ပြည်ပအဝယ်လိုက်၍ မြန်မာကြက်သွန်နီ ဈေးကောင်းရနေ

မြန်မာကြက်သွန်နီကို ပြီးခဲ့တဲ့ဩဂုတ်လကုန်လောက်ကစပြီး တရုတ်နဲ့ဗီယက်နမ်နိုင်ငံတွေက ဝယ်ယူမှု များလာတာကြောင့် အရောင်းအဝယ်သွက်ပြီး ကြက်သွန်စိုက်တောင်သူတွေ ဈေးကောင်းရနေတယ်လို့ သိရပါတယ်။

အခုလိုဈေးကောင်းရရှိလာတာကြောင့် ကြက်သွန်စိုက်တောင်သူတွေအနေနဲ့ အချိန်စောစောစိုက်ပျိုးလာကြသလို စိုက်ပျိုးသူတွေလည်း ပိုမိုများပြားလာတယ်လို့ မြန်မာနိုင်ငံ ကြက်သွန်နီ ကြက်သွန်ဖြူနှင့် စားဖိုဆောင်သီးနှံများ စိုက်ပျိုးထုတ်လုပ်တင်ပို့ရောင်းချသူများအသင်းကနေ သိရပါတယ်။

ပြီးခဲ့တဲ့ဩဂုတ်လအတွင်းက အိန္ဒိယနိုင်ငံကနေ ကြက်သွန်နီပြည်ပတင်ပို့ကုန် အခွန်တိုးမြှင့်လိုက်တာကြောင့် ပြည်ပနိုင်ငံတချို့က မြန်မာကြက်သွန်နီကိုတိုးမြှင့်မှာယူတာတွေရှိလာတဲ့အတွက် ကြက်သွန်စိုက်တောင်သူတွေ ဈေးကောင်းရရှိကာ အဆင်ပြေလာတာဖြစ်တယ်လို့လည်း ဆိုပါတယ်။

စက်တင်ဘာ ၁၄ ရက် ဘုရင့်နောင်ကုန်စည်ဒိုင်ရဲ့ ကြက်သွန်နီလက္ကားဈေးနှုန်းတွေကတော့ တစ်ပိဿာကို ငွေကျပ် ၂၅၀၀ ကနေ ၂၉၅၀ ကျပ်အထိရှိနေပြီး မုံရွာနဲ့ဆိတ်ဖြူမြို့နယ်တွေက ဝင်ရောက်မှု များပြားနေတာ ဖြစ်တယ်လို့ သိရပါတယ်။

One News Myanmar မှကူးယူဖော်ပြပါသည်။

----

ထွက်တိုး Telegram Channel ဝင်ရန် နှိပ်ပါ - https://t.me/htwettoe 

စိုက်ပျိုးရေးသတင်းနှင့် ဆောင်းပါးသစ်များ၊ စိုက်ပျိုးနည်းများ၊ ကာကွယ်နှိမ်နင်းနည်းများ အတွက် ထွက်တိုးကို follow, Like, Share နှင့် Download လုပ်ထားပါ - http://download.htwettoe.com/