အာလူးစိုက်ပျိုးပြီးချိန် ရေသွင်းခြင်း
စိုက်ပျိုးပြီးချိန်တွင် မြေတွင်းအစိုဓါတ်ရှိမှု သေချာစေရန် ဂရုစိုက်ပါ။ မြေအစိုဓါတ်အတွက် အာလူးမျိုးဥအနီးမှမြေနမူနာယူ၍ အစိုဓါတ်အား ခန့်မှန်းပါ။ စိုက်ပျိုးမြေဖုံးပြီးနောက် စိုက်ခင်းအား အစိုဓာတ်ရရှိစေရန် ရေ ၂၀-၂၂ မီလီမီတာ(၈၁ ကုဗမီတာ) ခန့် ထည့်သွင်းရန် လိုအပ် ပါသည်။
ရေသွင်းခြင်း
မြေအစိုဓာတ်
-မြေသားအနေအထား သည်သာမက မြေအစိုဓာတ်သည်လည်း အာလူးသီးနှံ စိုက်ပျိုးရေးအတွက် အရေးကြီး သည့် အချက် ဖြစ်ပါသည်။
-အာလူးပင် လျင်မြန်စွာ ကြီးထွားစေရန်အတွက် ပုံမှန်မြေအစိုဓာတ်သည် အကောင်းဆုံးဖြစ်သည်။
-အလွန်ခြောက်သွေ့နေသောမြေသည် အာလူးပင်ထွက်ရှိမှုနှုန်း နှေးကွေးပြီး ပင်စည် အရေအတွက် လျော့နည်းစေပါသည်။
-မစိုက်မှီ ရေသွင်းခြင်းထက် စိုက်ပျိုးပြီး ရေသွင်းခြင်းသည် ပို၍ ကောင်းပါသည်။
-အစိုဓာတ် အလွန်များလွန်းပါက မြေကြီးတွင်း အောက်ဆီဂျင်မရှိသည့် အတွက် အာလူးဥများ ပုပ်နိုင်ပါသည်။
မြေအစိုဓါတ်စမ်းသပ်ခြင်း
မြေသားအနေအထား သည်သာမက မြေအစိုဓာတ်သည်လည်း အာလူးသီးနှံ စိုက်ပျိုးရေးအတွက် အရေးကြီးသည့် အချက် လည်း ဖြစ်ပါသည်။
အာလူးပင် လျင်မြန်စွာ ကြီးထွားစေရန်အတွက် ပုံမှန်မြေအစိုဓာတ်သည် အကောင်းဆုံးဖြစ်သည်။အစိုဓာတ်ပုံမှန်ပေးခြင်းသည် အာလူးပုံစံပျက်ခြင်းကို ကာကွယ်ပေးပါသည်။မြေအစိုဓာတ် ၀ - ၂၅ % ရှိလျှင်ရေသွင်းရန် လိုအပ်သည့် အချိန်ဖြစ်သည်။
လက်ဖြင့်ဆုပ်လုံး၍ရရှိလာသော အခြေအနေအား အောက်ပါအတိုင်း ခန့်မှန်းနိုင်သည်။
၁။အစိုဓါတ် ၅ဝ - ၇၅ % ရှိသည်။
စိုစွတ်မှု အသင့်တင့်ရှိ၍ လက်ဖြင့်လုံးပါက လွယ်ကူစွာ ရရှိနိုင်ခြင်း၊ လက်တွင် ရွှံ့များ ပေကျန်မှု နည်း၍ ဖဲပြားပုံစံ ပြုလုပ်နိုင်သော အနေ အထား ဖြစ်သည်။
၂။ အစိုဓါတ် ၇၅-၁၀၀ % ရှိသည်။ စိုစွတ်မှုနှုန်းမြင့်မား၍ လက်ဖြင့်လုံးပါက ရွှံ့များ
ပေကျန်မှု မြင့်မားခြင်း၊ လက်ဖြင့်လုံးပါက အရွယ် အစား မညီညာသော မြေလုံးသဏ္ဌန် ရရှိသော အနေအထား ဖြစ်သည်။
ရေသွင်းခြင်း
-အားလူးအထွက်နှုန်းမြင့်မားရန်စေရန်အတွက် အစိုဓါတ်သည် အလွန်အရေးပါ ပါသည်။
- ယေဘုယျ အာလူးဥ စစိုက်သည့် အချိန်မှစပြီး တူးဖော်ချိန်ထိ ရေ ၂၅၀ မီလီမီတာ (9.8 လက်မ (သို့မဟုတ်) 1,012 ကုဗမီတာ) လိုအပ်ပါသည်။
-တကြိမ်ရေသွင်းလျှင် (အပင်စိုက်ပြီးချိန်မှအပ) ၁၀ - ၁၅ မီလီမီတာ (0.4 – 0.6 လက်မ) ပမာဏထက် ပို၍ မသွင်းသင့်ပါ။
-ရေကို တစ်ကြိမ်တည်း များစွာ ပေးသွင်းလိုက်သည့်အခါတွင်လည်း မြေထဲရှိ အပေါက်ငယ်လေးများ ပိတ်ဆို့သွားပြီး အောက်ဆီဂျင်ချိုတဲ့ကာ အမြစ် ဇုန်ထဲရှိ နိုက်ထရိုဂျင်ပျောက်ကွယ်သွားစေပါသည်။ နိုက်ထရိုဂျင် ဆုံးရှုံးမှု ကြောင့် သီးနှံကို စောစောရင့်မှည့်စေပြီး အထွက်နှုန်းကို လျော့ကျစေပါသည်။
-ကိုင်းတက် စတင် ဖြစ် ပေါ်လာချိန် (အပင် ပေါက် ပြီး နှစ်ပတ်) ရေသွင်း နိုင်ပါက အာလူးဥအချိန်အရေ အတွက် ပိုမို များပြား နိုင်ရန် အ ထောက် အကူပြုသည်။
-ကြွပ်တက်ခြင်းအားလျှော့ချနိုင်ရန်အတွက် ရေ စောစောသွင်းရန် လိုအပ် ပါသည်။
-အာလူးဥ စတင်ဖြစ်ပေါ်ချိန် (ဥစွယ်ထွက်ချိန်) ရေသွင်းနိုင်ပါက အာလူး အထွက် တိုးစေရန် အထောက် အကူပြုသည်။
-ယေဘူယျ အားဖြင့် ရေသွင်းခြင်း စနစ်သုံးမျိုး ရှိသည်။
၁။ရေဖြန်းစနစ်ဖြင့် ရေသွင်းခြင်း
၂။မြောင်းဖြင့်ရေသွင်းခြင်း
၃။အစက်ချပိုက်ဖြင့်ရေသွင်းခြင်း တို့ဖြစ်ပါသည်။
ရေသွင်းနည်းစနစ်များ၏ နှိုင်းယှဉ်ချက်များပုံတွင် လေ့လာနိုင်ပါသည်။
Fresh Studio Myanmar/EAT VEG မှ ကူးယူဖော်ပြပါသည်။
-----
ထွက်တိုး Telegram Channel ဝင်ရန် နှိပ်ပါ - https://t.me/htwettoe
စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်းနိုင်ပါကြောင်းသတင်းကောင်းပါလိုက်ပါတယ်။
![likes](../heart.png)
![comments](../comments.png)
![views](../views.png)