ငါးမွေးမြူရေးအတွက် တစ်ပတ်စာ မိုးလေဝသခန့်မှန်းချက်နှင့် အကြံပြုချက် ( ပဲခူးတိုင်းဒေသကြီးနှင့် ရန်ကုန်တိုင်းဒေသကြီးအတွက် )
ပဲခူးတိုင်းဒေသကြီး
၁။ လက်ပံတန်းမြို့နယ်
ယနေ့မှ အောက်တိုဘာ ၄ ရက်နေ့အထိ မိုးရွာရန် ၉၀ ရာခိုင်နှုန်း ရှိပါသဖြင့် ဆက်လက်မိုးများနိုင်ပါတယ်။ အောက်တိုဘာ ၅၊ ၆၊ ၇၊ ၈ ရက်တို့မှာတော့ ၇၀ ရာခိုင်နှုန်း ဝန်းကျင် ရှိသဖြင့် တိမ်ထူပြီး မိုးအနည်းငယ်ရွာနိုင်ပါတယ်။
၂။မိုးညိုမြို့နယ်
ယနေ့နဲ့ မနက်ဖြန်မှာ ၉၀ ရာခိုင်နှုန်းဝန်းကျင်ရှိပါသဖြင့် မိုးများနိုင်ပါတယ်။ အောက်တိုဘာ ၄၊ ၅၊ ၆ ရက်တို့မှာ ၆၀ ရာခိုင်နှုန်းရှိသဖြင့် တိမ်ထူလိုက်၊ နေပွင့်လိုက်ဖြစ်နိုင်ပါတယ်။ အောက်တိုဘာ ၇၊ ၈ ရက်တို့မှာတော့ ၇၀ ရာခိုင်နှုန်းကျော် ရှိပါသဖြင့် တိမ်ထူပြီး မိုးအနည်းငယ်ရွာနိုင်ပါတယ်။
၃။သာယာဝတီမြို့နယ်
ယနေ့မှ အောက်တိုဘာ ၄ ရက်နေ့အထိ မိုးရွာရန် ၉၀ ရာခိုင်နှုန်း ရှိပါသဖြင့် ဆက်လက်မိုးများနိုင်ပါတယ်။ အောက်တိုဘာ ၅၊ ၆၊ ၇၊ ၈ ရက်တို့မှာတော့ ၇၀ ရာခိုင်နှုန်း ဝန်းကျင် ရှိသဖြင့် တိမ်ထူပြီး မိုးအနည်းငယ်ရွာနိုင်ပါတယ်။
ရန်ကုန်တိုင်းဒေသကြီး
၁။တွံတေးမြို့နယ်
ယနေ့နဲ့ မနက်ဖြန်မှာ မိုးရွာရန် ၉၀ ရာခိုင်နှုန်းကျော် ရှိပါသဖြင့် မိုးရွာနှုန်း ဆက်လက်အားကောင်းနိုင်ပါတယ်။ အောက်တိုဘာ ၄၊ ၅ ရက်တို့မှာ ၅၀ ရာခိုင်နှုန်းသာ ရှိသဖြင့် နေပွင့်နိုင်ပါတယ်။ အောက်တိုဘာ ၆၊ ၇၊ ၈ တို့မှာ ၇၀ ရာခိုင်နှုန်းကျော် ရှိပါသဖြင့် တိမ်ထူပြီး မိုးအနည်းငယ်ရွာနိုင်ပါတယ်။
၂။ သန်လျင်မြို့နယ်
ယနေ့နဲ့ မနက်ဖြန်မှာ ၉၀ ရာခိုင်နှုန်းကျော် ရှိပါသဖြင့် မိုးရွာနှုန်း ဆက်လက်အားကောင်းနိုင်ပါတယ်။ အောက်တိုဘာ ၄၊ ၅ ရက်တို့မှာ ၄၀ ရာခိုင်နှုန်းသာ ရှိသဖြင့် နေပွင့်နိုင်ပါတယ်။ အောက်တိုဘာ ၆ ရက်မှာ ၈၀ ရာခိုင်နှုန်း ရှိသဖြင့် မိုးရွာနိုင်ပြီး ၇၊ ၈ တို့မှာ ၇၀ ရာခိုင်နှုန်းဝန်းကျင်သာ ရှိပါသဖြင့်
တိမ်ထူနိုင်ပါတယ်။
၃။ကျောက်တန်းမြို့နယ်
ယနေ့မိုးရွာရန် ရာနှုန်းပြည့်နီးရှိပြီး အောက်တိုဘာ ၄ နေ့မှာ ၈၀ ရာခိုင်နှုန်း ရှိသဖြင့် မိုးရွာနိုင်ပါတယ်။ အောက်တိုဘာ ၃၊ ၅၊ ၆၊ ၇၊ ၈ ရက်တို့မှာ ၆၀ ရာခိုင်နှုန်းဝန်းကျင် ရှိပါသဖြင့် တိမ်အနည်းငယ် ရှိနိုင်ပြီး နေလည်း ပွင့်နိုင်ပါတယ်။
ငါးကန်များအတွက်အကြံပြုချက်
မိုးနှောင်း မိုးကောင်းနေပါသဖြင့် ပဲခူးတိုင်းနှင့် ရန်ကုန်တိုင်းအတွင်း ငါးမွေးမြူကန်များမှာ ရေကြီးရေလျှံဖြစ်နိုင်ပါသဖြင့်
- ကန်ဘောင်မှ ၆ လက်မအောက်အကွာတွင် ရေထုတ်ပြွန်များ တပ်ပေးရန်၊ အပြင်ဘက်မှလည်း ကန်အတွင်း ရေဝင်လာနိုင်တာကြောင့် ကန်ဘောင်အပေါ်မှ သဲအိတ်များ စီထားရန်
- အကယ်၍ရေကြီးရေလျှံလာပါက ငါးများလွတ်ထွက်မှု မရှိစေရေးအတွက် ဇာပြာပိုက်များဖြင့်ကာရံထားပါရန်
- ငါးများ ရွှေ့ပြောင်းနိုင်ရန်အတွက် ငါးဖမ်းပိုက်များ၊ စက်လှေများနှင့် စက်ပစ္စည်းများအား ကြိုတင်ပြင်ဆင်ထားပါရန် နှင့် အထူးသဖြင့် မျိုးငါးကြီးများအား ဦးစားပေးရွှေ့ပြောင်းထားပါရန်
- ကန်များအတွင်း ရေအပူချိန်၊ ရေချဉ်ဖန်နှုန်း ကျနိုင်သဖြင့် မိုးရွာစဉ်၊ မိုးအုံ့စဉ်တွင် အစာများ အလေအလွှင့်မဖြစ်စေရန် လျော့ကျွေးရန်၊ ညနေပိုင်း နေပွင့်ချိန်မှ ကျွေးရန်
- တိမ်ထူသော ရက်များတွင် ငါးကန်များအတွင်းရှိ အပင်မျောလှေးများသည် အစာချက်နှုန်း ကျလာနိုင်ပြီး ပျော်ဝင်အောက်ဆီဂျင်ပမာဏနည်းလာနိုင်သဖြင့်လေဒဟတ် တပ်ဆင်ပေးရန်
Weather Source: CIAT
![likes](../heart.png)
![comments](../comments.png)
![views](../views.png)