cover

ထွက်တိုး

coverပင်မစာမျက်နာ
coverအဖွဲ့များ
coverစူးစမ်းရန်
coverစာတို
coverကျွန်ုပ်

ကိရိယာများ


ကျွန်ုပ်၏ အဖွဲ့များ


အဖွဲ့များအားလုံး

user profile image
ဆွေးနွေးမယ်image
ပြန်သွားပါ

ဆံပင်ကျွတ်ခြင်း ၊ ဆံပင်ဖြူခြင်းမှ ကာကွယ်ပေးပြီး မျက်စိအမြင်ကြည်ခြင်းနှင့် တိမ်ဖြစ်ခြင်း ကာကွယ်ပေးသော ဆေးဖက်ဝင် အောင်မဲညိုပင်စိုက်ပျိုးနည်း

. စိုက်ပျိုးနည်းစနစ်များ
ယခုအခါ ဈေးကွက်ထဲတွင် ခေတ်စားလာသော အပင်တစ်မျိုးမှာ အောင်မဲညိုပင် ဖြစ်သည်။ ယခင်က အိမ်နောက်ဖေး ၊ ခြံစည်းရိုး အစရှိသည့် နေရာများတွင် အလေ့ကျ ပေါက်ရောက်လေ့ ရှိသော်လည်း ယခုအခါမှာ အောင်မဲညို အပွင့် ၁ ကီလိုလျှင် ၄ သောင်း ကျပ်ထိ ရရှိနေပြီး ၁၀၀ ဂရမ် တစ်ထုပ်ကို ၅၀၀၀ ကျပ် အစရှိသဖြင့် ဈေးကွက်ထဲမှာ ဈေးကောင်း တဖြေးဖြေး ရရှိနေပါတယ်။

  • ယခုအခါ ဈေးကွက်ထဲတွင် ခေတ်စားလာသော အပင်တစ်မျိုးမှာ အောင်မဲညိုပင် ဖြစ်သည်။ ယခင်က အိမ်နောက်ဖေး ၊ ခြံစည်းရိုး အစရှိသည့် နေရာများတွင် အလေ့ကျ ပေါက်ရောက်လေ့ ရှိသော်လည်း ယခုအခါမှာ အောင်မဲညို အပွင့် ၁ ကီလိုလျှင် ၄ သောင်း ကျပ်ထိ ရရှိနေပြီး ၁၀၀ ဂရမ် တစ်ထုပ်ကို ၅၀၀၀ ကျပ် အစရှိသဖြင့် ဈေးကွက်ထဲမှာ ဈေးကောင်း တဖြေးဖြေး ရရှိနေပါတယ်။ အောင်မဲညိုဟာ ဆိုရင် အပင်တစ်ပင်လုံးက ဆေးဖက်ဝင် ပါတယ်။ ဆံပင်ကျွတ်ခြင်း ၊ ဆံပင်ဖြူခြင်းမှ ကာကွယ် ပေးပြီး မျက်စိအမြင် ကြည်ခြင်းနှင့် တိမ်ဖြစ်ခြင်းမှ ကာကွယ်ပေးသော ဆေးဖက်ဝင်တဲ့ ပန်း ဖြစ်ပါတယ်။ အမျိူးသမီးများ အတွက် သွေးအား ကောင်းစေ ပါတယ်။

    အောင်မဲညိုပန်းပွင့်ကို အရည်စိမ်ပီး သောက်သုံး နိုင်သလို ၊ ထမင်း (သို့) ကောက်ညှင်း နဲ့ချက်စားခြင်းဖြင့်လည်းကောင်း ၊ အောင်မဲညိုခေါက်ဆွဲ ၊ အောင်မဲညို ပြာရည်ထုပ် ၊ အောင်မဲညို ကျောက်ကျော ၊ ရေခဲချောင်း ၊ကိတ်မုန့် ၊ ရေခဲမုန့် ၊ သာကူ အစရှိသဖြင့် အမျိုးမျိုးလုပ်ဆောင်နိုင်ပါတယ်။ ဒါကြောင့် အောင်မဲညိုပင်ကို ဘယ်လို စီးပွားဖြစ်စိုက်ပျိုးနိုင်သလဲ ဆိုတာ တင်ပြပေးသွားမှာဘဲ ဖြစ်ပါတယ်။

    အောင်မဲညိုပင် စိုက်ပျိုးခြင်း

    မြန်မာအမည် - အောင်မဲညိုပင်

    အင်္ဂလိပ်အမည် - Butterly Pea

    ရုက္ခဗေဒအမည် - Clitoria ternatea Linn

    မျိုးရင်းအမည် - Paplionaceae

    ၁။ မျိုးပြားများ

    ယခင်က အောင်မဲဖြူ ၊ အောင်မဲညို (အပြာရောင်အဆင်းရှိသောပန်း) အပြင် ယခုအခါ ပန်းနုရောင် ပန်းရင့်ရောင် ခရမ်းနုရောင် ခရမ်းရင့်ရောင်း စသဖြင့် အရောင်မျိုးစုံ နှင့် နှစ်ထပ်ရစ်အပွင့်များအထိ မျိုးစုံ ဝယ်ယူရရှိနိုင်ပီ ဖြစ်ပါတယ်။

    ၂။ ပေါက်ရောက်ရာ ဒေသ

    မြန်မာနိုင်ငံ အနှံ့အပြားတွင် တွေ့ရှိရပြီး အညာဒေသ မြန်မာနိုင်ငံ အထက်ပိုင်း ချင်းတောင်၊ မေမြို့၊ ဗန်းမော်၊ ရွှေဘို၊ မိတ္ထီလာနှင့် ရန်ကုန်တွင် တွေ့ရှိနိုင်သည်။

    ၃။ ရေမြေရာသီဥတု

    အခြေခံအားဖြင့် အေးမြသော ရာသီကိုကြိုက်သော်လည်း စွတ်စိုသော အပူပိုင်းမှ ခြောက်သွေ့သော အပူလျော့ပိုင်းအထိ စိုက်ပျိုးဖြစ်ထွန်းပါတယ်။ မြေအမျိုးအစားမရွေးစိုက်ပျိုးနိုင်သာလည်း သဲဆန်ပြီး မြေချဉ်သော မြေတွင် ပိုမို ဖြစ်ထွန်းသည်။ ရေများပီး ရွှံ့ ထူသော အခြေနေကို ခံနိုင်ရည်မရှိပေ။ထို့ကြောင့် ရေသွင်းရေထုတ် ဂရုစိုက်ရန် လိုအပ်သည်။

    ၄။စိုက်ပျိုးရာသီ

    မိုးများစွာ ရွာသွန်းသော ကာလမှလွဲ၍ တစ်နှစ်ပတ်လုံးစိုက်ပျိုးနိုင်ပါတယ်။ အပူလျော့ပိုင်းဒေသများတွင် နွေဦးကာလသည် စိုက်ပျိုးရမည့် အချိန် ဖြစ်သည်။

    ၅။ ပျိုးထောင်နည်း

    အစေ့မှဖြစ်စေ ကိုင်းဆက်၍ ဖြစ်စေ မျိုးပွားနိုင်သော်လည်း အစေ့စိုက်ပင်သည် နှစ်ချီ စောင့်ပြီးမှ အပွင့်တင်နိုင်သဖြင့် ကိုင်းကူးဆက်နည်းဖြင့်သာ မျိုးပွားလေ့ရှိပါတယ်။အစေ့ဖြင့် စိုက်မည်ဆိုလျှင် အစေ့ကို အစေ့ကို အခွံပါးသွားစေဖို့ မျက်နှာပြင်တခုခုနဲ့ ဖြေးဖြေး ပွတ်တိုက်ပေးပါ။ မစိုက်ခင် အခန်းအပူချိန်ထဲမှာ တညခန့် ရေစိမ်ပါ။ စိုက်စဉ် ပင်ကြား တန်းကြားမှာ ၃ ပေ × ၆ ပေ ဖြစ်ပါတယ်။တစ်ဧကလျှင် အပင် ၂၈၀၀ ခန့် စိုက်ပျိုးနိုင်ပါတယ်။ စိုက်ပျိုးပြီး ၂ - ၃ ပတ်ခန့်ကြာသော် အညောင့်ပေါက်လာသည်ကို တွေ့ရှိ ရနိုင်ပါတယ်။

    ၆။ မြေသြဇာကျွေးခြင်း

    သဘာဝမြေသြဇာကို အနှစ်သက်ဆုံးဖြစ်ကာ အပင်ငယ်လျှင် သစ်ရွက်ဆွေးနှင့် နွားချေး တစ်ပင်လျှင် တစ်တင်းနှုန်း ၊ အခြား သဘာ၀ ဓာတ်မြေသြဇာ တင်းဝက်ခန့် ထပ်ထည့်ပေးသင့်ပါတယ်။နွားချေး ၊ ကြက်ချေး အစရှိတဲ့ စွန့်ပစ်ပစ္စည်းတွေ သုံးနိုင်ပါသည်။ပိုးကျရင်တော့ ဆေးရွက်ကြီး စိမ်ထားတဲ့ ရေကို လောင်းပေးနိုင်ပါတယ်။

    ၇။ရေပေးသွင်းခြင်း

    နေရောင်ခြည် ရရှိမှု အပေါ် တုန့်ပြန်မှုမရှိသော အပင်မျိုးဖြစ်သည်။ ပူပြင်းသော ရာသီမျိုးတွင် အပင်ခြေရင်း ပတ်လည်ကို မြောင်းတူး၍ ရေပေးရပါမည်။ ရေဝပ်ခြင်းကို မနှစ်သက်သဖြင့် ရေထုပ်မြောင်းထဲမှ တစ်ဆင့် ထုတ်ပေးရပါမည်။

    ၈။ ဆွတ်ခူးခြင်း

    စစိုက်တဲ့ရက်မှ စ၍ ၂ လကျော်လျှင် အပွင့်စပွင့် လာပြီး အပင် ၄ လ ကျော်သည်နှင့် အပွင့်စုံလာပြီ ဖြစ်ပါတယ်။ တစ်ပင်မှာ ပျမ်းမျှ အပွင့် ၅၀ လောက်ရရှိနိုင်ပါတယ်။ အပွင့်ခြောက် ၁ ကီလိုလျှင် ပန့်ပွင့် အစို ၂၀၀၀၀ ခန့် အလေးချိန်နှင့် ညီမျှပါတယ်။ အပွင့်ခြောက်လေးတွေရဲ့ဈေးက ၁၀၀ ဂရမ် ကို ၅၀၀၀ ကျပ် ခန့် ဈေးရှိပါတယ်။

    -----

    ဆောင်းပါးသစ်များအတွက် ထွက်တိုးကို Like, follow, share, Download https://l.htwettoe.com/v2 လုပ်ထားပါ။

    စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ်


  • article
15 ကြိုက်
2 မှတ်ချက်63 ကြည့်ရှု