အိန္ဒိယက မတ်ပဲနှင့် ပဲစဉ်းငုံတင်သွင်းခွင့် ၂၀၂၅ မတ်လကုန်အထိ သက်တမ်းတိုးမြှင့်
အိန္ဒိယနိုင်ငံ၊ ကူးသန်းရောင်းဝယ်ရေးနှင့် စက်မှုဝန်ကြီးဌာနက မတ်ပဲနှင့်ပဲစဉ်းငုံတို့ကို လွတ်လပ်စွာ တင်သွင်းခွင့်ကို ၂၀၂၅ခုနှစ် မတ်လကုန်အထိ သက်တမ်းတိုးမြှင့်လိုက်တယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရဲ့ ဝက်ဘ်ဆိုက်မှာ ဖော်ပြထားပါတယ်။
မူလက ၂၀၂၄ခုနှစ်၊ မတ်လကုန်အထိ လွတ်လပ်စွာ တင်သွင်းခွင့်ပြုထားခဲ့ရာကနေ အခုနောက်ထပ်တစ်နှစ် ထပ်မံတိုးမြှင့်တင်သွင်းခွင့်ပြုလိုက်တာဖြစ်တယ်လို့ ဆိုပါတယ်။
အခုထုတ်ပြန်ချက်ဟာ မြန်မာနိုင်ငံက ပဲစိုက်တောင်သူတွေနဲ့ ပဲတင်ပို့သူတွေအတွက် အကျိုးဖြစ်ထွန်းစေရုံသာမက ပဲဈေးကွက်ကိုလည်း ပိုမိုခိုင်မာစေမှာဖြစ်တယ်လို့ ဝန်ကြီးဌာနဝက်ဘ်ဆိုက်မှာ ရေးသားထားပါတယ်။
ပြီးခဲ့တဲ့ ၂၀၂၂- ၂၀၂၃ဘဏ္ဍာနှစ်တစ်နှစ်လုံးမှာ ပြည်ပကို ပဲမျိုးစုံတန်ချိန် ၁ဒသမ၆သန်းကျော် တင်ပို့ထားပြီး အမေရိကန်ဒေါ်လာ ၁ဒသ၃ဘီလီယံနီးပါးရရှိခဲ့တယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရဲ့ အချက်အလက်တွေအရ သိရပါတယ်။
ပဲတင်ပို့မှုအနေနဲ့ အိန္ဒိယနိုင်ငံကို အများဆုံးတင်ပို့တာဖြစ်ပြီး တရုတ်အပါအဝင် တခြားနိုင်ငံတချို့ကိုလည်း တင်ပို့နေတယ်လို့ သိရပါတယ်။
One News Myanmar မှကူးယူဖော်ပြပါသည်။
----
ထွက်တိုး Telegram Channel ဝင်ရန် နှိပ်ပါ - https://t.me/htwettoe
စိုက်ပျိုးရေးသတင်းနှင့် ဆောင်းပါးသစ်များ၊ စိုက်ပျိုးနည်းများ၊ ကာကွယ်နှိမ်နင်းနည်းများ အတွက် ထွက်တိုးကို follow, Like, Share နှင့် Download လုပ်ထားပါ - https://htwettoe.com/download
![likes](../heart.png)
![comments](../comments.png)
![views](../views.png)