cover

ထွက်တိုး

coverပင်မစာမျက်နာ
coverအဖွဲ့များ
coverစူးစမ်းရန်
coverစာတို
coverကျွန်ုပ်

ကိရိယာများ


ကျွန်ုပ်၏ အဖွဲ့များ


အဖွဲ့များအားလုံး

user profile image
ဆွေးနွေးမယ်image
ပြန်သွားပါ

ဇင့်ဆိုသည်မှာ……..

. အပင်အာဟာရ
စိုက်ပျိုးသီးနှံတွေ က လိုချင်၊ စားချင်ကြတဲ့ ဓါတ်တစ်မျိုုးပါ။ ဘာကြောင့်လိုအပ်တာလဲဆိုတော့ အသေးစိတ်အချက်တွေက အများကြီးရှိပါတယ်။
  • အကြမ်းဖျင်းအားဖြင့် စိုက်ပျိုးသီးနှံပင်တွေ ကြီးထွားသန်မာပြီး အထွက်နှုန်းတွေ ကောင်းဖို့ အတွက် လိုအပ်ပါတယ်။ဘယ်အချိန်မှာ လိုအပ်တာလဲဆိုတော့ အချိန်တိုင်းလိုအပ်ပါတယ်။ အချိန်တိုင်းကြွေးပေးဖို့တော့ မလိုပါဘူး ။ တစ်ဧက ကို ဇင့်နှစ်ပေါင်လောက် သီးနှံစိုက်တိုင်းထည့်ပေးရင်တော့ အကောင်းဆုံးပေါ့။ ပိုနေရင်သာ မသိသာတယ် ၊ လိုနေရင်ဘဝတစ်ခုလုံး ဟာနေသလိုကွယ် ဦးစိုင်းထီးဆိုင် သီချင်းထဲကလို။ ဇင့်ဆိုတာ စိုက်ကွင်းထဲလုံလုံလောက်လောက်ရှိနေရင် မသိသာပေမယ့် ။ အဲ ဇင့်လိုလာပြီဆိုရင်တော့ အထွက်နှုန်းတွေလစ်ဟာသွားမှာပါ၊ သီချင်းထဲလို ဘဝတစ်ခုလုံးစာ မဟုတ်ပေမယ့် တစ်သီးစာတော့ ဟာသွားမှာ ။ အခုဆို ကမ္ဘာတစ်လွှားက စိုက်ခင်းများမှာ ဇင့် မလုံလောက်တဲ့ပြဿနာတွေ တွေ့လာနေရတယ်တဲ့။ အထွက်တွေကျလာတော့တာပေါ့။ ဆိုးဆိုးဝါးဝါးကို ကျတာတဲ့။ ဇင့်လေးတစ်မျိုးချို့တဲ့ရုံနဲ့ ဒီလောက်ဆိုးနိုင်သလား ၊ သံသရာရှိစရာပါ။ ဒါပေမယ့် ယုံလိုက်ပါ၊ သစ်ပင်အမြစ်အဖွဲ့အစည်းတည်ဆောက်တဲ့ နေရာမှာ ဇင့်ဆိုတာလေးက ဘယ်နေရာက ပါဝင်နေလဲလို့ ထင်ပါသလဲ။ ဗိသုကာ ပညာရှင်နေရာကပါတဲ့ခင်ဗျာ။ တကယ့်ဆရာကြီးနေရာက ပါနေတာ။ သစ်ပင်ဆိုတာသိတဲ့အတိုင်းအမြစ်က တကယ့်ကို အရေးကြီးတာ။ အစာရှာ ၊ ရေရှာပြီး တစ်ပင်လုံးအတွက် စတေးပေးနေရတာ။ အမြစ်မှ မကောင်းရင် ဘာဆက်လုပ်လို့ရတော့မလဲ။ အဲ့ဒီအမြစ်အတွက် ဇင့်က မရှိမဖြစ်ဆိုတော့လေ။ တကယ့်ဇင့်ပါ။ ဇင့်မပါရင် အပင်ကထင်သလောက်မထွားတာ၊ အပင်မတက်တာတို့ ၊ အရွက်တွေ ကောင်းကောင်းမစိမ်းတာမျိုးတွေ ဖြစ်တတ်ပါတယ်။ မူလအစကတည်းက စိုက်ခင်းမြေမှာ ဇင့်တွေနည်းလာတာ။ မြေငန်လွန်းတာ။ စိုက်ခင်းရေလွှမ်းချိန်ကြာတာမျိုးတွေ က သီးနှံပင်ကို ဇင့်ငတ်စေပါတယ်တဲ့။ အရွက်တွေဝါတာ၊ အရွက်တွေသေးလာတာ၊ ပင်စည်တွေခြောက်ကုန်တာမျိုးတွေ ဖြစ်တတ်ပါတယ်။ ဒီလိုတွေသိရလို့ ဇင့်ပါတဲ့မြေဩဇာတွေ ဇွတ်ဝယ်ပြီး ဖျန်းမယ်၊ကြွေးမယ် မလောပါနဲ့ဦးနော်။ တန်ဆေးလွန်ဘေး ဆိုသလိုပင် ၊ အများကြီးမကျွေးမိအောင်လည်း သတိကပ်ကြပါ၊၊ ဇင့်လွန်ရင်လည်း အပင်တွက် ဘေးဥပါဒ်ဖြစ်စေပါတယ်တဲ့။ အမြစ်တွေက ဇင့်ကို မြေကြီးထဲကနေ စုပ်ယူပြီး တစ်ချို့ကို အပင်အပေါ်ပိုင်းက အရွက်နဲ့ ပင်စည်ဆီပို့ပါတယ်။ ဇင့်အတော်များများကိုတော့ အမြစ်ထဲမှာပဲ သိုလှောင်ထားပါတယ်တဲ့ ။ ဆရာကြီးဆိုတော့ ကောင်းကောင်းဧည့်ခံ ခံရမယ်ထင်ပါရဲ့။

    ----


  • article
21 ကြိုက်
110 ကြည့်ရှု