အားကောင်းသော တိုင်ဖွန်းမုန်တိုင်း ဖြစ်လာနိုင်⭕⭕

ယခုအချိန်မှာ - ပစိဖိတ်အနောက်မြောက်သမုဒ္ဒရာ၊ အရှေ့ဖိလစ်ပိုင်ပင်လယ်မှာဖြစ်ပေါ်နေတဲ့ INVEST-90W က တောင်တရုတ်ပင်လယ်ထဲရောက်လာပြီးတဲ့အခါ အားကောင်းတဲ့ တိုင်ဖွန်းမုန်တိုင်းကြီးဖြစ်လာနိုင်ကြောင်း ကနဦးကြိုတင်ခန့်မှန်းချက်တွေမှာ တွေ့ရပါတယ်။

#အခုကြိုတင်ခန့်မှန်းချက်တွေအရ ECMWF model ကလမ်းကြောင်းတွက်ချက်ထုတ်ပေးထားပြီး အားကောင်းတဲ့ CATEGORY-3 တိုင်ဖွန်းမုန်တိုင်း ဖြစ်လာနိုင်ကြောင်းခန့်မှန်းထားတာတွေ့ရပြီး၊

#ICON MODEL ရဲ့ ကြိုတင်ခန့်မှန်းချက် - ရေပြင်ညီအမြင့်လေတိုက်နှုန်း၊ ပေ ၅၀၀၀ အမြင့်က လေတိုက်နှုန်းနဲ့ ဗဟိုဖိအားခန့်မှန်းချက်တွေအရ CATEGORY-4 အားအလွန်ကောင်းသောတိုင်ဖွန်းမုန်တိုင်းအထိဖြစ်လာနိုင်ကြောင်းတွေ့ရပါတယ်။

#သဘာဝဘေးအန္တရာယ်များထဲမှာ မုန်တိုင်းကြီးများအန္တရာယ်ကို လေ့လာဆန်းစစစ်တဲ့အခါ မုန်တိုင်းလေတိုက်နှုန်း၊ မုန်တိုင်းလမ်ကြောင်းနဲ့ မုန်တိုင်းအရွယ်အစားတွေက အဓိကစောင့်ကြည့်ရမည့်အချက်တွေဖြစ်ကြောင်းရှင်းပြခဲ့ပြီးပါပြီ။ မုန်တိုင်းကြီးရင် ကြီးသလို မုန်တိုင်းအကြွင်းအကျန်နဲ့ မုန်တိုင်းအရှိန်သက်ရောက်မှု ဆိုတာတွေကလဲ များနိုင်ပါမယ်။

မနက်ဖန် စက်တင်ဘာ ၂၀ ရက် နေ့ည ၈ နာရီမှာ သိသာထင်ရှားတဲ့ လေဖိအားနည်းရပ်ဝန်းတခု အရင်ဖြစ်လာပြီးတဲ့အခါ ECMWF, ICON, GEFS, GEPS HWRF model တွေက ကြိုတင်ခန့်မှန်းချက်တွေဘယ်လိုဖြစ်လာနိုင်မလဲဆိုတာကို စောင့်ကြည့်ရပါမယ်။

https://disasterinfo.mmweather.org/divisionTownPage

https://www.mmweather.org/divisional-cities-weather

(စက်တင်ဘာလ ၁၈ ရက် နေ့လည် ၁၂ နာရီ)

#စက်တင်ဘာလ ၂၆ ရက်နေ့မှာ ဘင်္ဂလားပင်လယ်အော်က လေဖိအားနည်းရပ်ဝန်း/မုန်တိုင်းဖြစ်လာနိုင်တာရယ်၊

အရှေ့ဘက် ဗီယက်နမ်နဲ့လာအိုတို့ကတဆင့် ရွေ့လျားဝင်ရောက်လာနိုင်တဲ့ တိုင်ဖွန်းမုန်တိုင်းအကြွင်းအကျန်တွေရယ်၊

#မြန်မာနိုင်ငံကို တိုက်ရိုက်ဝင်တဲ့မုန်တိုင်းမဟုတ်ပေမဲ့ အဲ့ဒီ ၂ ခုရဲ့ အရှိန်သက်ရောက်မှုတွေကြောင့် ရွာသွန်းရရှိနိုင်တဲ့မိုးရေချိန်တွေက များပါတယ်။

#ရန်ကုန်မှာပူအိုက်နေကြတဲ့သူတွေအတွက်လဲမိုးများနိုင်တာ၊ ရေကြီးနိုင်တာရှိနေတော့ အနိမ့်ပိုင်းရပ်ကွက်တွေမှာ အထူးသတိထားကြရမှာပါ။

နောက်မည့် ၉ ရက်ကို ရက်ဝေးကြိုတင်ခန့်မှန်းထားတာကြောင့် အပြောင်းအလဲတွေရှိနိုင်ပါဦးမယ်။

ကျနော်တို့က သတိကြီးကြီးထားပြီး စောင့်ကြည့်ကြရမှာပါဘဲ။ ရက်နီးတဲ့အခါ ထပ်ပြီး တင်ပေးပါဦးမယ်ဗျာ။

စက်တင်ဘာလ ၁၈ ရက် နံနက် ၀၀:၃၀ နာရီ

Weather Source: U Win Naing

-----

မိုးလေဝသ၊ စိုက်ပျိုးရေး၊ မွေးမြူရေး နည်းပညာများနင့် ပတ်သတ်ပြီး ဆွေးနွေးတိုင်ပင်လိုပါက ထွက်တိုးကောစင်တာ 09977910000သို့ ဆက်သွယ်နိုင်ပါသည်။