အရသာလည်းရှိ ကိုယ်ခံအားလည်းကောင်းစေမည့် ကြက်ပေါင်းပြုလုပ်နည်း
လိုအပ်သည့်ပစ္စည်းများ
ကြက်သား - တစ်ပိဿာကောင် ၁ ကောင်
အာလူး - ၃ လုံး
ကြက်သွန်နီ - ၅ လုံး
ကြက်သွန်ဖြူ - ၁ လုံး
ဂျင်း - ၁ တက်
မုန်လာဥနီ - ၁ (သို့) ၂ တောင့်
သခွားသီး - ၁ လုံး
ရှမ်းနံနံ - အနည်းငယ်
မာဆလာ - အနည်းငယ်
ပူစီနံ - အနည်းငယ်
ဆား - ၂ ဇွန်း (လက်ဖက်စားဇွန်း)
ငံပြာရည် - ၂ ဇွန်း (လက်ဖက်စားဇွန်း)
ခရုဆီ - ၂ ဇွန်း (လက်ဖက်စားဇွန်း)
သကြား - ၃ ဇွန်း (လက်ဖက်စားဇွန်း)
ချက်ပြုတ်နည်း
- ပထမဦးစွာ ကြက်ကို ရေပြောင်အောင်ဆေး၍ ဆားပွတ်ပါ။
- ဂျင်း၊ ကြက်သွန် နှင့် ရှမ်းနံနံတို့ကို ညက်အောင်ထောင်းပါ။
- မုန်လာဥနီနှင့် သခွားသီးများကို အတုံးသေးသေးတုံးထားပါ။
- ပြီးနောက် ခွက်တစ်ခုတွင်ထည့်၍ ဆား၊ ငံပြာရည်၊ မာဆလာ၊ ခရုဆီ၊ သကြားတို့ဖြင့် နယ်ပါ။
- နည်ထားသော အစာများကို ကြက်ဝမ်းဗိုက်ထဲသို့ ထည့်ပါ။
- ကြက်ပေါင်နှစ်ခုကို စု၍ ချည်ထားပါ။ (အတွင်းမှ အစာများ ထွက်မကျစေရန်ဖြစ်သည်။)
- အစာသွပ်ပြီးကျန်ရှိနေသော အရည်များကို ကြက်တစ်ကောက်လုံး နှံ့အောင်နယ်ပေးပါ။
- ပြီးလျှင် လျှပ်စစ်အိုးဟင်းပေါင်းအိုးတွင်ထည့်ပါ။ ကြက်သားဘေးတွင် မုန်လာဥနီ၊ ခရမ်းချဉ်၊ နံနံပင်တို့ကို နှစ်သက်သလိုထည့်နိုင်ပါသည်။
- ဟင်းပေါင်းအိုးမရှိပါက ကြက်သားကို စတီးလင်ဗန်းတွင်တင်ပါ။ ဒယ်အိုးကြီးအလယ်တွင် ခွက်လုံးအသေးတစ်လုံးခံ၍ ခွက်လုံးပေါ် လင်ဗန်းကိုတင်ပါ။ ခွက်လုံးမမြုပ်ရုံရေထည့်၍ အဖုံးပိတ်ထားပေးပါ။
- ဒယ်အိုးဖြင့်ပေါင်းပါက လင်ဗန်းထဲတွင် ကြက်သားမှထွက်လာသည့်အရည်ကို မကြာခဏခပ်ထုပ်ပေးပါ။
- ၂ နာရီခန့်ကြာပါက စားသုံးနိုင်ပါပြီ။
Source - ဟင်းချက်နည်း
ထွက်တိုး Telegram Channel ဝင်ရန် နှိပ်ပါ - https://t.me/htwettoe
စိုက်ပျိုးရေးသတင်းနှင့် ဆောင်းပါးသစ်များ၊ စိုက်ပျိုးနည်းများ၊ ကာကွယ်နှိမ်နင်းနည်းများ အတွက် ထွက်တိုးကို Like, Share နှင့် Download လုပ်ထားပါ - http://download.htwettoe.com/
![likes](../heart.png)
![comments](../comments.png)
![views](../views.png)