ရန်ကုန်၊ ဘုရင့်နောင်ဈေးကွက်ရှိ မတ်ပဲနှင့် ပဲစင်းငုံဈေးနှုန်း သုံးသပ်ချက်

ရန်ကုန်ဈေးကွက်ရှိ မတ်ပဲ(အက်စ်ကျူ၊အာစီ)နဲ့ ပဲစဉ်းငုံနီ(အာစီ) တစ်တန်ဈေးနှုန်းများကို လေ့လာ သော် မတ်ပဲ(အက်စ်ကျူ၊ အာစီ)ဈေးနှုန်းမှာ ၃,၂၅၅,၀၀၀/-ကျပ်၊ ပဲစဉ်းငုံနီ (အာစီ) ဈေးနှုန်းမှာ ၂,၆၈၇,၀၀၀/-ကျပ်ဖြင့် အသီးသီးဈေးပေါက်နေပါတယ်။ ေပါ က်စျေးနှုန်းများသည် နေရာ၊ ဒေသ၊ အချိန်ကို လိုက်ပြီး စျေးကွာခြားနိုင်ပါတယ်။ ယခုပေါက်စျေးနှုန်းများသည် ရန်ကုန်တိုင်း၊ဘုရင့်နောင်စျေးက တစ် တန် ပေါက်စျေးနှုန်းများကို ဖော်ပြထားခြင်းဖြစ်ပါတယ်။    

ယခင်လ (မေလ)နဲ့ ယခုလ (ဇွန်လ) နှိုင်းယှဉ်ချက်    

၂၀၂၅ ခုနှစ်၊ မေလနှင့် ဇွန်လ (ဒုတိယပတ်အထိ)ဈေးနှုန်းများကို နှိုင်းယှဉ်ကြည့် မယ်ဆိုရင် ယခုလ မတ်ပဲ (အက်စ်ကျူ၊ အာစီ) တစ်တန် ပျမ်းမျှဈေးနှုန်းများမှာ ယခင်လထက် ၃၂,၂၃၀/-ကျပ်ခန့် တက်လာတာကို တွေ့ရပါတယ်။ ထို့အတူ ပဲစဉ်းငုံနီ(အာစီ) တစ်တန် ပျမ်းမျှဈေးနှုန်းလည်း ယခင်လ ထက် ၁၃၆,၄၄၄/-ကျပ် ခန့် စျေးကသွားတာတွေ့ရှိရပါတယ်။       

၂၀၂၅ ခုနှစ် လအလိုက်သုံးသပ်ခြင်း      

၂၀၂၅ ခုနှစ်၊ နှစ်စမှ လက်ရှိ ဇွန်လ ဒုတိယပတ်အထိ မတ်ပဲ၊ ပဲစဉ်းငုံဈေးနှုန်းများကို လေ့လာသော် မတ်ပဲ(အက်စ်ကျူ၊ အာစီ) တစ်တန် ပျမ်းမျှဈေးနှုန်းများမှာ ဇန်နဝါရီလ တွင် ပျှမ်းမျှစျေးနှုန်းမှာ ၃,၃၈၅,၂၂၂ိ/ကျပ်၊ ဖေဖော်ဝါရီတွင် ပျမ်းမျှ ဈေးနှုန်းမှာ ၃,၁၀၉,၅၄၂ိ/- ကျပ်၊ မတ်လတွင်  ၃၃၂၀,၆၃၂ိ/-ကျပ်၊ ဧပြီလတွင် ၃,၃၅၁,၀၉၄/-ကျပ်၊ မေလတွင် ၃,၂၆၂,၈၈၀/ ကျပ်၊ ဇွန်လတွင် ၃,၂၉၅,၁၁၁/ကျပ် ဖြင့် အသီးသီး ဈေးပေါက်ခဲ့ပါတယ်။    

  ပဲစဉ်းငုံနီ(အာစီ)ဈေးနှုန်းလေ့လာသော် တစ်တန် ဈေးနှုန်းမှာ ဇန်နဝါရီလ တွင် ပျှမ်းမျှစျေးနှုန်းမှာ ၂,၉၆၈,၂၂၂ိ/ကျပ်၊ ဖေဖော်ဝါရီတွင် ပျမ်းမျှ ဈေးနှုန်းမှာ ၂,၉၇၀,၅၂၆/- ကျပ်၊ မတ်လတွင် ၂,၉၉၅,၇၈၉ိ/-ကျပ်၊ ဧပြီလတွင် ၂,၉၆၃,၀၆၃/-ကျပ်၊ မေလတွင် ၂,၈၇၁,၆၆၆/ကျပ်၊ ဇွန်လတွင် ၂,၇၃၅,၂၂၂/ကျပ် ဖြင့် အသီးသီး ဈေးပေါက်ခဲ့ပါတယ်။   

သုံးသပ်ခန့်မှန်းချက်    

  ရန်ကုန်ဈေးကွက်ရှိ မတ်ပဲ(အက်စ်ကျူ၊ အာစီ)များသည် ယခင်လထက်စျေးအနည်းငယ်တက်လာပြီး၊ ပဲစဉ်းငုံဈေးနှုန်းသည် ယခင်လထက် စျေးကျကြမ်းနေတာတွေ့ရပါတယ်။ မတ်ပဲ နှင့် ပဲစဥ်းငုံ စျေးနှုန်းက ပြည်ပ ဝယ်လိုအား အပေါ် လိုက်ပြီး စျေးအတက်အကျရှိတာဖြစ်ပါတယ်။အဓိကအားဖြင့် အိန္ဒိယရဲ့ ဝယ်လိုအား ဖြစ်ပါတယ်။ အိန္ဒိယ အစိုးရက မြန်မာနိုင်ငံမှ မတ်ပဲနှင့် ပဲစင်းငုံကို အခွန် သက်သာမှုဖြင့် လွတ်လပ်စွာ တင်သွင်းခွင့် တစ်နှစ် သက်တမ်းတိုးပေးခဲ့ပါတယ်။  

ထွက်တိုး    

--------    

သီးနှံပေါက်စျေးနှုန်းများ၊ အချိန်နှင့်တပြေးညီပြောင်းလဲနေသောသတင်းများအတွက် တောင်သူအကြံပေးဖုန်း ၀၉၉၇၇၉၁၀၀၀၀ ကိုဆက်သွယ်နိုင်ပါတယ်နော်။    

ထွက်တိုးကို Like, Share နှင့် Download လုပ်ထားပါ -https://htwettoe.com/download