တစ်လခွဲနှစ်လအတွင်းငွေပြန်ပေါ်နိုင်တဲ့ ဟင်းသီးဟင်းရွက်စိုက်ပျိုးနည်းများ

၁။ ဆလပ်ရွက်စိုက်ပျိုးနည်း

https://www.htwettoe.com/article-details/education/4207876

၂။ နံနံပင်စိုက်ပျိုးနည်း

https://www.htwettoe.com/article-details/education/1928113

၃။ ကန်စွန်းရွက်စိုက်ပျိုးနည်း

https://www.htwettoe.com/article-details/education/2136624

၄။ ကိုက်လန်စိုက်ပျိုးနည်း

https://www.htwettoe.com/article-details/education/16420565

၅။ ကြက်ဟင်းခါးသီးစိုက်ပျိုးနည်း

https://www.htwettoe.com/article-details/education/1656562

----------------

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ်။

ထွက်တိုး Telegram Channel ဝင်ရန် နှိပ်ပါ - https://t.me/htwettoe

ဆလပ်ရွက်စိုက်ပျိုးနည်း

နိဒါန်း

ဒေသ မရွေး စိုက်ပျိုး နိုင်သည်။ ဆလပ် အမျိုးအစား လေးမျိုး ရှိ၍ မြန်မာနိုင်ငံ တွင် အထုပ်မျိုး နှင့်ရွက်ပြန့် မျိုးဟူ၍ နှစ်မျိုးအစိုက် များသည်။ ရွက်ပြန့် မျိုးကို ပိုအစိုက် များပြီး အနီရောင်၊ အစိမ်းရောင် နှစ်မျိုးရှိသည်။

မျိုးရွေးချယ်ခြင်း

ရွက်နီ၊ ရွက်စိမ်း ဒေသမျိုး များကိုသာ အစိုက်များသည်။ အထုပ်မျိုး များတွင် နိုင်ငံခြား မျိုးများကို စိုက်ပျိုး ကြသည်။ တစ်ဧက မျိုးစေ့ ၁၀၀ ဂရမ်လိုအပ်ပါသည်။ မစိုက်ခင် မျိုးပေါက်မပေါက်စစ်ဆေးပြီးမှ စိုက်ပျိုးသင့်သည်။

ပျိုးထောင်ခြင်း

ပျိုးဘောင် ပေါ်တွင် လေးလက်မခြား မြောင်းများဆွဲ၍ မျိုးစေ့ကို ကြွက်မြီး တန်းချပါ။ အပေါ်မှသဘာ၀ မြေဆွေး ခပ်ပါးပါးအစေ့မြုပ်ရုံ အုပ်ပေးပါ။ ကောက်ရိုးကို ဘောင်ပေါ်မှ ပါးပါးအုပ်၍မိုးရွာပါက အမိုးအကာ ပြုလုပ်ထားပေးရမည်။ ဆလပ်စေ့များကို မပျိုးမီ နေပူပြပြီးမှစိုက်ပါ။ သို့မှသာ အပင်ပေါက်ကောင်းမွန်သည်။ ဆလပ်ကို တိုက်ရိုက်အစေ့ချ၍လည်းကောင်း၊ ပျိုးထောင်၍လည်းကောင်း စိုက်ပျိုးကြသည်။ ပျိုးထောင်ရာ၊ စိုက်ပျိုးရာတွင် မြေညက်သည်ထိ ထယ်ထိုးထွန်မွှေပေးရမည်။ ပေါင်းမြက်၊ အမှိုက်များကို ကောက်ယူဖယ်ရှား ပေးရပါမည်။ ထို့နောက် သဘာဝမြေဆွေးနှင့် စိုက်ပျိုးမြေဆတူရောစပ်၍ သုံးပေ အကျယ်၊ ခြောက်လက်မ အမြင့် ပျိုးဘောင်ဖော်ပါ။ ပျိုးဘောင်ပေါ်သို့ တီစူပါဓာတ်မြေသြဇာထည့်ပေးရပါမည်။

မြေပြုပြင်ခြင်း

ဆလပ်စိုက်ပျိုးသည့် မြေသည် မြေဆီထက်သန်ရပါမည်။ စိုက်ဘောင်ကို သုံးပေအကျယ်၊ ခြောက်လက်မ အမြင့်ဖော်၍တစ်ဘောင်နှင့်တစ်ဘောင်ကြား တစ်ပေ၊ တစ်ပေခွဲခန့်ရှိသင့်သည်။ စိုက်ဘောင်ကို မြေညက်အောင်ဆွ၍ မျက်နှာပြင်ညှိထားပေးရပါမည်။

စိုက်ပျိုးခြင်း

အပင် နှစ်ပတ်သားတွင် (၂၁း၂၁း၂၁)ကဲ့သို့ အချိုးညီ ရွက်ဖျန်းမြေသြဇာဖျန်းပြီး အထုပ်မျိုးများကို သုံးပတ်သားတွင်ရွှေ့ပြောင်း စိုက်ရပါမည်။ ရွှေ့ပြောင်းစိုက်စဉ်၊ နေပူမမိစေရန်နှင့် မိုးမမိစေရန် အရိပ်ပါမိုးထား ပေးပါ။ ရေကိုဝအောင်လောင်းပေးရပါမည်။

အပင်အကွာအဝေးမှာ အထုပ်မျိုး ပင်ကြား၊ တန်းကြား = ၈x၈ လက်မ

(၁ ဧက ၄၈,၀၀၀ ပင်)

ရွက်စားမျိုး ။ = ၄x၄ လက်မ

တစ်လသားတွင်တန်းကြားတစ်တန်းနုတ်၍ ။ = ၈x၄ လက်မ

(၁ ဧက ၉၈,၀၀၀ ပင်)

ရွှေ့စိုက်ပြီး နှစ်ပတ်သားမှစ၍ နိုက်ထရိုဂျင် သုည ဒသမ ၅ ရာခိုင်နှုန်း(ရေ တစ်လီတာတွင် ယူရီးယား လက်ဖက်စားဇွန်းတစ်ဇွန်း) မြေသြဇာရည် အပတ်စဉ်ဖျော်လောင်းပါ။ မြေသြဇာလောင်းပြီးပြီးချင်း၊ ရေနောက်မှ လိုက်လောင်းပေးပါ။

မြေသြဇာကြွေးခြင်း

တစ်ဧက အတွက် သဘာဝမြေသြဇာ (၅-၁၀)စီး၊ ယူရီးယား နှစ်အိတ်၊ တီစူပါတစ်အိတ်၊ ပိုတက်ရှ် တစ် အိတ် ထည့်ရန်လိုအပ်ပါသည်။

အပင်ပြုစုခြင်း

ပေါင်းကို မြေပြင် စဉ်ကပင် ကောက်ထုတ်သင့်ပါသည်။ ရွှေ့စိုက်ပြီး အပင်ငယ်စဉ်တွင် ပေါင်းနုတ်ပါက အမြစ်လှန်ပျက်စီးတတ်သည်။ အကြိမ်ကြိမ်ထယ်ထိုး ထွန်မွှေခြင်းဖြင့် မြေပြင်ချိန် တစ်လခန့်ယူ၍ စိုက်ပျိုးခြင်းသည် အကောင်းဆုံးဖြစ်သည်။ ရေအဆက်မပြတ်လိုသော သီးနှံဖြစ်သည်။ နေ့စဉ်ရေလောင်းပေးရန် လိုအပ်သည်။ လောင်းရေဖြင့် မလုံလောက်ပါက ဘောင်များကြားမှ ရေသွင်းခြင်းတစ်ပြိုင်နက်ပြုလုပ်ပါ။

ရွက်စားကျိုင်းငယ်များ၊ ခူကောင်များဖျက်ဆီးမှုများသည်။ သက်တမ်းတိုရွက်စားသီးနှံဖြစ်၍ တမာပိုးသတ် ဆေးကို အဓိကထား၍သုံးသင့်ပါသည်။ မျိုးစေ့ကို ဟိုမိုင်းကဲ့သို့ မျိုးစေ့လူးနယ်ဆေးဖြင့် စီရင်စိုက်ခြင်းဖြင့် ရွက်ခြောက်ရောဂါကို ကာကွယ်ပါ။ အကွက်လိုက်သေပါက ပင်လုံးပြန့်မှိုသတ်ဆေးဖြင့် နှိမ်နင်းကာကွယ်ပါ။

ခူးဆွတ်ခြင်း

ရွက်စားဆလပ်ကို တစ်လသားတွင် စတင်နုတ်ယူရောင်းချနိုင်သည်။ ဆလပ်ထုပ်ကို လက်နှင့် နှိပ်ကြည့်၍ ဈေးကွက်ဝင်သော အရွယ်တွင် စတင်နုတ်ယူနိုင်သည်။ အထုပ်ကို မျိုးအလိုက်(၆၀-၇၀)ရက်တွင် နုတ်ယူ နိုင်သည်။ ထိုထက်အသက်ငယ်သော မျိုးများရှိသည်။

မျိုးစေ့ထုတ်ယူခြင်း

မျိုးစေ့ထုတ်စိုက်ခင်း၏ဘောင်ကို သီးခြားထားရပါမည်။ ပိုးမွှားရောဂါများကို ကာကွယ်ထားပါ။ တစ်ပင် နှင့်တစ်ပင် တစ်ပေ ခြားထား၍ ပိုတက်ရှ်မြေသြဇာကို စိုက်ခင်းထက် နှစ်အိတ်ခန့် ပိုထည့်ပေးပါ။ ပန်းစပွင့်ချိန် တွင် အစိုဓာတ်မပြတ်အောင်ဂရုစိုက်ပြီး အစေ့တည်ချိန် ရေလိုပါက ရေသွင်းရမည်။ ပန်းဖြိုင်ဖြိုင်ပွင့်ပြီး ၄၅ ရက်ခန့်တွင် အစေ့များ အညိုရောင်ပြောင်းလျှင် အစေ့များရင့်မှည့်ပြီဖြစ်သဖြင့် အပင်လိုက်ခုတ်၍ နေလှန်းပါ။

ခြောက်သောအခါ ဖျာပေါ်တွင် အဝတ်သန့်သန့်ခင်း၍ အသီးတောင့်များတင်ပြီး လက်၊ခြေနှင့် ဖြေးဖြေးနင်း ပါ။ အဖျင်းအမှော်နှင့် အစေ့သီးခြားဖယ်ထုတ်ပြီး အေး၍ ခြောက်သွေ့သောနေရာတွင် လေလုံအောင်ပိတ်၍ သိုလှောင်ထားရပါမည်။

- ကျမ်းကိုး- ဟင်းသီးဟင်းရွက်စိုက်ပျိုးခြင်း လမ်းညွှန် (စားနပ်ရိက္ခာဖူလုံမှုပူးပေါင်းဆောင်ရွက်ရေးအဖွဲ့)

နံနံပင် စိုက်ပျိုးနည်း

နိဒါန်း

မြန်မာ ပြည်တွင် အထင် ရှားဆုံး ဟင်းခတ် အမွှေး အကြိုင်မှာ နံနံပင် ဖြစ်ပြီး အစေ့ ကိုလည်း ဟင်းခပ် မဆလာ တွင်သုံး နိုင်သည်။

မြန်မာဟင်း များတွင် သာမက မုန့်ဟင်းခါး၊ အုန်းနို့ ခေါက်ဆွဲ၊ အသုတ်စုံ တို့တွင် လည်း တွဲဖက် အသုံး ပြုသည်။ နံနံ ပင်ကို တို့စရာ

အဖြစ်လည်း စားသုံး ကြသည်။ နံနံ ပင်သည် ဆောင်းရာသီ တွင် အထူး ဖြစ်ထွန်း ပြီး ကျန်ရာသီ များတွင် ရှားပါးကာ ဈေးကြီးပေး

ရသည်။

မြေပြုပြင်ခြင်း

ရေမ ဝပ်သော နုံးမြေသည် နံနံပင် စိုက်ပျိုးရန် အသင့် တော်ဆုံး ဖြစ်သည်။ ရွှံ့စေး ဆန်သော မြေနှင့် သဲမြေ များ၌ နွားချေး၊ မြေဆွေး၊

ဖွဲပြာ တို့ကို ထည့်၍ သင့်တော်သည့် မြေအနေ အထား ရအောင် ပြုပြင်၍ စိုက်နိုင်သည်။

စိုက်ပျိုးခြင်း

နံနံ ပင်ကို ဘောင်များ ပြုလုပ် စိုက်ပျိုးပါက အထူး ကောင်းမွန်သည်။ ဘောင်များကို (၄-၅)လက်မ အမြင့် ပြုလုပ်ပြီး (၂-၃)ပေ

အကျယ်ဖြင့် အရှည်ကို အလို ရှိသလောက် ထားကာ ပြင်နိုင်သည်။ နံနံစေ့ မစိုက်ခင် မြန်မြန် အပင် ပေါက်ရန် ရေတွင် (၂၄)နာရီ

ကြာ စိမ်ရသည်။ အစေ့ကို ရေမစိမ်မီ ဂုံနီ အိတ်ပေါ်တွင်တင်၍ ပုလင်းဖြင့် နှစ်ခြမ်းကွဲသွားစေရန် အသာအယာလှိမ့်ပါ။ ထို့နောက်

ရေတွင် ၂၄ နာရီကြာ စိမ်ရာ၌ ရေနှစ်ကြိမ် လဲပေးပါ။ ပြီးလျှင်ဆယ်ယူ၍ စစ်ထားပါ။

ထို့နောက် ဘောင်ပေါ်တွင် သုည ဒသမ ၅ လက်မ အနက်မြောင်းများကို လေးလက်မခြားဆွဲပြီး မျိုးစေ့ များကိုချပါ။ နွားချေးအမှုန့်၊ သို့မဟုတ် မြေဆွေးမှုန့်ဖြင့် ပါးပါးဖုံးပြီး ကောက်ရိုးမြက်ခြောက်တို့ဖြင့် အုပ်ပါ။ ထိုသို့ပြုလုပ်ပေးခြင်းဖြင့် မြေတွင် အစို ဓာတ်ထိန်း

ပေးခြင်း၊ ပေါင်းပင်ပေါက်ရောက်မှု သက်သာခြင်းတို့သာမက အပင်ငယ်များကိုလည်း သန့်ရှင်း စေသည်။ ကောက်ရိုး၊ မြက်ခြောက်

ဆွေးသောအခါ မြေဆွေး ဓာတ်ကိုလည်း ရရှိစေ နိုင်သည်။ စိုက်ပျိုးပြီး ပါက ရေကို တစ်နေ့နှစ်ကြိမ်လောင်း ရမည်။

အပင်ငယ်များ ပေါက်လာ ပြီးနောက် ရေကို လျော့လောင်းပေးနိုင် ပါသည်။ အပင်များပေါက်ချိန်တွင် ရေများပါက ခါးရိရောဂါကျ

ရောက်နိုင်သည်။

မြေသြဇာထည့်သွင်းခြင်း

နံနံ ပင်သည် ရွက်စား သီးနှံ ဖြစ်ခြင်းကြောင့် နွားချေး မြေဆွေးနှင့် ယူရီးယား ဓာတ်မြေသြဇာများ အဓိက ကျွေးရန် လိုအပ်သည်။ သို့သော် မြေတွင် အခြား ဓာတ်မြေသြဇာများ ချို့တဲ့နိုင် သဖြင့် ဖော့စဖိတ်နှင့် ပိုတက်ရှ် မြေသြဇာ အနည်းငယ် တို့ကို မြေပြုပြင်ချိန်

၌ မြေခံအဖြစ် ထည့်ပေး ရမည်။ အပင်ငယ် များပေါက် လာပြီး နှစ်ပတ်ခန့်ကြာလျှင် ယူရီးယား မြေသြဇာ ထမင်းစားဇွန်း နှစ်ဇွန်း

စာကို ရေလေးဂါလံတွင် ဖျော်၍ လောင်းပေးခြင်းဖြင့် သန်မာသော အပင်များကိုရရှိနိုင်သည်။ အစေ့များကို ကျဲကျဲစိုက်လျှင် ကိုင်း

ဖြာသော နံနံပင်များကို ရရှိနိုင် သည်။

ခူးယူခြင်း

အပင်များ ပေါက်ပြီး ၄၅ ရက်သားမှ စတင်၍ နုတ်ယူ စားသုံးခြင်း၊ ရောင်းချခြင်း ပြုလုပ်နိုင်သည်။ မျိုးစေ့ ထုတ်ယူခြင်း နံနံပင်ကို မျိုးစေ့ထုတ်ယူမည်ဆိုပါက ဆောင်းရာသီ၊ နိုဝင်ဘာလတွင် အပင်များကို ဘောင်ဖြင့် သီးသန့်ရွှေ့ပြောင်းစိုက်ထားရမည်။ ပင်ကြား၊

တန်းကြား (၆x၈)လက်မခန့်ခွာ၍ စိုက်ထားလျှင် ပန်းများပွင့် လာပြီး အသီးများသီးလာသည်။ အသီးများရင့်မှည့်လျှင် အပင်များကို

ရိတ်သိမ်းပြီး အစေ့များကို ချွေလှေ့ယူ နိုင်သည်။

- ကျမ်းကိုး- ဟင်းသီးဟင်းရွက်စိုက်ပျိုးခြင်း လမ်းညွှန် (စားနပ်ရိက္ခာဖူလုံမှုပူးပေါင်းဆောင်ရွက်ရေးအဖွဲ့)

ကန်စွန်းရွက်စိုက်ပျိုးနည်း

မြန်မာ လူမျိုးများ ကြိုက်နှစ် သက်သော ဟင်းသီး ဟင်းရွက် ဖြစ်သည်။ ရှေးနှစ် ပေါင်းများစွာ ကပင် မြန်မာ ပြည်တွင် စိုက်ပျိုးလာကြသည်။ အောက်မြန်မာပြည် ဒေသအနှံ့အပြားတွင် စိုက်ပျိုးသည်။

မြန်မာ လူမျိုးများ ကြိုက်နှစ် သက်သော ဟင်းသီး ဟင်းရွက် ဖြစ်သည်။ ရှေးနှစ် ပေါင်းများစွာ ကပင် မြန်မာ ပြည်တွင် စိုက်ပျိုးလာကြသည်။ အောက်မြန်မာပြည် ဒေသအနှံ့အပြားတွင် စိုက်ပျိုးသည်။

မြေပြုပြင်နည်းထယ်(၂)စပ် ထိုးပြီး၊ ထွန်(၆-၈)စပ်မွေပါ။ ရေသို လှောင်ထိန်းသိမ်း နိုင်သော မြေဖြစ်လျှင် ကန်ဇွန်းစိုက်ရန် သင့်တော် ပါသည်။ တောင်ပေါ်ဒေသ၌ ဆောင်းတွင်း စိုက်ရန် မဖြစ်နိုင်ပါ။ ထွန်ရေးညက်လျှင် ကန်သင်းဖော်၍ အကွက်ဖော်ပါ။ ထို့နောက် ရေသွင်းပြီး ဆက်၍ ထွန်မွှေပါ။ အခင်းသစ်တွင်မြေပြင်ချိန်၌ နွားချေး(၁၀-၁၅)စီး ထည့်သွင်းပြီး မြေကြီးကို မစိုက်ခင် နှပ်ထားသင့်ပါသည်။

ရေကန်စွန်းစိုက်ပျိုးခြင်းကန်စွန်း ကို အညွှန့်ဖြတ် ကာစိုက်က ပို၍ ရှင်သန်သည်။ အဆစ် အနည်းဆုံး လေးဆစ်ပါသော ကိုင်းများ ကို(၈-၁၀)လက်မ အရှည်ခန့်ဖြတ် ယူ၍ စိုက်ကျင်းတစ်ကျင်းလျှင်(၂-၃)ပင် စိုက်ပါ။ စိုက်ရာတွင် စပါးစိုက် သကဲ့သို့ လက်ဖြင့် အောက်ခြေပိုင်းကို မြေထဲသို့အဆစ် နှစ်ဆစ်ထိ ဝင်အောင် ထိုးစိုက်ပါ။ တန်းကြား၊ ပင်ကြား (၁၂ x ၁၀)လက်မ ထား၍စိုက်ပါ။ မိုးတွင်း၌စိုက်ပါက အပင်ခြေတွင် တုတ်စိုက်ပြီး ချည်ထားပေး ရန်လိုသည်။

မျိုးစေ့နှုန်းတစ်ဧကလျှင် ကန်စွန်းပင်ဖြတ်ပိုင်း(၁၀,၀၀၀-၁၅,၀၀၀)ထိ လိုအပ်သည်။

အပင်ပြုစုခြင်းအပင်ချ စိုက်ပြီးလျှင် ပြီးချင်း သုံးလက်မ အနက်ရအောင် ရေသွင်းပေးပါ။ အခင်းထဲတွင် ရေ(၃-၆)လက်မ ရှိနေစေရန် ထိန်းသိမ်းပါ။ နွေရာသီ ပူပြင်းပါက တစ်ပတ်တစ်ကြိမ်ရေလဲပေးသင့်သည်။ သို့မှသာ စိုက်ခင်းရှိ ရေများ ပူလာခြင်းကြောင့် အပင်ကိုထိခိုက်ခြင်းမှ ကာကွယ်နိုင်မည်။ စိုက်ပြီးတစ်လအတွင်း ပေါင်းမြက်ပေါက်ပါက ရှင်းပေးပါ။ ထို့နောက် ရွက်ဖြန်းဆေး ပက်ဖျန်းပေးပါ။

ခူးယူခြင်းရိတ်ခါနီးတွင် ရေကိုအခင်းအတွင်း ငါးလက်မသို့ လျှော့ချပြီး ကန်စွန်းညွှန့်များကို ရိတ်သိမ်းရမည်။ ကျန်နေသော ကန်စွန်းငုတ်များသည် ရေပေါ်တွင်(၂-၃)လက်မ ပေါ်နေရမည်။ ကန်စွန်းပင်များကို စိုက်ပြီး (၆၀-၁၂၀)ရက်ကြာလျှင် ရိတ်သိမ်းနိုင်သည်။ တစ်ဧကလျှင် ကန်စွန်းဿာချိန်(၅၀၀-၁၀၀၀)အထိ ထွက်နိုင် သည်။ ရိတ်သိမ်းပြီး (၁-၂)ရက်အတွင်း ရောင်းရပါမည်။

ထိုင်ဝမ်ကန်စွန်း ကုန်းကန်စွန်းစိုက်ပျိုးခြင်းမြေကို ထွန်ယက်ပြီး သုံးပေအကျယ်၊ အရှည်သင့်တင့်စွာထား၍ လေးလက်မအမြင့်ဘောင်များ ပြုလုပ်ပါ။ ဘောင်ပေါ်တွင် အစေ့များကိုပင်ကြား၊ တန်းကြား(၄ x ၆)လက်မထား၍ တစ်ကျင်းလျှင် မျိုးစေ့(၂-၃)စေ့ခန့် ကို လက်မဝက်အနက် မြုပ်၍ စိုက်ပါ။ ကျင်းများကို မြေဖြင့်ဖုံး၍ကောက်ရိုး၊ သို့မဟုတ် စပါးခွံ နှစ်လက်မခန့် ထူထူဖုံးပေးပါ။ နှစ်ရက်သုံးရက်အတွင်း အပင်များပေါက်လာပြီး (၃-၄)ပတ်သားတွင် အပင်ရင်းမှဖြတ်၍ စားသုံး၊ ရောင်းချနိုင်သည်။ အပင်များဖြတ်ပြီး နွားချေးမြေဆွေးစသည်တို့ ထည့်ပေးလျှင် နောက်ထပ်(၇-၁၀) ရက်အတွင်း ထပ်မံခူးယူနိုင်သည်။ ကန်စွန်းရွက်ကို (၃-၄)ကြိမ်မျှဆွတ်ခူးပြီးလျှင် နောက်ထပ်အသစ်ပြန်စိုက်နိုင်သည်။ အရွယ်အစား(၃ x ၂၀)ပေ ဘောင်တစ်ဘောင်အတွက် မျိုးစေ့နို့ဆီတစ်ဘူး လိုအပ်သည်။

ကျမ်းကိုး- ဟင်းသီးဟင်းရွက်စိုက်ပျိုးခြင်း လမ်းညွှန် (စားနပ်ရိက္ခာဖူလုံမှုပူးပေါင်းဆောင်ရွက်ရေးအဖွဲ့)

ကိုက်လန်စိုက်ပျိုးနည်း

ကိုက်လန်ပင်မှာ အာဟာရ ဓာတ်ပေါင်းစုံပါဝင်ပြီး အဲဒီထဲကမှ ဗိုက်တာမင်ကေဟာ ကင်ဆာရောဂါအမျိုးမျိုးကိုလည်း ကာကွယ် ပေးနိုင်ပါတယ်။ စျေးကွက်ထဲမှာတော့ ကိုက်လန်ကို အရွက်စားကိုက်လန်၊အဖူးစားကိုက်လန် စသဖြင့် ရောင်းချကြပါတယ်။

ကိုက်လန်ပင်ဟာ အအေးကြိုက်တဲ့ သီးနှံပင်တစ်မျိုးဖြစ်ပြီး အပင်အမြင့် တစ်ပေကနေ တစ်ပေခွဲ လောက်အထိရှိပြီး အကိုင်းအခက်တွေဟာ (၃)ပေလောက်အထိ ပြန့်ကားပါတယ်။ အပင်သက်တမ်း ကတော့ (၂)နှစ်လောက်အထိခံပေမယ့် နှစ်ချင်းစားသုံးလို့ရပါတယ်။

ကိုက်လန်ကိုတော့ အရွက်တွန့် လိမ်နေတဲ့ ပုံစံတွေအပြင် ချောမောညီညာတဲ့ အရွက်ပုံစံကိုတွေ့ရမှာဖြစ်သလို. ခရမ်းရောင်ရှိတဲ့ အရွက်မျိုးကိုလည်း တွေ့နိုင်ပါတယ်။ ကိုက်လန်ပင်ရဲ့အနံ့အရောင်တွေဟာ ရာသီဥတု အေးမြလေ ကောင်းလေဖြစ်ပါတယ်။

ကိုက်လန်ပင်ကို တစ်နှစ်ပတ်လုံးစိုက်ပျိုးနိုင်ပြီး ဆောင်းရာသီနှောင်းပိုင်းနဲ့ မိုးရာသီနှောင်းပိုင်းတွေမှာ စိုက်ပျိုးကြတာများပါတယ်။ ပြင်ဦးလွင်ဒေသမှာစိုက်ပျိုးတဲ့ ကိုက်လန် တွေထဲမှာ မိုးမျိုးဟာအရွက်ရှည်ပြီး ဆောင်းမျိုးဟာ အရွက်ဝိုင်းပါတယ်။

ဆောင်းမျိုးက အပင်နိမ့် လို့ရပြီး မိုးမျိုးဟာ အပင်မြင့်မှရတာဖြစ်ပါတယ်။ အပင်နိမ့်ရင် အရွက်တွေဟာရေနဲ့ထိပြီး ပုပ်သွား တတ်ပါတယ်။ မိုးမှာစိုက်တဲ့ ကိုက်လန်ဟာ ဆောင်းတွင်း မှာစိုက်တဲ့ ကိုက်လန်ပင်ထက် စျေးပိုရလေ့ ရှိပါတယ်။ မိုးတွင်းဖြစ်တဲ့အတွက် နေရာတိုင်းမှာ စိုက်ပျိုးလို့ မရတဲ့အချက်ဟာ စျေးပိုရစေတာ ဖြစ်ပါတယ်။ ကိုက်လန်စပြီးစိုက်ပျိုးတော့မယ်ဆိုရင် ပျိုးခင်းလုပ်ဖို့အတွက် ဦးဆုံးပြင်ရမှာဖြစ်ပါတယ်။ ပျိုးခင်းကို (၁-၂)လက်မလောက်မြေဆွေးဖုံးပြီး မျိုးစေ့တွေကို လက်မဝက်အနက်နဲ့ တစ်စေ့နဲ့တစ်စေ့ကို တစ်လက်မခြားစိုက်ပျိုးရပါတယ်။

ပျိုးပင်ပေါက်တွေကို တစ်ပင်နဲ့တစ်ပင် (၆)လက်မခြားပြီး၊ စိုက်တန်း တစ်ခုနဲ့တစ်ခုကြား (၂-၃)ပေခွာထားရပါတယ်။ ပျိုးပင်တွေအမြစ်စွဲတဲ့အခါ (၁၅-၂၀)ရက်အကြာ အတန်းတွင်းမှာ တစ်ပင်နဲ့တစ်ပင် (၆)လက်မမခြားပဲ တစ်ပေကွာအောင် မလိုအပ်တဲ့အပင်တွေကို နုတ်ပစ်ရ မှာဖြစ်ပါတယ်။

အပင်တွေ (၄)လက်မအမြင့်ရှိလာတဲ့အခါ နိုက်ထရိုဂျင်များတဲ့ ဓာတ်မြေသြ ဇာအရည်ပက်ဖျန်း ပေးရပါတယ်။ မြေကြီးကို ကောက်ရိုး၊သစ်ဆွေး စတာတွေနဲ့ ဖုံးအုပ်ပေးခြင်းအားဖြင့် မြေအစိုဓာတ်ကို ထိန်းသိမ်းပေးတဲ့အပြင် ပေါင်းမြက်တွေကိုလည်း သက်သာစေပါတယ်။ ဒါ့အပြင် မြေကြီးကိုလည်း အေးမြစေပါတယ်။

အရွက်နုတွေကို စိုက်ပြီး (၁)လလောက်ကြာတဲ့အခါ စတင်ခူးဆွတ်လို့ရနိုင်ပြီဖြစ်ပါတယ်။ အရွက်ရင့်ကို စားချင်ရင်တော့ (၁)လခွဲ (၂)လလောက်ထိ ထားပေးရမှာဖြစ်ပါတယ်။ ရာသီဥတုအေးပြီးတော့ အရွက်ရင့် လာလေလေ အချိုဓာတ်များလာလေလေဖြစ်ပါတယ်။ ကိုက်လန်ပင်ဟာ တစ်ပင်စိုက်ထား မယ်ဆိုရင် (၄-၅)ခါလောက် အရွက်ကို ခူးယူနိုင်ပါတယ်။ ရေရှည်ထားချင်ရင်တော့ အပင်ရဲ့အရွက်ရင့် တွေကိုပဲခူးယူပြီး အလယ်မှာရှိတဲ့အရွက်နုတွေကို ချန်ထားရပါတယ်။ ဒါကြောင့် ကိုက်လန်ပင်ဟာ ရာသီပေါ် သီးနှံပင်ဆို ပေမယ့်လည်း စိုက်ပျိုးတောင်သူတွေအတွက် တွက်ချေကိုက်တဲ့ သီးနှံတစ်မျိုးလည်းဖြစ်ပါတယ်။

ကိုက်လန်ပင်ကို အကြမ်းအားဖြင့် စစိုက်တဲ့အချိန်ကနေ (၂)လခွဲလောက်ဆိုရင် ရောင်းတန်းဝင်တဲ့ အရွက်တွေရနိုင်မှာဖြစ်ပါတယ်။ အရွက်ခူးနိုင်တဲ့ ကာလကတော့ မိမိရဲ့ပြုစုမှုပေါ်မူတည်ပြီး (၃)လလောက်ထိ ရှိပါတယ်။ ဒါကြောင့် ကိုက်လန်သက်တမ်း ဟာ (၅)လခွဲလောက်အထိရှိနိုင်ပါတယ်။ ကိုက်လန်ပင်ကို မျိုးအဖြစ် ထားဖို့ ရည်ရွယ်မယ်ဆိုရင်တော့ ကိုယ်လိုချင်တဲ့ အပင်ကို မှတ်သားထားပါ။ အပင်ရင့်အောင်ထားပြီး ရလာတဲ့မျိုးစေ့ကို ရယူပြီးရင် နေ(၂)ရက်လောက်လှမ်းထားပေးပါ။ ပြီးရင်အအေးခံပြီး လေလုံအောင် ပုလင်းထဲမှာ ထည့်ထား ရပါတယ်။

Source - စိုက်ပျိုးရေးဦးစီးဌာန

ကြက်ဟင်းခါးသီးစိုက်ပျိုးနည်း

နိဒါန်း

ကြက်ဟင်းခါးအညွန့်ကို ပြုတ်တို့၍လည်းကောင်း၊ အသီးကိုအခွံခြစ်လှီး၍ ဆားနှင့်နယ်၊ အခါးရည် ညစ်ထုတ်ပြီး ပုစွန်၊ အသားမျိုးစုံနှင့်ကြော်၍ လည်းကောင်း၊ မျှစ်၊ ပဲပုစွန်တို့နှင့် ရောနှောချက်ပြု၍လည်း ကောင်း၊ အသီးကင်းများကိုပြုတ်၍ အတို့အမြုပ် အဖြစ်လည်း

ကောင်း စားသောက်ကြသည်။

မျိုးရွေးချယ်ခြင်း

ဒေသမျိုးများသည် အသီးပုံစံအားဖြင့် အရှည်မျိုး၊ အပုမျိုး၊ အလုံးမျိုးဟူ၍ အမျိုးမျိုးရှိသည်။ အရောင် အားဖြင့် အစိမ်းနု၊ အစိမ်းရင့်၊ အဖြူမျိုးဟူ၍ရှိပြီး များသောအားဖြင့် ခါးသောအရသာရှိသည်။ အလုံးသေးမျိုး သည် ဟင်းချက်ရာတွင် လေးသောအရသာရှိ၍ ကြိုက်နှစ်သက်

ကြသည်။ အရှည် ၁၀ လက်မခန့်ရှိသော အဖြူရောင်၊ အစိမ်းရင့်မျိုးများကို တဖြည်းဖြည်း စိုက်ပျိုးလာကြသည်။ မျိုးအားလုံးသည် စိုက်ပြီးရက် ၅၀-၆၀ တွင် စတင်ခူးဆွတ်နိုင်သည်။ တစ်ဧကလျှင် အပင် ၆,၀၀၀-၈,၀၀၀ ခန့် စိုက်နိုင်သည်။

စိုက်ချိန်အေး၍ ဆီးနှင်းကျတတ်သောတောင်ပေါ်ဒေသတွင် ဆောင်းရာသီ၌ ဖြစ်ထွန်းမှုနည်း၍ နွေနှင့် မိုးရာသီ တွင် စိုက်သင့်ပြီး ကျန်ဒေသများတွင် တစ်နှစ်ပတ်လုံးစိုက်နိုင်သည်။

စိုက်ပျိုးခြင်း

တိုက်ရိုက်အစေ့ချနည်းကိုသာ သုံးကြသည်။ ကြက်ဟင်းခါးစေ့သည် အပင်ပေါက်ရာခိုင်နှုန်း ကျတတ်၍ မျိုးညှောင့်ဖောက်ပြီးမှ အစေ့ချသည်။ စိုက်ဘောင်ပြုလုပ်မည့်မြေကို သဘာဝမြေသြဇာ၊ နွားချေး၊ သစ်ရွက် ဆွေး၊ ကြက်ချေးများရော၍ သမအောင် ရောမွှေပြီး စိုက်

ဘောင်ဖော်ပေးရမည်။ ကြက်ဟင်းခါးကိုစတင်၍ သို့ မဟုတ် တန်းထိုး၍ စိုက်ပျိုးကြသည်။ စတင်လျှင် စိုက်ဘောင်တစ်ဘောင်နှင့် တစ်ဘောင် ၅-၇ ပေခြား၍ တန်းထိုးပါက လေးပေခြားပေးရမည်။ ဘောင်အကျယ်မှာ နှစ်ပေရှိပြီး အမြင့်မှာ တစ်ပေခန့်ရှိရပါမည်။ တစ်ပင်နှင့် တစ်ပင် တစ်ပေခြား စိုက်ပြီးတန်းကြားကို တစ်ပေခြားချန်ပေးရပါမည်။

မြေသြဇာထည့်သွင်းခြင်း

ကြက်ဟင်းခါး တစ်ဧကလျှင် နွားချေးလှည်း ၁၀ စီးမှ ၂၀ စီး၊ ပုလဲ ၁-၂ အိတ်၊ တီစူပါ ၂-၄ အိတ်၊ ပိုတက်ရှ်မြေသြဇာ ၁-၂ အိတ်ထည့်ပေးရပါမည်။

အပင်ပြုစုခြင်း

တိုက်ရိုက်အစေ့ချစနစ်ဖြစ်၍ ပေါင်းမြက်ကိုနိုင်အောင် နှိမ်နင်းပေးရန် လိုအပ်ပါသည်။ အပင်မပေါက်ခင်ကပင် ရေကိုဂရုတစိုက်လောင်း ရန်လိုအပ်ပြီး အပင်ငယ်စဉ်တွင် လိုအပ်ပါက နေ့စဉ်ရေလောင်းပေးရမည်။ အညွန့် ငါးပေခန့်ရောက်ချိန်တွင် လိုအပ်ပါက ရေသွင်းပေးရမည်။ ကြက်ဟင်းခါးသည် အပင်ငယ်စဉ်တွင် ဗူး၊ ဖရုံကျိုင်းကျရောက်တတ်၍ ထိသေဆေးဖြင့် နှိမ်နင်းပါ။ အသီးကို သီးလုံးဖောက်ပိုးများကျရောက်တတ်၍ အလုံးကြီးမျိုးများကို စက္ကူအိတ်ဖြင့် စွတ်ပေးပါ။ ရွက်ခြောက်ရောဂါကျရောက်ပါက မှိုသတ်ဆေးများကို ကြို တင်ကာကွယ် သုံးစွဲရပါမည်။

ခူးဆွတ်ခြင်း၊ မျိုးစေ့ထုတ်ခြင်း

 ကြက်ဟင်းခါးသီးကိုစားသုံးရန်အတွက် မနု၊ မရင့်အနေတော်ခူးသင့်သည်။ ရင့်လွန်းပါက အထားမခံ ဘဲ ဝါသွားတတ်သည်။ မျိုးစေ့ထုတ်ရန်အတွက် အပင်ပေါ်တွင် လုံးဝရင့်မှည့်သည်အထိ ဝါအောင်ထားပြီးမှ ခူးဆွတ်ရမည်။ ခူးဆွတ်ပြီးသောအသီးကို အရိပ်ထဲတွင် နှစ်ပတ်ခန့်ထားပြီး အသီးကိုလက်နှင့်ဖဲ့၍ အနီရောင် အစေ့အိမ်ထဲမှ အလွယ်တကူထုတ်ယူနိုင်သည်။ အစေ့ကိုရေသန့်သန့်ဖြင့် ၁၅ မိနစ်ခန့်သာဆေးပြီး ဆေးကြော စဉ်အတွင်း လက်ဝါးအတွင်း၌ထည့်၍ ညှစ်ပေးခြင်းဖြင့် အကျိအချွဲများကို သန့်စင်ပါ။နေရောင်အောက်တွင် နာရီဝက်နေလှန်းပါ။ နေလှန်းစဉ် ပြင်းထန်စွာ ပွတ်တိုက်ခြင်းမပြုပဲ ၁၅ မိနစ် တစ်ကြိမ်မွှေပေးပါ။ ထို့နောက် အရိပ်ထဲတွင် နှစ်ရက်ခန့် လေသလပ်ခံပြီး ခြောက်သွေ့သည့်အခါ ပုလင်းထဲတွင် သေချာစွာထည့်၍ သိုလှောင်ပါ။ တစ်ဧကလျှင် အသီး၈၀,၀၀၀ ခန့် ထွက်ရှိနိုင်ပါသည်။

ကျမ်းကိုး- ဟင်းသီးဟင်းရွက်စိုက်ပျိုးခြင်း လမ်းညွှန် (စားနပ်ရိက္ခာဖူလုံမှုပူးပေါင်းဆောင်ရွက်ရေးအဖွဲ့)