မြေဆောင်မှိုရောဂါကို ဘယ်လိုဖြေရှင်းနိုင်မလဲ။
၁။ စိုက်ခင်းသန့်ရှင်းရေး၊ စိုက်နည်းစနစ် ပြင်ဆင်ပါ။
ရောဂါကျပင်ကြွင်းပင်ကျန်၊ ပေါင်းမြက်များသေချာရှင်းပါ။
ကောင်းစွာဆွေးမြေ့နေသောမြေဆွေးကိုသာ အသုံးပြုပါ။
လယ်ယာသုံးကိရိယာများကိုသန့်ရှင်းပါ။
စိုက်ခင်းလေဝင်လေထွက်ကောင်းစေမည့်နည်းလမ်းများကိုဆောင်ရွက်ပါ။ ရေထုတ်ပါ။
ထယ်တစ်စက်ထိုး၍မြေကိုတိုက်ရိုက်နေရောင်ခြည်ရရှိစေရန်ဆောင်ရွက်ပါ။
ရောဂါကင်းစင်မှုထောက်ခံချက်ပါသော၊ သေချာသောမျိုးစေ့၊ မျိုးပိုင်းကိုစိုက်ပျိုးပါ။
၂။ စိုက်ခင်းရေသွင်းရေထုတ်စနစ်နှင့်မြေသြဇာအာဟာရထည့်သွင်းမှုကိုစနစ်တကျဆောင်ရွက်ပါ။
ကာလကြာရှည်ရေလွှမ်းထားခြင်းကို သတိပြုဆင်ခြင်ပါ။
ဓာတ်မြေသြဇာတစ်မျိုးမျိုး (အထူးသဖြင့် နိုက်ထရိုဂျင်) ကိုအလွန်အကျွံအသုံးပြုခြင်းဆင်ခြင်ပါ။ အနည်းလိုအာဟာရ (Ca, Mg , Zn) ကိုလိုအပ်ပါက စနစ်တကျဖြည့်စွက်ပါ။ သဘာဝမြေသြဇာထည့်သွင်းပါ။
၃။ ဖြစ်နိုင်လျှင် သီးလှည့်စိုက်ပါ။
၄။ နွေထယ်ရေးခံပါ။
၅။ Biofumigants အသုံးပြုပါ။ မုန်ညင်း၊ မုန်လာ အုပ်စုသီးနှံ ဂေါ်ဖီ၊ ပန်းဂေါ်ဖီစိမ်း၊ ကိုက်လန်၊ မုန်လာဥမှထုတ်ပေးနိုင်သောဆာလဖာဓာတ်၊ Isothiocyanates (ITC) နှင့် glucosinolate သည် မြေဆောင်မှိုအချို့ဖြစ်သော ( Phytophthora, Rhizoctonia) စပိုးများအပေါ်အဆိပ်သင့်စေနိုင်သည်။
ကြက်သွန်ဖြူ၊ နီမှထုတ်ပေးသော thiosulfinates နှင့် disulfides ဓာတ်သည် မြေပေါ်တွင် အဆိပ်ငွေ့ပေးသော မီသိုင်းဘရိုမိုက်နှင့်ဆင်တူသည့်အာနိသင်ရှိပြီး မြေဆောင်မှိုများရှင်သန်မှုကို ဟန့်တားပေးနိုင်သည်။
မုန်ညင်းမုန်လာအုပ်စုအပင်များမှထုတ်သော glucosinolates သည်ရေအစိုဓာတ်ဖြင့်ပြိုကွဲဓာတ်ပြုကာ myrosinase အင်ဇိုင်းအကူအညီဖြင့် Isothiocyanates (ITC) အဖြစ်ပြောင်းလဲကာ အနုဇီဝသက်ရှိများ ပွားများမှုကိုအထောက်အကူပြုပေးနိုင်သည်။
၆။ မြေပြင်ခြင်း
စိုက်ခင်းသို့ နွားချေး၊ သစ်စိမ်းမြေသြဇာ၊ တမာကြိတ်ဖက်၊ ပဲမှော်၊ Rhizobium, Trichoderma , Pseudomonas, Mycorrhiza စသည်တို့ထည့်သွင်းပေးခြင်း ။
မြေချဥ်ငန်ကိန်း ထိန်းညှိပေးခြင်းပြုလုပ်ပါ။
၇။ မှိုသတ်ဆေး မြေခံထည့်ခြင်း
Azoxystrobin, Hymexazol, Cyprodinil
၈။ မြေဆောင်မှိုရောဂါများဖြေရှင်းရန်အတွက် မှိုသတ်ဆေးတစ်မျိုးထဲကိုသာအသုံးပြုခြင်းဖြင့် လုံလောက်မှုမရှိပါ။ မစိုက်မီ၊ စိုက်ခင်း၊ စိုက်ပျိုးရိတ်သိမ်းပြီးကာလတစ်လျှောက်လုံးအဆင့်ဆင့်သော ကာကွယ်နည်းစနစ်များကို လိုက်နာဆောင်ရွက်ရမည်ဖြစ်သည်။ သီးနှံတစ်ရာသီအတွက်လိုက်နာရန်မဟုတ်ပဲ အချိန်အတိုင်းအတာတစ်ခု သို့မဟုတ် ရေရှည်ပြုပြင်ဆောင်ရွက်ရန်လိုအပ်သည်။
Dr.Kyu Kyu Thin (Dr.DaDa)
![likes](../heart.png)
![comments](../comments.png)
![views](../views.png)