Fomesafen (ဖော်မီဆာဖန် ပေါင်းသတ်ဆေး)

ဖော်မီဆာဖန် ပေါင်းသတ်ဆေး ရွေးချယ်အာနိသင်ရှိတယ်။ ညွှန်းကြတယ် preplant (အပင်မစိုက်ခင်), pre emergence (အပင်မပေါက်မီ) သုံးလို့ရတယ်ဆို​ပေမယ့် တကယ်က သူ့မှာ systemic (ပင်လုံးပြန့်) ထက် contact (ထိသေ) အာနိသင်သာပိုများတာမို့ post emergence (အပင်ပေါက်ပြီးချိန်) မှာ သုံးတာသာ အထိ​ရောက်ဆုံး။

​ပေါင်းသတ်​ဆေးနဲ့ပက်သက်ပြီး ကျ​နော် post တခုမှာ​ရေးဖူးတယ်။ ​ဆေး​တွေသည် ပုံမှန်ရှင်သန်​နေတဲ့​နေရာက ​ပေါင်းနဲ့ ​ခြောက်​သွေ့ ​ရေပြတ် ​မြေဆီမ​​ကောင်းတဲ့​နေရာက​ပေါင်း ၂ မျိုးအ​ပေါ်မှာ ဖျန်းကြည့်။ အမြန်ဆုံးထိ​ရောက်တာက ပုံမှန်ရှင်သန်​ဖို့​ကောင်းတဲ့အ​နေအထားမှာ ​ပေါက်​နေတဲ့​ပေါင်းအ​ပေါ်မှာပဲ ပိုအာနိသင်ပြတယ်။

​ဆေးတမျိုးကို စိုက်ခင်းထဲက​မြက်အ​ပေါ်နဲ့ လမ်း​ဘေးက မြက်အ​ပေါ် ဖျန်းကြည့်။ ဘယ်ဟာက ပိုသိသာသလဲလို့။ ဆိုလိုတာက ​ပေါင်းသတ်​ဆေးများသည် ကျန်းမာသန်စွမ်း​သော အပင်ရဲ့အရွက်တစ်ရှူးထဲမှာ ပိုမိုထိ​ရောက်စွာပျံ့နှံ့ပြီး အာနိသင်ပြနိုင်လို့ဖြစ်တယ်။

ထားပါ​တော့ Fomesafen (ဖော်မီဆာဖန် ပေါင်းသတ်ဆေး) အ​ကြောင်းဆက်​ပြောရရင် .......

သူက post emergence contact (အပင်ပေါက်ပြီးမှသုံးတဲ့ ထိသေဆေး)ဆို​ပေမယ့် ​ပေါင်းပင်အရမ်းကြီး​နေပြီဆိုရင်​တော့ အပြီးသတ်မ​ပေးနိုင်တတ်ဘူး။ 

ဆို​တော့ကာ......​ပေါင်းပင် ငယ်စဥ်မှာပဲ အသုံးပြုသင့်တဲ့​​ဆေး။ အဲဒါအပြင် ​ပေါင်းသတ်​ဆေးတိုင်းလိုလိုမှာ အညွန်းက မြက်၊ မြက်မုန်ညင်းနှင့် ရွက်ပြန့်​ပေါင်းများကို ​​သေ​စေသည်ဆိုတာချည်းပဲ။ အဲဒါကိုလည်း လက်ခံ​နေကြတာပဲ။

တကယ်​တော့ ​ပေါင်းသတ်​ဆေး ai (မူလပါဝင်သောဆေးအာနိသင်) တခုစီတိုင်းက အားသာချက်တခုစီရှိကြတယ်။ Fomesafen (ဖော်မီဆာဖန် ပေါင်းသတ်ဆေး)ဆိုရင် ရွက်ပြန့်​ပေါင်း​တွေ ငယ်စဥ်မှာ အ​တော်ထိ​ရောက်တယ်။ တခါတရံမှာ သီးနှံပင်ကို ​လောင်တတ်တယ်။ ပါဝင်တဲ့ safener (ပေါင်းမဟုတ်သောအပင်များကို ထိခိုက်မှု မရှိစေရန်အတွက်ထည့်ထားသော ဓါတုဓါတ်ပေါင်း) အရ​ပေါ့။

ဒါ​ပေမယ့်သူက Sodium salt (ဆိုဒီယမ်ဆား) ပုံစံ​ဆေးဖြစ်တာ​ကြောင့် သီးနှံပင်ဟာ ​ဆေး​လောင်ပြီး မကြာခင်မှာပဲ အတက်အလက်​တွေထပ်ထွက်ပြီး recovered (ပြန်ပြီးနလန်ထခြင်း) ဖြစ်လာနိုင်တာလည်း ​တွေ့ရတယ်။

​အထူးသတိပြုရမှာက

Fomesafen (ဖော်မီဆာဖန် ပေါင်းသတ်ဆေး) ကို ​ရေရှိတဲ့စိုက်ခင်းမှာ မသုံးသင့်ပါဘူး။ ​မြေအစိုဓါတ် ၈၀% အထက်မှာရှိရင် မသုံးသင့်ပါဘူး။ သုံးပြီးရင် ​ရေမ​လောင်းရပါဘူး။ မိုးလွတ်မှလည်းဖျန်းသင့်ပါတယ်။ ​(ရေရှိ​သောအ​ခြေအ​နေမှာ half life (ဆေးအာနိသင်) သည် နာရီပိုင်းအတွင်း​ရောက်သွားနိုင်လို့ ​​ပေါင်းပင်အ​ပေါ် မထိ​ရောက်နိုင်လို့ပါ)

အာလူး၊ ပဲပုပ်၊ ကြက်သွန် အစရှိ​သောစိုက်ခင်းများအတွက်​တော့ အ​စောပိုင်းကာလ ​ပေါင်းရှင်းဖို့ ဆိုရင် ဒီ ai (​မူလပါဝင်သောဆေးအာနိသင်) လေးက မဆိုးပါဘူး။

​ဆေးနှုန်းထားမှန်ဖို့ အလွန်အ​ရေးကြီးပါတယ်။

သူရဲ့ half life (ဆေးအာနိသင်)သည် ​မြေကြီးထဲမှာ အစိုဓါတ် ၅၀ % ရှိခဲ့ပါက ၄၅ ရက်ခန့်ဖြစ်ပါတယ်။ သီးနှံ တရာသီအတွက် အ​စောပိုင်းကာလမှ တကြိမ်သာအသုံးပြုသင့်​သော ai (​မူလပါဝင်သောဆေးအာနိသင်) ဖြစ်ပါတယ်။

မူရင်းရေးသားသူ -Dr. DaDa(Ph.D Entomology) မှကူးယူဖော်ပြပါသည်။

တောင်သူများနားလည်လွယ်စေရန် တချို့ အင်္ဂလိပ်စကားလုံးများကို မြန်မာမှု ပြုထားပါသည်။

ကူးယူဖော်ပြခွင့်ပေးပါသော Dr. DaDa(Ph.D Entomology) ကိုထွက်တိုးမှ ကျေးဇူးအထူးတင်ရှိပါသည်ခင်ဗျ။

------------

ထွက်တိုး Telegram Channel ဝင်ရန် နှိပ်ပါ - https://t.me/htwettoe 

စိုက်ပျိုးရေးသတင်းနှင့် ဆောင်းပါးသစ်များ၊ စိုက်ပျိုးနည်းများ၊ ကာကွယ်နှိမ်နင်းနည်းများ အတွက် ထွက်တိုးကို follow, Like, Share နှင့် Download လုပ်ထားပါ - https://bit.ly/htwettoev2