက်ပါက NPK မြေဩဇာကို ၁၀၀၀ ကုဗစ် မီတာတွင် ၁ ကီလိုဂရမ်မှ ၂ ကီလိုဂရမ်ထည့်ပေးရန်နဲ့ အဆိုပါပမာဏကို ၂ ရက်မှ ၃ ရက်အထိထည့် ပေးရန်၊ 

✦✦✦✦✦✦✦✦

ထွက်တိုး Telegram Channel ဝင်ရန် နှိပ်ပါ - https://t.me/htwettoe

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -https://htwettoe.com/download ထွက်တိုးမေးဖြေကဏ္ဍတွင် ဝင်ရောက်မေးမြန်းနိုင်ပါကြောင်း သတင်းကောင်းပါလိုက်ပါတယ်။