ဧရာဝတီတိုင်းဒေသကြီးအတွက် မိုးလေဝသခန့်မှန်းချက်နှင့် အကြံပြုချက်

၂၀၂၅ဇန်နဝါရီလ ၆ ရက်နေ့မှ ၁၃ ရက်နေ့အတွင်း ဧရာဝတီတိုင်းဒေသကြီးတွင်

မိုးရွာသွန်းနိုင်တဲ့အလားအလာမတွေ့ရှိရပါဘူး။

ရာသီဥတုကြည်ကြည်လင်လင်သာသာယာယာရှိနေစေပါလိမ့်မယ်။

ဧရာဝတီတိုင်းဒေသကြီးအတွင်းရှိ နွေစပါးစိုက်တောင်သူများထံသို့...

စိုက်ပျိုးရေးဆိုင်ရာအကြံပြုချက်

·      လက်ရှိစပါးဂုတ်ကျိုးကျနေသောစိုက်ခင်းများအနေဖြင့် နိုက်ထရိုဂျင်ပုလဲယူရီးယားကို တစ်ကြိမ်တည်းအလွန်အကျွံမသုံးပါနဲ့။ အကြိမ်ရေခွဲထည့်ပေးပါ။

·      စိုက်ခင်း အနီးတဝိုက်ရှိပေါင်းမြက်များကိုသေချာရှင်းလင်းပေးပါ။

·      မှိုသတ်ဆေးအနေနဲ့ Tricyclazole 10 % + Cyprodinil 10% ၂၀ စီစီ/ ၂၀ လီတာ ပထမအကြိမ်၊ ဒုတိယအကြိမ်ကို Isoprothiolane 20% ၃၀ စီစီ/ ၂၀ လီတာနှုန်းနဲ့ ဖျန်းပေးပါ။

·      ရိုးပြတ်၊ပင်ကြွင်းပင်ကျန်များကို သေချာရှင်းပေးပါ။

·      နောက်ရာသီတွင် အဲ့ဒီစပါးခင်းကမျိုးကိုပြန်မစိုက်ပါနဲ့။ မျိုးပြောင်းစိုက်ပါ။

ငါး/ပုစွန် ကန်များအတွက်အကြံပြုချက်  

·      ဧရာဝတီတိုင်းဒေသကြီးမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင် ရွက်ဖို့ အကြံပြုလိုပါတယ် ခင်ဗျာ- 

·      မျိုးငါးကန်များအနေဖြင့် သက်တမ်းတူငါးမျိုးများကိုသာရွေးချယ်မွေးမြူရန်၊

·      မျိုးငါးမွေးမြူရာတွင် ငါးမျိုးစိတ်မတူ၊ သက်တမ်းမတူတဲ့ ငါးများကို ရောနှောမွေးမြူခြင်းမှ ရှောင်ရှားရန်၊

·      မျိုးငါးကန်များတွင် အမိုးနီးယားပမာဏကို စစ်ဆေးပေးရန်၊

·      မျိုးငါးများ ကျန်းမာစေရန် အစာထဲ၌ ဗိုက်တာမင်စီထည့် ကျွေးပေးရန်၊

---------------

မိုးလေဝသအဖွဲ့ဝင်ရန် - https://htwettoe.com/organization/12

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.

သီးနှံပေါက်စျေးကြည့်ရှုနည်း_ https://htwettoe.com/post/50437