cover

ထွက်တိုး

coverပင်မစာမျက်နာ
coverအဖွဲ့များ
coverစူးစမ်းရန်
coverစာတို
coverကျွန်ုပ်

ကိရိယာများ


ကျွန်ုပ်၏ အဖွဲ့များ


အဖွဲ့များအားလုံး

user profile image
ဆွေးနွေးမယ်image
ပြန်သွားပါ

ပွင့်ထွေးပိုး (သို့မဟုတ်) သီးလုံးဖောက်ပိုး ကာကွယ်နှိမ်နင်းနည်း

. ပိုးမွှား
ရေ ၄ ဂါလံဝင် ဆေးဖြန်းပုံးတစ်ပုံးလျှင် အင်ဒေါက်ဇာကပ် + အီမာမက်တင်ဘန်ဇိုအိတ် စားပွဲတင်ဇွန်း ၁-၂ ဇွန်းနှုန်း

သို့မဟုတ် ဈေးကွက်အတွင်း ဝယ်ယူရရှိနိုင်သာ ပိုးသတ်ဆေးထုတ်များတွင် ပါရှိသည့် မြန်မာစာအညွှန်းအတိုင်း အသုံးပြုနိုင်ပါသည်။
  • ပွင့်ထွေးပိုး (သို့မဟုတ်) သီးလုံးဖောက်ပိုး ဖျက်ဆီးမှု လက္ခဏာများ 


    - သီးလုံးဖောက်ပိုးများသည် ပဲတောင့်များကို ဖျက်ဆီးကာ အတွင်းရှိ ပဲစေ့များကို စားသုံးလေ့ရှိပါသည်။ 


    - ပိုးကျခါစတွင် အပွင့်များကို ထွေးပစ်လိုက်ပြီး ရောဂါကျခံထားရသော သီးတောင့်များမှာမူ အပေါက်များ ရှိနေတတ်ပါသည်။ 


    - ဖလံကောင်များကို ပိုးဖမ်းပိုက်များဖြင့် ဖမ်းဆီးနိုင်ပါသည်။ ၎င်းတို့သည် အဖူးများ၊ ပန်းများနှင့် သီးတောင့်ငယ်လေးများကို စားသောက် ဖျက်ဆီးပစ်လေ့ရှိပါသည်။ 


    - အချို့အပင်များတွင်မူ ပင်စည်နှင့် ပန်းခိုင်များကို စားသောက်ပစ်လေ့ရှိပါသည်။ 


    ပွင့်ထွေးပိုး (သို့မဟုတ်) သီးလုံးဖောက်ပိုး သွင်ပြင်လက္ခဏာ 


    - သီးလုံးဖောက်ပိုး၏ ဥများသည် နို့နှစ်ဖျော့ရောင်ရှိပြီး ခပ်ပြားပြားသဏ္ဍာန်ရှိပါသည်။ 


    - အလားတူပင် လောက်ကောင်သည်လည်း နို့နှစ်ဖျော့ရောင်ဖြစ်ကာ သိသာထင်ရှားသည့် အနက်ရောင် အကြောင်းများကို ၎င်း၏ ကျောဘက်တွင် တွေ့ရတတ်ပါသည်။ 


    - ဖလံကောင်များမှာမူ ၁လက်မခန့် အရွယ်ရှိပြီး အဖြူရောင် အစင်းများပါသည့် အညိုရောင် အတောင်များ ပါရှိပါသည်။ 


    ပွင့်ထွေးပိုး (သို့မဟုတ်) သီးလုံးဖောက်ပိုးအား ကာကွယ်နှိမ်နှင်းခြင်း 


    ဘက်စုံနည်းလမ်းဖြင့် ကာကွယ်နှိမ်နှင်းခြင်း 


    - သတ်မှတ်အပင်ဦးရေထက် ပို၍စိုက်ပျိုးခြင်းကို ရှောင်ကြဉ်ပါ။ 


    - နွေထယ်ရေး ခံပေးခြင်းကို လုပ်ဆောင်ပါ။ 


    - သက်တမ်းတို မျိုးများကို စိုက်ပျိုးပါ။ 


    - လယ်ကွင်းအတွင်းမှ ပေါင်းပင်များကို ဖယ်ရှားပစ်ပါ။ ဥနှင့် ပိုးကောင်များကိုလည်း ရှာဖွေဖျက်ဆီးပစ်ပါ။ 


    - သီးနှံစိုက်ခင်းကို ပုံမှန်စစ်ဆေးကြည့်ရှုပါ။ 


    - သီးလှည့်စိုက်စနစ်ကို ကျင့်သုံးပါ။ 


    - ပိုးကျခံထားရသော အပင်များကို မီးရှို့ဖျက်ဆီးပစ်ပါ။ 


    - မီးထောင်ချောက်များ (စိုက်ပျိုးမြေ ၁ဧကလျှင် မီးထောင်ချောက် ၂-၃ခုနှုန်း) ထားရှိပြီး ပိုးကောင်များနှင့် ဥများကို ရှာဖွေ ဖျက်ဆီးပစ်ပါ။ 


    - မီးထောင်ချောက်ထွန်းခြင်းကို တကွင်းတစပ်တည်း ပြိုင်တူဆောင်ရွက်ပါ။ 


    - ငှက်နားတိုင်များကို စိုက်ခင်းအတွင်း ထားရှိပေးပါ။ 


    သီးလုံးဖောက်ပိုးရန်မှ ကာကွယ်ရန် ဖော်ပြပါ ပိုးသတ်ဆေးများကို အသုံးပြုနိုင်ပါသည်။ 


    ၁။ ရေ ၄ ဂါလံဝင် ဆေးဖြန်းပုံးတစ်ပုံးလျှင် လန်ဒါဆိုင်ဟေလိုသရင် အိပ်စ် ၅ အီးစီ စားပွဲတင်ဇွန်း ၄-၅ ဇွန်းနှုန်း 


    ၂။ ရေ ၄ ဂါလံဝင် ဆေးဖြန်းပုံးတစ်ပုံးလျှင် အီမာမက်တင်ဘန်ဇိုအိတ် + လန်ဒါဆိုင်ဟေလိုသရင် စားပွဲတင်ဇွန်း ၁-၂ ဇွန်းနှုန်း 


    ၃။ ရေ ၄ ဂါလံဝင် ဆေးဖြန်းပုံးတစ်ပုံးလျှင် အင်ဒေါက်ဇာကပ် + အီမာမက်တင်ဘန်ဇိုအိတ် စားပွဲတင်ဇွန်း ၁-၂ ဇွန်းနှုန်း 


    သို့မဟုတ် ဈေးကွက်အတွင်း ဝယ်ယူရရှိနိုင်သာ ပိုးသတ်ဆေးထုတ်များတွင် ပါရှိသည့် မြန်မာစာအညွှန်းအတိုင်း အသုံးပြုနိုင်ပါသည်။ (မြန်မာစာဆေးညွှန်းကို သေချာဖတ်ပြီး လိုက်နာဆောင်ရွက်ပါ) 


    Source:Htwet Toe 


  • article
18 ကြိုက်
1 မှတ်ချက်235 ကြည့်ရှု