ဧရာဝတီတိုင်းဒေကြီးအတွက် ၁၀ ရက်တာ မိုးလေဝသ ခန်းမှန်းချက်နှင့်အတူ စိုက်ပျိူးရေး၊ မွေးမြူရေး အကြံပြုချက်🌦🌦

ဟင်္သာတမြို့နယ်၊အင်္ဂပူမြို့နယ်၊ကြံခင်းမြို့နယ်၊လေးမျက်နှာမြို့နယ်၊ဇလွန်မြို့နယ်၊လပွတ္တာမြို့နယ်၊မော်ကျွန်းမြို့နယ်၊ဓနုဖြူမြို့နယ်၊မအူပင်မြို့နယ်၊ညောင်တုန်း ၊ ပန်းတနော် မြို့နယ်၊မြောင်းမြ မြို့နယ်၊ ဝါးခယ်မ၊ ဒေးဒရဲ၊ ကျိုက်လတ် ၊ ဖျာပုံမြို့နယ်၊ ကန်ကြီးတောင့်၊ ကျုံပျော်မြို့နယ်၊ ပုသိမ်မြို့နယ်၊ ငပုတောမြို့နယ်။

၂ဝ၂၄ ခုနှစ်၊ မတ်လ (၂ဝ)ရက်နေ့မှ (၂၉)ရက်နေ့အထိ (၁ဝ)ရက်တာ မိုးလေဝသခန့်မှန်းချက် အနေဖြင့် ဧရာဝတီတိုင်းဒေသကြီးအတွင်းမှာရှိတဲ့ အထက်ဖော်ပြပါ မြို့နယ်များတွင် (၂၁)ရက်နေ့နှင့် (၂၂)နေ့များတွင် မိုးရွာရန် ပျှမ်းမျှ ၅၈ ရာခိုင်နှုန်းခန့်ရှိသဖြင့် တိမ်ထူနေနိုင်ပါတယ်။ ကျန်နေ့များတွင် မိုးရွာရန် ရာခိုင်နှုန်းအလွန်နည်းပါတယ် ခင်ဗျာ။

စိုက်ပျိုးရေးအကြံပြုချက်

ဖြုတ်ညိုပိုး ကာကွယ်နှိမ်နင်းနည်း (၅) နည်း

ဖြုတ်ညိုပိုး၏ လက္ခဏာများ

- ပျိုးခင်း(သို့မဟုတ်) ရွှေ့ပြောင်းစိုက်ပြီးသည့် စပါးပင်၏ ပင်စည်နှင့် ရေမျက်နှာပြင်ပေါ်တွင် ဖြုတ်ညိုပိုး ကျရောက်မှုရှိမရှိ နေ့စဉ်စစ်ဆေးပါ

- ပင်ပွားထွက်ချိန်တွင် စပါးပင်စည် လှုပ်ရမ်းပေးတဲ့အခါ ရေမျက်နှာပြင်ပေါ်ကို ဖြုတ်ညိုပိုး ကျရောက်မှုရှိမရှိ စစ်ဆေးပါ။

ဖျက်ဆီးမှုလက္ခဏာ

- ပိုးကျထားသော စပါးရွက်များသည် အရွက်၏ ထိပ်မှ အလယ်တစ်လျှောက် အဝါရောင်သို့ ပြောင်းသွားကာ တဖြေးဖြေး ခြောက်သွားပါသည်။

- ဤသည်မှာ ဖြုတ်ညိုပိုးကြောင့် ဖြစ်ပွားသော ဖြုတ်လောင်နာများ ဖြစ်ပါသည်။

- ဖြုတ်လောင်နာများသည် အကွက်လိုက် စတင်ဖြစ်ပေါ်သော်လည်း ပျံ့ပွားမှု မြန်ဆန်ပြီး သေဆုံးသွားသော အပင်မှ ဘေးချင်းကပ်အပင်သို့ ကူးရာတွင်လည်း အလွန်မြန်ဆန်လှပါသည်။

- ပိုး၏ စစ်ထုတ်ရည်များကြောင့် ကြပ်ခိုးမှိုများကို ပိုးကျထားသော နေရာ၏ အောက်ခြေနားတွင် တွေ့ရတတ်ပါသည်။

ဖြုတ်ညိုပိုးအား ကာကွယ်နှိမ်နှင်းခြင်း

- ပိုးကျရောက်မှု ကနဦးအစတွင် စပါးခင်းအား ရေတစ်ရက်ခန့် လွှမ်းပေးခြင်းဖြင့် ဖြုတ်ညိုများအား လျှော့နည်းသွားစေပါသည်။

- ပိုးကျမှု ဆိုးဝါးလာသည့် အချိန်တွင် စပါးခင်းအတွင်း ရေ ၃-၄ရက်ခန့် ထုတ်ပေးရပါမည်။

- ဖြုတ်ညိုပိုး၏ သဘာဝရန်သူများဖြစ်သော ပင့်ကူ၊ ရေနေကျိုင်း၊ လိပ်ခုံးကျိုင်း စသည်တို့သည် ဖြုတ်ညိုပိုးများကို သတ်ဖြတ် စားသောက်လေ့ ရှိကြပါသည်။

- တစ်ဧကလျှင် မီးထောင်ခြောက် (၂) ခုကို ဖြုတ်ညို ကျရောက်သည့် စပါးခင်းတွင် ညဘက်၌ အသုံးပြုပါ (ဥပမာ- လျှပ်စစ်မီးသီး သို့မဟုတ် ကီရိုဆင်း မီးအိမ်များကို ရေဇလားပေါ်တွင် တပ်ဆင် အသုံးပြုပေးပါ)

- စပါးပင်များအား ဖြုတ်ညိုပိုးရန်မှ ကာကွယ်ရန် ဖော်ပြပါ ပိုးသတ်ဆေးများအား အသုံးပြုနိုင်ပါသည်။

၁။ ရေ ၄ ဂါလံဝင် ဆေးဖြန်းပုံးတစ်ပုံးလျှင် ပိုင်မီသရိုဇိုင်း ၄၅% + နီတန်ဖီရမ် ၁၅% ဒဗလျူဒီဂျီ စားပွဲတင်ဇွန်း (၁)ဇွန်း

၂။ တစ်ဧကလျှင် ဒိုင်နိုတီဖျူရမ် ၂၀% စားပွဲတင်ဇွန်း ၄-၅ ဇွန်းအသုံးပြုနိုင်ပါတယ်။

၃။ ရေ ၄ ဂါလံဝင် ဆေးဖြန်းပုံးတစ်ပုံးလျှင် Fenobucarb 45% + Cypermethrin 5% စားပွဲတင်ဇွန်း ၄-၅ ဇွန်း အသုံးပြုနိုင်ပါတယ်။

သို့မဟုတ် ဈေးကွက်အတွင်း ဝယ်ယူရရှိနိုင်သာ မှိုသတ်ဆေးထုတ်များတွင် ပါရှိသည့် အညွှန်းအတိုင်း အသုံးပြုနိုင်ပါသည်။ (ဆေးညွှန်းကို သေချာဖတ်ပြီး လိုက်နာဆောင်ရွက်ပါ) (တိုင်းတာရန်အတွက် ချိန်တွယ်ခွက် သို့မဟုတ် ဆေးထိုးအပ်များကို အသုံးပြုနိုင်ပါသည်)။

ငါး/ပုဇွန် ကန်များအတွက် အကြံပြုချက်

ငါးကန်များအနေဖြင့် အောက်ပါအချက်တွေဆောင်ရွက်ဖို့ အကြံပြုတိုက်တွန်းလိုပါတယ် ခင်ဗျာ။

-ရာသီဥတု မိုးအုံ့ တိမ်ထူချိန်တွင် ကန်အတွင်းရှိ ရေမှော်ကဲ့သို့သော အပင်ငယ်လေးများ အစာ ချက်ရန် အလင်းရောင်အနည်းငယ်သာရရှိသဖြင့် ယင်းအခြေအနေတွင် ရေတွင်း အောက်ဆီဂျင် ပမာဏနည်းသဖြင့် သတိပြုရန်၊

-ရေအပူချိန် ရုတ်တရက်ပြောင်းလဲမှုကြောင့် ငါး/ပုဇွန်များ အပူရှပ်နိုင်သဖြင့် သတိပြုရန်၊

-တစ်နှစ်ပတ်လုံးမွေးမြူသည့် ငါးကန်များအတွက် အရံကန်များ ပြင်ဆင်ထားရန်၊

-ကန်ဖော်ပြီး ကန်များအနေဖြင့် ကန်သန့်ရှင်းရေးကို ဆောင်ရွက်ရန်၊

-မျိုးငါးကန်များအနေဖြင့် အစာကို လုံလောက်စွာကျွေးရန် အကြံပြုတိုက်တွန်းအပ်ပါတယ် ခင်ဗျာ။

Weather Source: CIAT

------------------

ငါးမွေးမြူရေးနှင့်ပတ်သတ်သောဆောင်းပါးများ၊ မွေးမြူရေးနည်းလမ်းများ၊ ငါးမွေးမြူရာတွင်သိထားသင့်သော အချက်များကို ပိုမိုလေ့လာလိုပါက

ထွက်တိုးစိုက်မွေးဖုန်းဆော့ဝဲ -https://htwettoe.com/download

ထွက်တိုး၏စီးပွားဖြစ်ငါးမွေးမြူရေးအဖွဲ့ - https://www.facebook.com/groups/4200052776702483

တွင် လေ့လာနိုင်ပြီး ဝင်ရောက်ဆွေးနွေး နိုင်ပါကြောင်းသတင်းကောင်းပါးအပ်ပါသည် ခင်ဗျာ။