စစ်ကိုင်းတိုင်းအထက်ပိုင်းနဲ့ ကချင်ပြည်နယ်တွေမှာ မိုးသက်လေပြင်းများ ကျရောက်နိုင်

Special Weather Condition

====

🔸 မိုးလေဝသအခြေအနေကြိုတင်ခန့်မှန်းရေး model "Meteoblue" မှ ပင်မသင်္ချာပုံစံပြုမော်ဒယ် NEMS နဲ့ Himawari8 ဂြိုဟ်တုဓါတ်ပုံတွေမှာ ဘင်္ဂလားပင်လယ်အော်မြောက်ပိုင်း၊ အိန္ဒိယနိုင်ငံနှင့် ဘင်္ဂလားဒေ့ရှ်နယ်စပ်အနီးကုန်းတွင်းမှာ လေဖိအားနည်းရပ်ဝန်း ၁ ခု ဖြစ်ပေါ်ကြောင်းတွေ့ရပါတယ်။

🔸 အိန္ဒိယနိုင်ငံအရှေ့မြောက်ပိုင်း၊ အနောက်ဘင်္ဂလားပြည်နယ်၊ ဘင်္ဂလားဒေ့နယ်စပ်အနီးက ကိုလ်ကတ္တားမြို့အနီးမှာ ဇူလိုင် ၁၃ ရက်နေ့မှာ စ တင်ဖြစ်ပေါ်ခဲ့တဲ့ အထက်လေပွေလှိုင်းက လေဖိအားနည်းရပ်ဝန်းဖြစ်လာပြီး ပိုမိုအားကောင်းလာကာ အားကောင်းသောလေဖိအားနည်းရပ်ဝန်း(DEPRESSION)ဖြစ်လာနိုင်ကြောင်း၊ နောက် ၂၄ နာရီအတွင်း အနောက်-အနောက်မြောက်ဘက်သို့ရွေ့လျားနိုင်ကြောင်း၊ အိန္ဒိယမိုးလေဝသဌာနမှ ထုတ်ပြန်ကြေညာပါတယ်။

🔸 လေဖိအားနည်းရပ်ဝန်းအရှိန်ကြောင့် မြန်မာနိုင်ငံ၊ ရခိုင်ကမ်းရိုးတန်းတလျှောက်၊ စစ်ကိုင်းတိုင်းအထက်ပိုင်းနဲ့ ကချင်ပြည်နယ်တွေမှာ မိုးသက်လေပြင်းများကျရောက်နိုင်ပြီး၊ မိုးများလာနိုင်ပါတယ်။

🔸 အနောက်တောင်မုတ်သုံလေက ဘင်္ဂလားပင်လယ်အော်တောင်ပိုင်းမှာ အားကောင်း/အားအလွန်ကောင်းနေပြီးဘင်္ဂလားပင်လယ်အော် အလယ်ပိုင်းနဲ့ မြောက်ပိုင်းတွေမှာ အားအသင့်အတင့်သာ ရှိနိုင်ပါတယ်။

🔸 အခုလိုပင်လယ်ပြင်အခြေအနေပြောင်းလဲမှုများကြောင့် ဇူလိုင် ၂၀ ရက်ဝန်းကျင်မှာ ဘင်္ဂလားပင်လယ်အော် အနောက်အလယ်ပိုင်းပင်လယ်ပြင်မှာ လေဖိအားနည်းရပ်ဝန်းတစ်ခု ထပ်မံဖြစ်ပေါ်နိုင်ကြောင်း တွေ့ရပါတယ်။

🔸 ဇူလိုင် ၂၀ ရက်မှ ၂၈ ရက်အတွင်း မြန်မာနိုင်ငံအနှံ့အပြား မိုးအသင့်အတင့် ဆက်လက်ရွာသွန်းနိုင်ပါဦးမယ်။ မိုးရေချိန်ပမာဏ များနိုင်မည့်ဒေသများကို ဇူလိုင် ၂၀ ရက်နောက်ပိုင်းဖြစ်ပေါ်လာနိုင်ဦးမည့် ပြောင်းလဲမှုများအရ ဆက်လက်တင်ပြပေးသွားပါမယ်။ (ဇူလိုင် ၁၄ ရက် ၊ ညနေ ၁၆:၅ နာရီမှာ ခန့်မှန်းချက်)

Win Naing

Administration Team,

MMWEATHER,

https://www.mmweather.org/home

------- 

မိုးလေဝသအဖွဲ့ဝင်ရန် - https://htwettoe.com/organization/12   

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို   

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.   

သီးနှံပေါက်စျေးကြည့်ရှုနည်း_ https://htwettoe.com/post/50437