စပါး အထွက်တိုး ရန် မြေသြ ဇာ စနစ်တကျ သုံးစွဲ ရန် လမ်းညွှန်

အထွက်နှုံး အမြင့်ဆုံးရရှိ ရန် မြေသြဇာ များ ( သဘာ၀ မြေသြဇာ နှင့် ဓာတုမြေသြဇာ များ) ကို အချိုးအစားမျှတစွာသုံးပါ။စိုက်ပျိုးမြေအများစုသည်အဟာရမလုံလောက်သဖြင့်သီးနှံအထွက်တိုးရန်မြေသြဇာများထည့်သွင်းအသုံးပြရသည်။

တချို့သောမြေများတွင်မြေဆီလွှာရုပ်ဂုဏ်သတ္တိတိုးတက်ကောင်းမွန်အောင်အော်ဂဲနစ်မြေသြဇာများထည့်သွင်းအသုံးပြုသည်။ထည့်သွင်းအသုံးပြုရမည့် ပမာဏ နှင့် အမျိုးအစား ကိုဆုံးဖြတ်နိုင်ရန် စပါး တစ်တန် ထွက်လျင် နိုက်ထရိုဂျင် ၁၅ ကီလို ၊ ဖော့စ်စဖရပ်စ် ၂-၃ ကီလို နှင့်ပိုတက်စီယမ် ၁၅-၂၀ ကီလို စုပ်ယူ ဖယ်ရှားသွားသည် ဆိုသည့်ယူဆချက်ပေါ်တွင်မူတည် ၍ တွက်ချက်သည်။မြေဆီလွှာ ၊ စိုက်မည့်ရာသီ ၊ သီးနှံအခြေအနေ ။ ဖြစ်ပေါ်လာနိုင်သော ရာသီဥတုအခြေအနေ ၊ ထိရောက်သော အသုံးပြုနည်းစနစ် တို့အပေါ် မူတည်သည်။

စပါး ပင်အတွက် အဟာရဓာတ် (၁၆)မျိုး လိုအပ်သော်လည်း အခြေ ခံအားဖြင့် (၁) နိုက်ထရိုဂျင် (၂) တီစူပါ နှင့် (၃) ပိုတက် သုံးမျိုး ကို မဖြစ်မနေ သုံးရမည်။

(၁) နိုက်ထရိုဂျင် ( ပုလဲ မြေသြဇာ) - ၏အာနိသင် သည် စပါး ပင်ကိုကြီးထွားသန်စွမ်းစေပြီး ပင်ပွားများစေသည်။

(၂) တီစူပါ ၏အာနိသင်သည် အသီးအပွင့် ကို ပွားများစေသည်၊အစေ့အဆံပြည့်ဖြိုးပြီး အောင်စေ့ရာခိင်နှုန်းများသည်။ စပါးပင်အမြစ်ဖွံ့ ဖြိုးမှု ကောင်းစေသည်။

(၃) ပိုတက်ရှ် ၏ အာနိသင်သည် စပါးပင်ကို ပိုးမွှားရောဂါ ဒဏ်ခံနိုင်ရည်ရှိစေသည်၊ ရာသီဥတုဒဏ် ခံနိုင်ရည်ရှိစေသည်၊ အပင်ရိုင်လဲမှု လျော့နဲစေသည်၊ ဆန်ကြိတ်ရာတွင် ကျိုးအကျေနဲစေသည် ၊ ဆန်အရည်အသွေး ကောင်းစေသည်။

အနည်းလို အဟာရဓာတ်များ အနက် ဆီလီကာ ၊ သွပ် ဓာတ် ၊ ထုံးဓာတ် နှင့် ကလိုရင်းဓာတ်များ သည် စပါးအထွက်နှုံးနှင့် အရည်အသွေးကို ကောင်းစွာ အထောက်အကူ ပြု၍ ထည့်ပေးသင့်သည်။

----

မြေဩဇာ အသုံးပြုခြင်း၊ ပိုးမွှားရောဂါကာကွယ်နည်း၊ စိုက်ပျိုးနည်း၊ အခြားစျေးကွက်သတင်းနှင့် ဆောင်းပါးများ အတွက် ထွက်တိုးကို Download လုပ်ပါ - https://l.htwettoe.com/v2