cover

ထွက်တိုး

coverပင်မစာမျက်နာ
coverအဖွဲ့များ
coverစူးစမ်းရန်
coverစာတို
coverကျွန်ုပ်

ကိရိယာများ


ကျွန်ုပ်၏ အဖွဲ့များ


အဖွဲ့များအားလုံး

user profile image
ဆွေးနွေးမယ်image
ပြန်သွားပါ

စိုက်ပျိုးရေးမှာအသုံးပြုနေတဲ့ဓာတ်မြေဩဇာ၊သဘာဝမြေဩဇာ၊ဇီဝမြေဩဇာတို့အကြောင်း

. အပင်အာဟာရ
ဓာတ်မြေဩဇာ၊သဘာဝမြေဩဇာ၊ဇီဝမြေဩဇာတို့အကြောင်း
  • #ဓာတ်မြေဩဇာ

    ယူရီးယား (Urea)

    တီစူပါ (TSP)

    ပိုတက်ရှ် (MOP)

    ကွန်ပေါင်းမြေသြဇာ အမျိုးမျိုး

    ရွက်ဖျန်းမြေဩဇာ အမျိုးမျိုး

    #သဘာဝမြေဩဇာ

    နွားချေး၊ကြက်ချေး

    လင်းနို့ချေး နှင့် အခြား တိရိစ္ဆာန် စွန့်ပစ်ပစ္စည်းများ

    ပဲဖတ်၊ နှမ်းဖတ်၊ သစ်ရွက်ဆွေး မြေဩဇာ၊

    ကြံမြုပ်ချေး

    #ဇီဝမြေဩဇာ

    အီးအမ် (EM)

    ပဲမြစ်ဖုမြေဩဇာ (rhizobium)

    ထရိုင်ကိုဒါးမား (Trichoderma spp;)

    ရေကျောက်ခတ် (Azolla)

    ဓာတ်မြေဩဇာ

    - အာဟာရပါဝင်မှု မြင့်မားသည်။

    - ဈေးနှုန်းမြင့်မားသည်။

    - အသုံးပြုမှု ကြာမြင့်လာပါက မြေဆီလွှာ နှင့် သဘာဝပတ်ဝန်းကျင် ထိခိုက်မှု မြင့်မားသည်။

    - ထို့ကြောင့် ဓာတ်မြေဩဇာအား အပင်ကြီးထွားမှု အဆင့်အပေါ် မူတည်၍ အမှန်တကယ် လိုအပ်သည့် အမျိုးအစား နှင့် ပမာဏ တို့အား တွက်ချက်၍ သဘာဝမြေဩဇာ၊ ဇီဝမြေဩဇာတို့နှင့် တွဲဖက် သုံးစွဲရန် လိုအပ်ပါသည်။

    - ထိုသို့ သုံးစွဲခြင်းအားဖြင့် ရေရှည်တည်တံ့သော စိုက်ပျိုးရေးစနစ် (Sustainable Agriculture System) ဖြစ်ပေါ်စေရန် အထောက်အပံ့ ဖြစ်စေပါသည်။

    သဘာဝမြေဩဇာ

    - အပင်အတွက် လိုအပ်သည့် အာဟာရအစုံ ပါဝင်သော်လည်း ဓာတ်မြေဩဇာထက် အာဟာရပါဝင်မှု ရာခိုင်နှုန်း နည်းပါးသည်။

    - မြေကြီး၏ အစိုဓာတ် ထိန်းသိမ်းနိုင်စွမ်း မြင့်မားခြင်း၊ ရေဝင်ရေထွက်၊ လေဝင်လေထွက် ကောင်းမွန်ခြင်းတို့ကြောင့် အမြစ် ထိုးဖောက်နိုင်စွမ်း ကောင်းမွန်ခြင်းကြောင့် အပင်ကြီးထွားမှု ကောင်းမွန်ပါသည်။

    - အဏုဇီဝ သက်ရှိများ ကောင်းစွာ ရှင်သန်မှုကြောင့် မြေဆီလွှာ အရည်အသွေး တိုးတက် ကောင်းမွန်မှုကြောင့် သဘာဝ ပတ်ဝန်းကျင် ပျက်စီးမှုကို ကာကွယ်နိုင်သည်။

    - လယ်ယာနှင့် တိရစ္ဆာန် စွန့်ပစ်ပစ္စည်းများ ဖြစ်သောကြောင့် ငွေကုန်ကြေးကျ သက်သာပြီး ဓာတ်မြေဩဇာ အသုံးပြုမှုအား အထိုက်အလျောက် လျှော့ချနိုင်ပါသည်။

    ဇီဝမြေဩဇာ

    - အပင်နှင့် မြေဆီလွှာအတွက် အကျိုးပြုသော အဏုဇီဝ သက်ရှိများ ဖြစ်သည့် ဘက်တီးရီယား၊ မှို နှင့် အခြား သက်ရှိများ ပါဝင်ပါသည်။

    - မြေကြီးနှင့် လေထုအတွင်းရှိ အပင် မစားသုံးနိုင်သော အာဟာရများအား အပင်စားသုံးနိုင် သည့် ပုံစံ ရရှိအောင် ပြောင်းလဲပေးနိုင်သည်။

    - ရောဂါပိုးများအား တိုက်ရိုက်ဖျက်ဆီးနိုင်စွမ်း၊ ဟန့်တားနိုင်စွမ်းရှိသည်။

    - မြေဆီလွှာတွင်းရှိ ပိုးသတ်ဆေးနှင့် အခြားဓာတုဓာတ်ကြွင်းများအား လျော့နည်းသွားအောင် ချေဖျက်နိုင်စွမ်း ရှိသည်။

    - ဇီဝမြေသြဇာမှာ သက်ရှိများဖြစ်သည်နှင့်အညီ အဆိုပါ သက်ရှိများဆက်လက် အသက်ရှင်နေထိုင်ရန်အတွက် လိုအပ်သော အစိုဓာတ်၊ သြဂဲနစ်ပစ္စည်း (Organic matter) များ ရရှိနိုင်ရန် သဘာဝမြေသြဇာဖြင့် တွဲဖက်အသုံးပြုပေးရသည်။

    Source: Fresh Studio Myanmar EAT/VEG

    ✦✦✦✦✦✦✦✦✦✦✦✦✦✦✦

    ထွက်တိုး Telegram Channel ဝင်ရန် နှိပ်ပါ - https://t.me/htwettoe

    စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -https://htwettoe.com/download ထွက်တိုးမေးဖြေကဏ္ဍတွင်ဝင်ရောက်မေးမြန်းနိုင်ပါကြောင်းသတင်းကောင်းပါလိုက်ပါတယ်။


  • article
  • article
  • article
  • article
likes16comments0
views359views1542