အာလူးတွင်ကျရောက်သော ဘတ်တီးရီးယားရောဂါများ

မြန်မာနိုင်ငံတွင် အာလူးစိုက်ပျိုးထုတ်လုပ်ခြင်းတွင် အဓိကကျရောက်သော ဘတ်တီးရီးယားရောဂါများမှာ- 

၁။လောင်ဖြူ/ပင်ညှိုး 

၂။ပင်ခြေမဲ 

၃။အကြေးဖက်ရောဂါများ  

၁။လောင်ဖြူ/ဘတ်တီးရီးယားပင်ညှိုးရောဂါ 

-လောင်ဖြူ/ပင်ညှိုးရောဂါသည် ဘတ်တီးရီးယားကြောင့်ဖြစ်သောရောဂါဖြစ်သည်။ 

-ဘတ်တီးရီးယားများသည် အပင်၏အစာရေကြောစနစ်ကို ပိတ်လိုက်သည့်အချိန်တွင် ရောဂါလက္ခဏာများစတင်ဖြစ်ပေါ်လာသည်။ 

-ပူသည့်ရာသီဥတု(ပုံမှန်အပူချိန် ၂၇-၃၅ °C) မြေကြီးစိုနေသည့်အချိန်ကို နှစ်သက်သည်။ 

ရောဂါလက္ခဏာ 

-အရွက်များ အစိမ်းရောင်မပျက် ညှိုးသွားခြင်း 

-ပင်စည်နှင့်အမြစ်များ အညိုရောင်ပြောင်းသွားခြင်း 

-ပင်စည်အားဖြတ်ကြည့်ပါက ပင်စည်ပုံစံပျက်စီးနေခြင်းတို့ဖြစ်ပါသည်။ 

ဘက်စုံကာကွယ်ရေးနည်းလမ်းများ 

-လောင်ဖြူ/ပင်ညှိုးရောဂါကင်းစင်သော စိုက်ပျိုးမြေတွင် အာလူးကိုစိုက်ပျိုးပါ။ 

-သွင်းရေအသုံးပြုရာတွင်လည်း ရောဂါကင်းသော ညစ်ညမ်းမှုမရှိသောရေကို အသုံးပြုပါ။ 

-သွင်းရေကို ကွင်းမျက်နှာပြင်ပေါ်မှဖြတ်သန်းစီးဆင်းလာသော ‌ရေမဖြစ်စေရန် သေချာဂရုစိုက်စီမံပါ။ 

-ကျန်းမာသော(မှတ်ပုံတင်ရှိသော)မျိုးကိုသာ အသုံးပြုပါ။ 

-အသုံးပြုပြီးသောလယ်ယာသုံးပစ္စည်းများကို သန့်ရှင်းရေးပြုလုပ်ပါ။ 

-ရောဂါကျရောက်ဖူးသော အပင်အကြွင်းအကျန်များနှင့်ပေါင်းပင်များကိုဖယ်ရှားရှင်းလင်းပါ။ 

-ကောင်းမွန်ဆွေးမြေ့ပြီးသော သဘာဝမြေဩဇာကိုအသုံးပြုပါ။ 

-ရောဂါကျရောက်ပြီးသော အပင်များနှင့်အာလူးဥများကို တစ်ရာသီ တစ်လျှော်လုံးဖျက်ဆီးပါ(အမြစ်နှင့်မြေကြီးအပါအဝင် အနီးနား ၂ ပင်ကိုပါဖျက်ဆီးပစ်ရမည်)။ 

-သီးလှည့်စိုက်ပျိုးပါ။ 

-မှိုသတ်ဆေးများသည် ပင်ညှိုးရောဂါအတွက် ထိရောက်မှုမရှိပါ။ 

-ဒိုလိုမိုက်(ထုံး)ကို ရောဂါကျရောက်နေသည့်အပင်ပတ်လည်တွင်ထည့်သွင်းနိုင်သည်။ထုံးထည့်ခြင်းဖြင့် မြေကြီးအတွင်း၌ pH တက်လာပြီး ဘတ်တီးရီးယားကျရောက်မှုကို သက်သာစေသည်။ 

သတိပြုရမည့်အချက်များ 

-အာလူးမျိုးများအားလုံးသည် လောင်ဖြူ/ပင်ညှိုးရောဂါကို ခံနိုင်ရည်မရှိကြပါ။ 

-မြေကြီးထဲတွင် ရောဂါဖြစ်စေသောဘတ်တီးရီးယားရှိနေသော်လည်း ထိခိုက်ဒါဏ်ရာမရှိသောအပင်များက ကျန်းမာစွာရှင်ကျန်နေမည်။ ထိုအပင်များသည် ရောဂါကျရောက်နိုင်ခြေနည်းသော်လည်း ရောဂါကျရောက်မှုလက္ခဏာမပြပဲငုပ်လျှိုးနေတတ်သည်။ 

-လောင်ဖြူ/ပင်ညှိုးရောဂါသည် မြေကြီးထဲတွင်နှစ်အလိုက်အသက်ရှင်နေနိုင်သည်။ 

-ရောဂါကျရောက်နေသည့် အာလူးဥများသည် မြေနှင့်ရေမှတဆင့် ရောဂါကူးစက်ပျံ့ပွားနိုင်ခြင်းသည် ထည့်သွင်းစဉ်းစားရမည့် အကြီးမားဆုံးသော ပြဿနာတစ်ရပ်ဖြစ်သည်။ 

၂။ဘတ်တီးရီးယားပင်ခြေမဲရောဂါ 

-ပင်ခြေမဲရောဂါသည် ဘတ်တီးရီးယားကြောင့်ဖြစ်သောရောဂါဖြစ်သည်။ 

-ပင်စည်အောင်ပိုင်းတွင် အနက်ရောင်ပြောင်းပြီး ပုပ်သွားတတ်သည်။ 

-အပင်ညှိုးနွမ်းမှု မြန်ဆန်ပြီး အရွက်များအဝါရောင်ပြောင်းသွားတတ်သည်။ 

၃။အကြေးဖက်ရောဂါ 

-အကြေးဖက်ရောဂါများသည် ဘတ်တီးရီးယားကြောင့်ဖြစ်သော ရောဂါများဖြစ်သည်။ 

-မြေကြီးအစိုဓါတ်များလျှင် ကြေးဖက်ရောဂါပိုများနိုင်ပြီး အာလူးဥအစိတ်အပိုင်းများတွင်ဖြစ်ပွားနိုင်သည်။ 

ဘက်စုံကာကွယ်ရေးနည်းလမ်းများ 

-ခံနိုင်ရည်ရှိသောမျိုးများကို စိုက်ပျိုးပါ။ 

-သီးလှည့်စိုက်ပျိုးပါ။ 

Fresh Studio Myanmar/EAT VEG မှ ကူးယူဖော်ပြပါသည်။