ဧရာဝတီတိုင်း ယခုတပတ်အတွင်း ရာသီဥတုအခြေအနေ

ဧရာဝတီတိုင်း ၂၀၂၆ ခုနှစ် - ဇန်နဝါရီ ၁ ရက် မှ ဇန်နဝါရီ ၇ ရက်အထိ မိုးလေဝသအခြေအနေ

·          ဧရာဝတီတိုင်းအတွင်း မိုးရွာသွန်းနိုင်သည့်အခြေအနေမရှိပါ၊ ပုံမှန်ဆောင်းရာသီ၏အအေးဓါတ် ရရှိနေပါမယ်။

အပူချိန်၊ လေတိုက်နှုန်း၊ လေထုစိုထိုင်းဆ၊ မြေဆီလွှာစိုထိုင်းဆ (Soil Moisture) နှင့် လေထုညစ်ညမ်းမှုအခြေအနေများ

·          ယခုရက်သတ္တပတ် ၁ ပတ်အတွင်း အနိမ့်ဆုံးညအပူချိန်များသည် ၂၀°C ဝန်းကျင်မှာ ရှိနေနိုင်ပါတယ်။ ထူးကဲသော အအေးပိုလာခြင်း၊ အအေးလှိုင်းဖြတ်ခြင်းများ မရှိပါ။

·          ဧရာဝတီတိုင်းအတွင်းမှ အောက်ပါမြို့နယ်များတွင် ဖြစ်ပေါ်နိုင်သည့် ဆောင်းဥတုအခြေအနေများ-

o    မြန်အောင်မြို့နယ်အတွင်း ယခုတပတ်အတွင်းမှာ တိမ်ကင်းစင်သည့်ရက်ပိုများနိုင်ပြီး တိမ်အနည်းငယ်မှ အသင့်အတင့်ဖြစ်ထွန်းနိုင်သည့်ရက် အနည်းငယ်ရှိနိုင်ပါတယ်။ အမြင့်ဆုံးနေ့အပူချိန် ၂၉°C နှင့် အနိမ့်ဆုံးညအပူချိန် ၁၈°C ရှိနိုင်ပါတယ်။ မြန်အောင်မြို့နယ်အတွင်း ရခိုင်ရိုးမတောင်ကြောနှင့်ကပ်လျှက်ရှိသည့် ဒေသများ(ဥပမာ ဥသျှစ်ကုန်းရွာ)မှာ အနိမ့်ဆုံးအပူချိန် ၁၄°C အထိ ကျဆင်းနိုင်ပါမယ်။

o    ပုသိမ်မြို့နယ်အတွင်း ဇန်နဝါရီ ၂/၃/၄ ရက်များတွင် တိမ်အနည်းငယ်ဖြစ်ထွန်းနိုင်ပြီး၊ ကျန်ရက်များမှာတိမ်ကင်းစင်နေနိုင်ပါမယ်၊ အမြင့်ဆုံးနေ့အပူချိန် ၃၀°C နှင့် အနိမ့်ဆုံးညအပူချိန် ၁၉°C ရှိနိုင်ပါတယ်

o    ဖျာပုံနှင့်ဘိုကလေးမြို့နယ်များအတွင်း တိမ်အနည်းငယ်ဖြစ်ထွန်းနိုင်ပြီး အမြင့်ဆုံးနေ့အပူချိန် ၃၁°C နှင့် အနိမ့်ဆုံးညအပူချိန် ၁၈°C အထိ ရှိနိုင်ပါတယ်။

o    ဟင်္သာတ၊ ညောင်တုန်း၊ ငသိုင်းချောင်းမြို့နယ်များတွင် တိမ်အနည်းငယ်ဖြစ်ထွန်းနိုင်ပြီး၊ အမြင့်ဆုံးနေ့အပူချိန် ၃၀°C နှင့် အနိမ့်ဆုံးညအပူချိန် ၁၇°C ရှိနိုင်ပါတယ်။

o    ဧရာဝတီတိုင်းမှ အထက်ပါမြို့နယ်များနှင့် နီးစပ်သောကျန်ရှိသည့်မြို့နယ်များသည် အထက်ဖေါ်ပြပါမြို့နယ်များနီးပါးတူညီသော တိမ်ဖြစ်ပေါ်မှုအခြေအနေနှင့် အပူချိန်များရှိနိုင်ပါတယ်။

o    ဧရာဝတီတိုင်းအတွင် ၄ ရက် ကြိုတင်ခန့်မှန်းချက် Weather Widget များကြည့်ရှုရန် - https://www.mmweather.org/divisional-cities-weather/ayarwaddy-div

·          ဧရာဝတီတိုင်းအတွင်း နေ့လည်ဘက် လေထုစိုထိုင်းဆသည် ၄၀% မှ ၅၀% အထိ ရှိနိုင်ပြီး နံနက်ခင်း/ညနေ/ညအချိန်တွေမှာ ၇၀% မှ ၈၀% အတွင်းရှိနိုင်ပါမယ်။ ဇန်နဝါရီလအတွင်း ဧရာဝတီတိုင်း၏ လေထုစိုထိုင်းဆများ ဆက်လက်ကျဆင်းနိုင်ပါတယ်။

·          ဧရာဝတီတိုင်းအတွင်း ပျမ်းမျှမြေဆီလွှာစိုထိုင်းဆသည် မြေအောက်အနက် ၄၀ စင်တီမီတာ(၁၆ လက်မခန့်)တွင် ၅% မှ ၁၀% နှင့် မြေအောက်အနက် ၁၀၀ စင်တီမီတာ(လက်မ ၄၀ ခန့်) တွင် ၁၂% မှ ၂၂% ခန့် ရှိနိုင်ပါတယ်။ အနောက်ဘက်ကမ်းရိုးတန်းဒေသတွေနဲ့ မြစ်ဝကျွန်းပေါ်ကမ်းရိုးတန်းအနီးဒေသတွေမှာ မြေဆီလွှာစိုထိုင်းဆပိုနိုင်ပြီး မြေအောက်အနက် ၄၀ စင်တီမီတာ(၁၆ လက်မခန့်)တွင် ၃၁% နှင့် မြေအောက်အနက် ၁၀၀ စင်တီမီတာ(လက်မ ၄၀ ခန့်)တွင် ၅၂% ခန့် ရှိနိုင်ပါတယ်။ မိုးမရွာနိုင်တော့တဲ့အတွက် မြေဆီလွှာစိုထိုင်းဆများအနည်းငယ်ထပ်မံလျော့ကျနိုင်ပြီး မိုးခေါင်နိုင်သည့်အခြေအနေ(Drought Intensity Level) အနည်းငယ်မှ အသင့်အတင့်- Minor to Moderate level တွင် ရှိနေပါတယ်။ ရှင်းလင်းချက်များကြည့်ရန် - https://www.mmweather.org/drought-monitoring

·          လေထုညစ်ညမ်းမှုအညွှန်းကိန်း AQI သည် 100 အထက် 155 အထိ မြင့်တက်နေနိုင်သောကြောင့် အသက်ရှုလမ်းကြောင်းဆိုင်ရာကျန်းမာရေးချို့တဲ့သူများ (ရင်ကြပ်-ပန်းနာရှိသူများ) အထူးဂရုစိုက်ကြစေချင်ပါတယ်။ ပုံမှန်ကျန်းမာရေးကောင်းသူများအတွက် သက်ရောက်မှုမရှိပါ။

ယခု ၁ ပတ်အတွင်း မြောက်ဘက်နှင့်အနောက်မြောက်ဘက်နှင့် အရှေ့ဘက်အရပ်များမှ နေ့စဉ်ပျမ်းမျှလေတိုက်နှုန်း အများဆုံး တနာရီ ၅ မိုင်ခန့်ရှိနိုင်ပါတယ်။

--

Win Naing

Administration Team,

MMWEATHER,

ဒီဇင်ဘာလအတွင်း ငါးများသေရခြင်းအကြောင်းရင်း

·      ၂၀၂၅ခုဒီဇင်ဘာလ လယ်လောက်မှစတင်ပြီး၊ ငါးမွေးကန်အချို့တွင် ငါးများသေဆုံးကြသည်ကိုသိရှိရပါသည်။ သေဆုံးသောငါးများ၏မျိုးစိတ်ကို မေးမြန်းကြည့်သောအခါ ငါးကြင်းငါးအများဆုံးဖြစ်ကြောင်းတွေ့ရှိရပါ သည်။

·      အများဆုံးသေဆုံကြသောငါးများသည် ငါးကြင်ဖြစ်သောကြောင့်၊ အဆိုပါငါးသည် ကန်ရေအောက်လွှာတွင် နေထိုင်ကျက်စားသော ငါးမျိုးဖြစ်ပါသည်။ ထို့ကြောင့် ကန်အောက်ခြေရှိ ပြဿနာကြောင့်ဟုအကြမ်းဖျင်း ပြောဆိုနိုင်ပါသည်။ သို့သော် ဒီဇင်ဘာလလယ်မှစပြီး ရာသီဉတုအေးလာခြင်း ပိုမိုလာသည်ကို တွေ့ရှိရပါသည်။ ထိုအတူ ငါးမွေးမြူရေးကန်ရေသည်လည်း အပူချိန်ကျဆင်းလာသည်မှာ မလွဲနိုင်ပါ။ ကန်ရေအပူချိန်ကျဆင်းလာ ခြင်းနှင့်အတူ ကန်ရေတွင် ပျော်ဝင်အောက်စီဂျင်လည်း ကျဆင်းလာတတ်ပါသည်။

·      ဒါ့ကြောင့် မွေးမြူရေးနဲ့ပတ်သတ်ပြီး ဆွေးနွေးလိုပါက ကောစင်တာ နံပါတ် ၀၉- ၉၇၇၉၁၀၀၀၀ သို့ ဆက်သွယ်နိုင်ပါသည်။ 

 ---------      

ထွက်တိုး Telegram Channel ဝင်ရန် နှိပ်ပါ - https://t.me/htwettoe    

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး - http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်းနိုင်ပါကြောင်းသတင်းကောင်းပါလိုက်ပါတယ်။