တညင်းပင်စိုက်ပျိုးနည်း

မြန်မာအမည် -တညင်း

အင်္ဂလိပ်အမည် -Djenkol Bean

ရုက္ခဗေဒအမည် -Pithe cellobium labatum

မျိုးရင်းအမည် -Mimosaceae

တညင်းသီးဟာဆိုရင် လူကို အကျိုးပြူနိုင်တဲ့ ဗီတာမင်ဓာတ် အာဟာရပါဝင်မှု မရှိသော်လည်း လူကို ဒုက္ခ ဖြစ်စေနိုင်သော အဆိပ်ဓာတ်ပါဝင်မှု ဝ.၃ ကနေ ၁.၃ ထိ ပါဝင်ပါတယ်။ ဒါပေမဲ့လဲ မြန်မာနိုင်ငံမှာ တညင်းသီးကို ပြုတ်ပီးတော့ လည်းကောင်း ၊ ဆားရည်စိမ်ပြီးတော့ လည်းကောင်း ၊ ကြော်ပီးတော့ လည်းကောင်း ၊ အစိမ်း စားပြီး လည်းကောင်း အမျိုးမျိုး စားသုံးလေ့ရှိပါတယ်။

တညင်းသီးကို ဆားရည်မှာ ကြာကြာ စိမ်ပြီး စားရင်တော့ အဆိပ်တွေက ဆားရည်ထဲမှာ အလွယ်တကူ ပျော်ဝင်သွားနိုင်လို့ လူကို အဆိပ်ဖြစ်စေနိုင်မှု အနည်းငယ်တော့ လျော့သွားနိုင်ပါတယ်။ ဒါကြောင့် လူအများစု ယခုချိန်ထိ စားသုံးလျက်ရှိသော တညင်းသီး စိုက်ပျိုးနည်း အကြောင်း ဒီတပတ်မှာ ဖော်ပြပေးလိုက်ပါတယ်။

➤တညင်းမျိုးများ

အသီးအရွယ်အစားကိုလိုက်၍

၁။တညင်းကြီး

၂။စာကလေးတညင်းဟူ၍လည်းကောင်း

➤ဒေသကိုလိုက်၍

၁။မြေပြန့်တညင်း

(မြောင်းမြတညင်း၊ပေါင်တညင်း)

၂။တောင်ပေါ်တညင်း

(ကျေးတောင်တညင်း၊မြစ်ကြီးနား၊နောင်ချိုတညင်း)

ဟူ၍လည်းကောင်းခွဲခြားထားသည်။

➤စိုက်ပျိုးသည့်ဒေသများ

ကချင်ပြည်နယ်၊မွန်ပြည်နယ်၊ကယားပြည်နယ်၊တနင်္သာရီတိုင်း၊ဧရာဝတီတိုင်း၊ရှမ်းပြည်နယ်(နောင်ချို)မန္တလေးတိုင်း(ပြင်ဦးလွင်)တို့တွင်စိုက်ပျိုးသည်။

➤ရေမြေရာသီဥတု

အောက်ခံဂဝံမြေနှင့်သဲနုန်းမြေတို့သည်တညင်းပင်အတွက်အသင့်တော်ဆုံးဖြစ်သည်။

ပူအိုက်စွတ်စိုသောရာသီဥတုနှင့်အပူအအေးကွာခြားမှုရှိသောရာသီဥတုကိုနှစ်သက်သည်။

မိုးရေချိန်(၁၀၀-၂၀၀)လက်မအတွင်းစိုက်ပျိုးဖြစ်ထွန်းသည်။

➤မြေပြုပြင်ခြင်း

မြေကိုအထူးထွန်ယက်ရန်မလိုအပ်ပေ။စိုက်ကျင်းကို(၄)ပေပတ်လည်(သို့မဟုတ်)(၅)ပေပတ်လည်တူးကာကျင်းထဲသို့အပေါ်ယံမြေ၊သဲ၊နွားချေးနှင့်သဘာဝမြေသြဇာတို့ကို

ဆတူရော၍ဖို့ပေးရပါမည်။

➤ပျိုးထောင်နည်း

တညင်းသီးအရင့်များကိုအရိပ်အောက်တွင်တစ်လခန့်ဖြန့်ခင်းထားပြီးသဲနှင့်နွားချေး-(၃:၁)ရောထားသောပျိုးဘောင်ကိုရေဝအောင်လောင်းပြီးတညင်းသီးများကိုစီရီချထားခြင်းဖြင့်အစို့ထွက်လာပါသည်။အစို့ထွက်သည်အထိ ရေဝအောင်လောင်းပေးရပါမည်။

အချို့ကရေစပ်စပ်စိမ်ပြီးတညင်းဝက်ဖြစ်မှ

ဘောင်ချစိုက်လေ့ရှိကြသည်။

➤စိုက်ပျိုးနည်း

တညင်းပင်သည်အထနှေးသောကြောင့်(၄-၅)နှစ်စောင့်ရခြင်း၊ရွက်အုပ်ထူလွန်းသဖြင့်အပင်ကြီးလာပါကကြားသီးနှံစိုက်ရန်ခက်သဖြင့်

သီးညှပ်ဖြစ်စေ၊အရိပ်ပင်အဖြစ်ဖြစ်စေစိုက်လေ့ရှိပါသည်။

သီးသန့်စိုက်ရမည်ဆိုပါက(၃၀×၃၀)ပေထားပြီး

နှစ်တိုပင်များဖြင့်ရောစိုက်ကတစ်ဧက၄၈ပင်ထားသင့်ပါသည်။

➤ဓာတ်မြေသြဇာကျွေးခြင်း

သဘာဝမြေသြဇာကိုအနှစ်သက်ဆုံးဖြစ်ကာအပင်ငယ်လျှင်သစ်ရွက်ဆွေးနှင့်နွားချေးတစ်ပင်လျှင်(၂)တင်းနှုန်း၊အခြားသဘာဝဓာတ်မြေသြဇာတင်းဝက်ခန့်ထပ်ထည့်ပေးသင့်သည်။

အပင်ကြီးလာသည်နှင့်မြေသြဇာကို

(၅-၁၀)ဆခန့်အထိတိုးပေးသင့်ပါသည်။

➤အပင်ပြုစုနည်း

တညင်းပင်၏ကိုင်းခြောက်၊ကိုင်းနား၊ကိုင်းညှပ်များကိုဖြတ်ပေးသင့်သော်လည်းသရက်ပင်ကဲ့သို့ကိုင်းဖျားတွင်အညွန့်နှင့်အတူအဖူးဖူးကာသီးလေ့ရှိသဖြင့်မလိုအပ်ဘဲခုတ်ထွင်ဖြတ်တောက်ခြင်းမပြုသင့်ပါ။

မိုးရာသီတွင်ပင်ခြေကိုရှင်းကာနွေရာသီတွင်အစိုဓာတ်ရရန်မြက်ခြောက်များအုပ်ပေးသင့်ပါသည်။

➤အထွက်နှုန်း

တညင်းသီးအပင်မှတစ်ပင်လျှင်

အသီး( ၃၀၀၀ မှ ၅၀၀၀ )အထိသီးနိုင်ပါသည်။

Source: သစ်သီးဝလံစိုက်ပျိုးနည်း