ဧရာဝတီတိုင်း ဒီဇင်ဘာ ၁၈ ရက်မှ ဒီဇင်ဘာ ၂၄ ရက်အထိ မိုးလေဝသအခြေအနေ

·          အရှေ့ဘက်မှ ဆောင်းမုတ်သုံ(အရှေ့မြောက်မုတ်သုံ)လေအားဆက်လက်ကောင်းနေပြီး ဘင်္ဂလားပင်လယ်အော်နှင့် ကပ္ပလီပင်လယ်ပြင်တို့မှ လေထုမငြိမ်မသက်ဖြစ်သည့်အခြေအနေလျော့ကျလာခြင်းနှင့် တရုတ်ပြည်မကြီးမှ လေဖိအားများရပ်ဝန်းသက်ရောက်မှုတို့ကြောင့် ဒီဇင်ဘာ ၁၇-၁၈ ရက်များမှစတင်၍ ည/နံနက်အစောပိုင်းအချိန်များတွင် အအေးပိုလာနိုင်ပါမယ်။ 

·          ရှမ်းပြည်နယ်တောင်ပိုင်း(ရပ်စောက်၊ တောင်ကြီး၊ ဟဲဟိုး၊ အင်းလေး၊ ဖယ်ခုံ) နှင့်ရှမ်းပြည်နယ်အရှေ့ပိုင်း(မိုင်းဖြတ်၊ ကျိုင်းတုံနှင့် တာချီလိတ်) မြို့နယ်/ခရိုင်များနှင့် ချင်းပြည်နယ် (ဖလမ်း၊ ဟားခါး)ဒေသများမှာ နံနက်အစောပိုင်းအချိန်များတွင် မြူဆိုင်းနိုင်ပြီး အမြင်တာ(Visibility) ၁ ကီလိုမီတာမှ ၀.၅ ကီလိုမီတာအထိ ကျဆင်းနိုင်ပါတယ်။ 

ဧရာဝတီတိုင်းတွင် ယခုတပတ်အတွင်း ရွာသွန်းရရှိနိုင်သည့် မိုးရေချိန် 

·          ဧရာဝတီတိုင်းအတွင်း မိုးရွာသွန်းနိုင်မည့်အခြေအနေမရှိပါ။ 

အပူချိန်၊ လေတိုက်နှုန်း၊ လေထုစိုထိုင်းဆ၊ မြေဆီလွှာစိုထိုင်းဆ(Soil Moisture) နှင့် လေထုညစ်ညမ်းမှုအခြေအနေများ 

·          ယခုရက်သတ္တပတ် ၁ ပတ်အတွင်း ညအပူချိန်များလျော့ကျလာနိုင် အအေးပိုလာနိုင်ပြီး ဒီဇင်ဘာလ ၁၈ ရက်နေ့မှ နောက်ပိုင်းရက်များတွင် ဧရာဝတီတိုင်းတခုလုံးတွင် အအေးပိုလာနိုင်ပါတယ်။ 

·          ဧရာဝတီတိုင်းအတွင်းမှ အောက်ပါမြို့နယ်များတွင် ဖြစ်ပေါ်နိုင်သည့် ဆောင်းဥတုအခြေအနေများ- 

o    မြန်အောင်မြို့နယ်အတွင်း ယခုတပတ်အတွင်းမှာ တိမ်ကင်းစင်နေပါမယ် အမြင့်ဆုံးနေ့အပူချိန် ၃၂°C နှင့် အနိမ့်ဆုံးညအပူချိန် ၁၆°C ရှိနိုင်ပါတယ်။ မြန်အောင်မြို့နယ်အတွင်း ရခိုင်ရိုးမတောင်ကြောနှင့်ကပ်လျှက်ရှိတဲ့ဒေသများမှာ အနိမ့်ဆုံးအပူချိန် ၁၄°C အထိ ကျဆင်းနိုင်ပါမယ်။ 

o    ပုသိမ်မြို့နယ်အတွင်း တိမ်ကင်းစင်နေနိုင်ပြီး၊ အမြင့်ဆုံးနေ့အပူချိန် ၃၂°C နှင့် အနိမ့်ဆုံးညအပူချိန် ၁၈°C မှ ၂၀°C  အထိရှိနိုင်ပါတယ် 

o    ဖျာပုံနှင့်ဘိုကလေးမြို့နယ်များအတွင်း တိမ်ကင်းစင်နေနိုင်ပြီး၊ အမြင့်ဆုံးနေ့အပူချိန် ၃၄°C နှင့် အနိမ့်ဆုံးညအပူချိန် ၁၂°C မှ ၁၄°C အထိ ရှိနိုင်ပါတယ်။ 

o    ဟင်္သာတ၊ ညောင်တုန်း၊ ငသိုင်းချောင်းမြို့နယ်များတွင်လည်း တိမ်ကင်းစင်နေနိုင်ပြီး၊ အမြင့်ဆုံးနေ့အပူချိန် ၃၄°C နှင့် အနိမ့်ဆုံးညအပူချိန် ၁၂°C မှ ၁၄°C ရှိနိုင်ပါတယ်။ 

o    ဧရာဝတီတိုင်းမှ အထက်ပါမြို့နယ်များနှင့် နီးစပ်သောကျန်ရှိသည့်မြို့နယ်များသည် အထက်ဖေါ်ပြပါမြို့နယ်များနီးပါးတူညီသော တိမ်ဖြစ်ပေါ်မှုအခြေအနေနှင့် အပူချိန်များရှိနိုင်ပါတယ်။ 

·          ဧရာဝတီတိုင်းအတွင်း နေ့လည်ဘက် လေထုစိုထိုင်းဆသည် ၄၀% ရှိနိုင်ပြီး နံနက်ခင်း/ညနေ/ညအချိန်တွေမှာ ၇၀% မှ ၈၀% အတွင်းရှိနိုင်ပါမယ်။ 

·          ဧရာဝတီတိုင်းရဲ့ ပျမ်းမျှမြေဆီလွှာစိုထိုင်းဆသည် မြေအောက်အနက် ၄၀ စင်တီမီတာ(၁၆ လက်မခန့်)တွင် ၉% နှင့် မြေအောက်အနက် ၁၀၀ စင်တီမီတာ(လက်မ ၄၀ ခန့်) တွင် ၃၈% ခန့် ရှိနိုင်ပါတယ်။ အနောက်ဘက်ကမ်းရိုးတန်းဒေသတွေနဲ့ မြစ်ဝကျွန်းပေါ်ကမ်းရိုးတန်းအနီးဒေသတွေမှာ မြေဆီလွှာစိုထိုင်းဆပိုနိုင်ပြီး မြေအောက်အနက် ၄၀ စင်တီမီတာ(၁၆ လက်မခန့်)တွင် ၆၄% နှင့် မြေအောက်အနက် ၁၀၀ စင်တီမီတာ(လက်မ ၄၀ ခန့်)တွင် ၇၉% ခန့် ရှိနိုင်ပါတယ်။ မိုးမရွာနိုင်တော့တဲ့အတွက် မြေဆီလွှာစိုထိုင်းဆများအနည်းငယ်ထပ်မံလျော့ကျနိုင်ပါတယ်။ 

·          လေထုညစ်ညမ်းမှုအညွှန်းကိန်း AQI သည် 135 ခန့်အထိ မြင့်တက်နေနိုင်သောကြောင့် အသက်ရှုလမ်းကြောင်းဆိုင်ရာကျန်းမာရေးချို့တဲ့သူများ(ရင်ကြပ်-ပန်းနာရှိသူများ) အထူးဂရုစိုက်ကြစေချင်ပါတယ်။ ပုံမှန်ကျန်းမာရေးကောင်းသူများအတွက် သက်ရောက်မှုမရှိပါ။ 

·          ယခု ၁ ပတ်အတွင်း မီတာ ၁၀၀ အမြင့်အထိ အရှေ့မြောက်ဘက်နှင့်မြောက်ဘက်အရပ်များမှ နေ့စဉ်ပျမ်းမျှလေတိုက်နှုန်း အများဆုံး တနာရီ ၇ မိုင်မှ ၁၅ မိုင်ခန့်ရှိနိုင်ပါတယ်။ 

ဧရာဝတီတိုင်းဒေသကြီးအတွင်းရှိ မတ်ပဲ၊ ပဲတီစိမ်းစိုက်တောင်သူများထံသို့ 

မှဲ့ပြောက်စွန်းရောဂါ ကာကွယ်နှိမ်နင်းနည်းအကြံပြုချက် 

• မှဲ့ပြောက်စွန်းရောဂါသည် မျိုးစေ့ဆောင်ရောဂါဖြစ်ပြီး နေ့အပူချိန်မြင့်ခြင်း ( ၃၇ ဒီဂရီအထက်)၊ အာဟာရမျှတမှုမရှိခြင်းနှင့် ဖော့စ်ဖရပ်စ် (P) ချို့တဲ့သောမြေများတွင် မှဲ့ပြောက်စွန်းရောဂါအဓိက ကျရောက်တတ်ပါတယ်။ 
• ရောဂါကျရောက်သည်ကို စတင်တွေ့ရပါက Hexaconazole ကိုပထမအကြိမ် အသုံးပြုပါ။ 
• တစ်ပတ်ခြားပြီး ဒုတိယအကြိမ်အဖြစ် Tebuconazole+ Chlorothalonil ကိုအသုံးပြုနိုင်ပါတယ်။ 

 ရွှေဝါငါးကြင်းမွေးမြူသူများထံ အကြံပြုချက် 

ရွှေဝါငါးကြင်းသည် ကြီးထွားနှုန်းမြန်သော ငါးမျိုးဖြစ်ပါသည်။ တနှစ်သားအရွယ်ရောက်လျှင် မျိုးပွားနိုင်သော အခြေအနေတွင်ရှိပါသည်။ ရွှေဝါငါးကြင်းကို ဆေးထိုး သားဖောက်ပြုလုပ်နိုင်သလို၊ သဘာဝအလျှောက်လည်း မျိုးပွားနိုင်သည်။ သဘာဝအလျှောက် ဥချ သားပေါက်နိုင်ရန် ပြုပြင်ဆောင်ရွက်ပေးရပါမည်။ နှစ်စဉ် အေးသောအချိန်လများတွင် ရွှေဝါငါးကြင်းသားပေါက်ခြင်းသည် အကောင်းဆုံဖြစ်ပါသည်။ 

ထို့ကြောင့် ဒီဇင်ဘာလမှ ဇန်နဝါရီအတွင်း သဘာဝအလျှောက် သားပေါက်ခြင်းသည် အကောင်းဆုံးအချိန်ဖြစ်ပါသည်။ 

------------- 

  ငါးမွေးမြူရေးနှင့်ပတ်သတ်သောဆောင်းပါးများ၊ မွေးမြူရေးနည်းလမ်းများ၊ ငါးမွေးမြူရာတွင်သိထားသင့်သော အချက်များကို ပိုမိုလေ့လာလိုပါက ထွက်တိုးစိုက်မွေးဖုန်းဆော့ဝဲ https://htwettoe.com/download   

ထွက်တိုး၏စီးပွားဖြစ်ငါးမွေးမြူရေးအဖွဲ့ - https://www.facebook.com/groups/4200052776702483 

တွင် လေ့လာနိုင်ပြီး ဝင်ရောက်ဆွေးနွေး နိုင်ပါကြောင်းသတင်းကောင်းပါးအပ်ပါသည် ခင်ဗျာ။