cover

ထွက်တိုး

coverပင်မစာမျက်နာ
coverအဖွဲ့များ
coverစူးစမ်းရန်
coverစာတို
coverကျွန်ုပ်

ကိရိယာများ


ကျွန်ုပ်၏ အဖွဲ့များ


အဖွဲ့များအားလုံး

user profile image
ဆွေးနွေးမယ်image
ပြန်သွားပါ

ငါးများပုတ်သိုးရခြင်းအကြောင်း နှင့်လတ်ဆတ်သောငါးများ၏လက္ခဏာများ

. ငါးမွေးမြူရေးဆောင်းပါးများ
ငါးမွေးတောင်သူများသည် ငါးကန်ဖော်ရောင်းချရာတွင် ငါးများသန့်ရှင်းလတ်ဆတ်မှ ဈေးကောင်း ရ ကြပါသည်။ အကြောင်းအမျိုးမျိုးကြောင့် ငါးများလတ်ဆတ်မှု ကျဆင်းလာပါက ဈေးမရခြင်းများကြုံတွေ့ ရပါသည်။ထို့ကြောင့် ငါးများပုတ်သိုးရခြင်းနှင့် လတ်ဆတ်ခြင်းအကြောင်းကိုတင်ပြအပ်ပါသည်။

  • ရေနေသတ္တဝါ (ငါး)များသည် ကုန်နေသတ္တဝါ (ဝက် ကြက် ဘဲ)များထက် ပုတ်သိုးမြန်ရခြင်းအကြောင်း 

    ၁။ရေပါဝင်မှု့များခြင်း၊ အကြေးခွံမဲ့ငါးများတွင် ရေငွေ့ဆုံးရှုံးရန်အကာအကွယ်မဲ့ခြင်း 

    ၂။အသားတွင် အမျှင်ဓါတ် နည်းပါးခြင်း 

    ၃။သတ်မှတ်သောအလေးချိန် သက်တမ်းရောက်မှဖမ်းဆီးမှု့မပြုခြင်း 

    ၄။အမျိုးအစား၊ အရွယ်အစား မတူညီဘဲ ရောနှောထားရှိခြင်း 

    ၅။ငါးဖမ်းသည့်နေရာမှ စားသုံးသူထံရောက်သည့်အထိ ကိုင်တွယ်မှု့များပြားခြင်း 

    ၆။ ရေ နှင့် ရေခဲ မလုံလောက်ခြင်း 

    ၇။သန့်ရှင်းရေး လုပ်ဆောင်မှု့အားနည်းခြင်း 

    အထက်ပါအချက်များကြောင့် ရေနေသတ္တဝါ များသည် ကုန်းနေသတ္တဝါများထက် ပုတ်သိုးခြင်း မြန် ဆန်ပါသည်။ 

    လတ်ဆတ်သော ငါးတကောင်၏သွင်ပြင်လက္ခဏာများမှာအောက်ပါအတိုင်းတွေ့ရှိနိုင်ပါသည် 

    ၁။ကိုယ်ခန္ဓာ အနေအထား တောင့်တင်းမာကျောမှုရှိနေခြင်း 

    ၂။အကြေးခွံ (သို့မဟုတ်)အရေပြား မူလအရောင်အဆင်းရှိနေခြင်း 

    ၃။အကျိ အချွဲ ပါးပါးလွှာလွှာ ဖုံးအုပ်လျှက်ရှိခြင်း 

    ၄။ပါးဟက်မှ သွေးပုတ်များ ယိုစီးမှု့ မကျလာခြင်း 

    ၅။မျက်စိအိမ်အတွင်းမှ မျက်စိပြူထွက်နေခြင်း 

    ၆။မျက်စိ အလုံး အဝိုင်း တင်းပြောင်နေခြင်း 

    ၇။သူငယ်အိမ် မျက်ကြည်လွှာ သည် မူလအရောင်အတိုင်းရှိနေခြင်း 

    ၈။ ပါးဟက်မျှင်တန်းများ နီရဲနေခြင်း 

    ၉။ပါးဟက် မျှင်တန်းများကို အကျိ အချွဲ ပါးပါးလေး ဖုံးအုပ်နေခြင်း 

    ၁၀။ပါးဟက် မျှင်တန်များမှ အနံဆိုးများမထွက်သေးခြင်း 

    ၁၁။ပါးဟက်တန်နှင့်အမျှင်များ စေးထန်းကြမ်းထော်လာမှု့ မရှိခြင်း 

    ၁၂။အသားမာကျော၍ လက်နှင့်ဖိကြည့်လျှင် လက်ရာ ထင်ကျန်မှု မရှိခြင်း 

    ၁၃။ အသားအနံ့ အပုတ်နံ့ မထွက်သေးခြင်း 

    ၁၄။အသားကိုပိုင်းဖြတ်လေ့လာပါက အသားထုတ် မပျက်စီးသေးခြင်း 

    ၁၅။အသားနီရဲပြီး သွေးဝင်ရောက်မှု့ အခြေအနေ မရှိသေးခြင်း 

    ၁၆။ဝမ်းဗိုက်သား မပျော့သေးခြင်း 

    ၁၇။ကိုယ်တွင်းအစာလမ်းကြောင်းအဖွဲ့ ပုံစံ မပျက်သေးခြင်း 

    ၁၈။ကိုတွင်း အစာလမ်းကြောင်း အဖွဲ့တို့မှ အနံ့ထွက်ခြင်း သွေးထွက်ခြင်း မရှိသေးခြင်း 

    ငါးပုစွန်များသည် အပူချိန် နည်းလေ ပုတ်သိုးမှုနည်းလေဟု အဆိုရှိပါသည်။ သာမာန်အပူချိန်  ၂၅မှ ၃၅ ဒီဂရီစင်တီဂရိတ်တွင် ငါးများသည်  ၆ -၈ နာရီအထိသာ မပျက်စီးနိုင်ပါ။ ၂၀ မှ၂၅ ဒီဂရီစင်တီဂရိတ် အ တွင်းတွင် ငါးများသည် ၁၂ နာရီမှ ၁၆ နာရီ အထိသာ မပျက်စီးနိုင်ကြောင်း တွေ့ရှိရပါသည်။ 


  • article
6 ကြိုက်
68 ကြည့်ရှု