ခရမ်းချဉ်စိုက်ပျိုးရာမှာ အထွက်တိုးစေဖို့ နည်းလမ်းတစ်ခု ပြောပြချင်ပါတယ်

(တချို့နိုင်ငံတွေမှာ အသုံးပြုနေတဲ့နည်းလမ်းလေးကို ပြန်လည်မျှဝေခြင်း ဖြစ်ပါတယ်။ Original video အား မြန်မာမှုပြုပြီး ပြန်လည်ဖော်ပြပေးခြင်းဖြစ်ပါသည်။ )

ခရမ်းချဉ်ပင် စိုက်ပြီး ၁၂ လက်မအမြင့် ရောက်ရှိတဲ့အခါ ညင်ညင်သာသာနဲ့ အပင်ကို အလျားလိုက် လှဲပေးပါ။

ဒီလိုလှဲပေးခြင်းဟာ အကျိုးကျေးဇူးများစွာ ရရှိစေပါတယ်။

(၁) အပင် အရပ်မြင့်ခြင်း (သို့) ပင်ပိုင်းဆိုင်ရာကြီးထွားမှုများခြင်း/အပင်ဟုန်ခြင်းကို ဟန့်တားပေးပါတယ်။

(၂) အပင်ကို လှဲပေးလိုက်ခြင်းဟာ အပေါ်ပိုင်းလွှမ်းမိုးမှု/အပင်မတ်မတ်ကြီးထွားမှုကို ထိန်းချုပ်လိုက်တာကြောင့် အပင်ပြုစုရာမှာ အဆင်ပြေစေပါတယ်။

(၃) အဆစ်မှ အမြစ်များ ထွက်လာပြီး မြေဆီလွှာနဲ့ အမြစ်များများထိတွေ့စေနိုင်ခြင်းကြောင့် အာဟာရဓာတ် များများစုပ်ယူနိုင်ကာ ပင်စည်ကို တောင့်တင်းစေသည်။ အပင်ကို ကောင်းစွာကြီးထွားဖွဲ့ဖြိုးစေသည်။

(၄) အပွင့်၊ အသီးတင်မှု ကောင်းစေပါတယ်။ ခရမ်းချဉ်ပင်ဟာ ပုံမှန်ဆိုရင် ၆ ပေအမြင့်ထိ ကြီးထွားတာကြောင့် အသီးတင်မှု အားနည်းစေတတ်ပါတယ်။ ဒီလိုအလျားလိုက်လဲ ပေးခြင်းဟာ အသီးတင်မှု အနေအထားကိုပါ သက်ရောက်မှုရှိပြီး အသီးအရေအတွက် များစေပါတယ်။

(၅) အပင်က စိုက်မြေနှင့် ကောင်းစွာထိတွေ့နေတာကြောင့် အစိုဓာတ်ကို လုံလုံလောက်လောက် ရရှိစေပြီး အပင်ကြီးထွား တုပ်ခိုင်စေကာ ပိုးမွှား၊ ရောဂါကျရောက်မှု ခံနိုင်ရည်ရှိစေပါတယ်။ အမြစ်အနည်းငယ်ထိခိုက်ရုံဖြင့် အပင်ဒဏ်ပိခြင်း၊ ညိုးခြင်းမှလည်း ရှောင်ရှားနိုင်ပါတယ်။ 

--------------  

မိုးလေဝသအဖွဲ့ဝင်ရန် - https://htwettoe.com/organization/12  

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို  

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.  

သီးနှံပေါက်စျေးကြည့်ရှုနည်း_ https://htwettoe.com/post/50437