cover

ထွက်တိုး

coverပင်မစာမျက်နာ
coverအဖွဲ့များ
coverစူးစမ်းရန်
coverစာတို
coverကျွန်ုပ်

ကိရိယာများ


ကျွန်ုပ်၏ အဖွဲ့များ


အဖွဲ့များအားလုံး

user profile image
ဆွေးနွေးမယ်image
ပြန်သွားပါ

Black Ginger (ခေါ်) ဂျင်းနက် သြဂဲနစ်စိုက်ပျိုးနည်း

. စိုက်ပျိုးနည်းစနစ်များ
တစ်ဧကအတွက် ဥအတက်ပိဿာ ၁၀၀ ခန့်လိုအပ်ပြီး စိုက်ပျိုးပိဿာ၏ ၅ဆ မှ ၁၀ဆ ခန့်အထိ ထွက်ရှိနိုင်ပြီး စိုက်ပျိုးသူအများစုသည် ၆ဆမှ၇ဆ အထိ​ကောင်းစွာထွက်ရှိကြပါသည်။
  • မြန်မာအမည် - ဂျင်းနက်

    အင်္ဂလိပ်အမည် - Black Ginger

    မျိုးရင်း – Zingiberaceae

    ရုက္ခဗေဒအမည် – 𝐾𝑎𝑒𝑚𝑝𝑓𝑒𝑟𝑖𝑎 𝑝𝑎𝑟𝑣𝑖𝑓𝑙𝑜𝑟𝑎 Wall.ex Baker

    *မျိုး*

    ဂျင်းနက်စိုက်ပျိုးရာတွင်မျိုးရွေးချယ်ခြင်းသည် အဓိကထည့်သွင်းစဥ်းစားရမည့်အချက်တချက်ဖြစ်​ပေသည်ကျန်းမာသန်စွမ်းသည့်ဂျင်းနက်(tubers)များကို စနစ်တကျ​ရွေးထုတ်ပြီး မစိုက်ခင် အ​ညောက်​ပေါက်​အောင် အစိုဓါတ်​ပေးပြီး အ​ညောက်စ​ပေါက်လာ​သော အတတ်များကိုစိုက်ပျိုးပါက အပင်​ပေါက်​ကောင်းပြီး ညီညာ​သောစိုက်ခင်းကို ​တွေ့ရ​ပေမည်။

    *​မြေ​ရွေးချယ်ခြင်း*

    စိုက်ပျိုးနိုင်​သောမြေအမျိုးအစားများသည် ​ရေဝပ်​သော​ဒေသရှိ​မြေမဟုတ်ပါက ​မည်သည့်​မြေအမျိုးအစားတွင်မဆို စိုက်ပျိုးနိုင်​ပေသည်။ ​သြဂဲနစ်​ဓါတ်ကြွင်းပါဝင်မှုများပြီး ​မြေမွ​သော​နေရာများတွင်အ​ကောင်းဆုံးဖြစ်ထွန်းနိုင်ပါသည်။ မိမိစိုက်ပျိုးမည့်​မြေ​​​နေရာရှိ​မြေမ​ကောင်းပါကစပါးခွံမီး​သွေး (သို့) စူပါအီးအမ်ဘိုကာရှီ တီ​မြေ​ဆွေးများကို ထည့်သွင်းစိုက်ပျိုးပါက မည်သို့​သော​မြေအမျိုးအစားတွင်မဆို အထွက်နှုန်း​ကောင်းစွာထွက်​အောင်စိုက်ပျိုးထုတ်လုပ်နိုင်ပါသည်။ မြေပြန့်နှင့်တောင်ပေါ်မရွေးစိုက်ပျိုးဖြစ်ထွန်းနိုင်​သောသီးနှံတစ်မျိုးဖြစ်​ပေသည်။ ရှမ်းပြည် နှင့် ချင်းပြည်နယ်များတွင်စီးပွားဖြစ်​အောင်မြင်ဖြစ်ထွန်း​သော​ကြောင့်များစွာစိုက်ပျိုး​နေကြပါသည်။

    *စိုက်ပျိုးခြင်း*

    ဂျင်းနက်ကို ပင်ကြား-တန်းကြား ၁.၅ ပေပတ်လည်အကွာ အတန်းလိုက် ဘောင်ဖြင့်စိုက်ပျိုးပါက ​ရေဝပ​သော​မြေများတွင်ပိုမိုသင့်​တော်ပြီး အစာ​ကွေးခြင်း​ပေါင်းင်သင်ခြင်းများကို ပိုအဆင်​ပြေစွာ​ဆောင်ရွက်နိုင်ပါသည်။ ဂျင်းနက်(ခ) ချင်းနက်ဟာ အအေးပိုင်းသာမက အပူပိုင်းမှာပါ စိုက်ပျိုးလို့ရတဲ့ မျိုးစိတ်တစ်ခုဖြစ်ပါတယ်။ရေ၀ပ်တာကို မနှစ်သက်​သော​ဆေးဖက်ဝင်သီးနှံဖြစ်​သော်လည်း မိုးများ​သော​ဒေသများ ရန်ကုန် ဧရာ၀တီ စသည့်​ဒေသများတွင်လည်းက ခံနိုင်ရည်ကောင်းကောင်းရှိပြီး ​ကောင်းစွာစိုက်ပျိုးနိုင်​ပေသည်။ သီးနှံသစ်​တော​ရော​နှောပုံစံစိုက်ပျိုးနည်း ( Agrobase-Foresty) စနစ်အဖြစ် သရက် ကျွဲ​ကော ပိန္နဲ ဒူးရင်း ​ထောပတ် သံပုရာ ကော်ဖီ စတဲ့ နှစ်ရှည်ပင်တွေအကြားများတွင် သီးညှပ်အနေနဲ့ စိုက်ပျိုးလို့ရနိုင်​သော​ကြောင့် ၀င်​ငွေမြန်​သေားသီးနှံတစ်မျိုးဖြစ်​ပေသည်။မိုး​ကောင်းစွာမရွာခင်ကြိုတင် စိုက်ပျိုးပါက အစိုဓါတ်​ကောင်းစွာရရှိနိုင်န်အတွက် စပါးခွံ(သို့) ကောက်ရိုးခြောက်ပါးပါးဖုံးထားပေးပြီးရေကို ပုံမှန်ပေးနိုင်ရပါမည်။သဘာဝနနွင်းနဲ့ ဂျင်း စိုက်ပျိုးဖြစ်ထွန်းတဲ့ နေရာတိုင်းမှာ လဲ ဖြစ်ထွန်းအောင်မြင်နိုင်ပါသည်။ ဂျင်းနက်များကို ပုံမှန်အားဖြင့် မေ (သို့) ဇွန်လမှာ စတင်စိုက်ပျိုးနိုင်ပြီး ၈လ ၉လ ခန့်အကြာမှာ ရိတ်သိမ်းနိုင်ပါတယ်။

    *ဂျင်းနက်အထွက်နှုန်း*

    တစ်ဧကအတွက် ဥအတက်ပိဿာ ၁၀၀ ခန့်လိုအပ်ပြီး စိုက်ပျိုးပိဿာ၏ ၅ဆ မှ ၁၀ဆ ခန့်အထိ ထွက်ရှိနိုင်ပြီး စိုက်ပျိုးသူအများစုသည် ၆ဆမှ၇ဆ အထိ​ကောင်းစွာထွက်ရှိကြပါသည်။ စိုက်ပျိုး​သော​မြေအမျိုးအစား​ပေါ်မှုတည်၍ အထွက်နှုန်းများမှာ​အမျိုးမျိုးထွက်ရှိနိုင်​ပေသည်။သတိပြုရန်မှာ​ရေကြာရှည်မဝပ်​စေရန်အထူးဂရုစိုက်ရ​ပေမည်။

    *မြေသြဇာအသုံးပြုခြင်း*

    လူတို့၏ ဆေးဝါးများ၊ အစားအသောက်များ၊ ကျန်းမာရေးအသုံးအဆောင်များအဖြစ် ထုတ်လုပ်မည်​ဆေးဘက်ဝင်သီးနှံဖြစ်သည့်အတွက် ဓာတုမြေသြဇာများ၊ ပိုးသတ်ဆေး ပေါင်းသတ်ဆေးများ အသုံးမပြုပဲ EM ၅ ပိုးနှင်​ဆေး, စူပါအီးအမ်ဘိုကာရှီ, တီ​မြေသြဇာ #vermicompost , တီကျက်ရည် #Vermitea ,ငါးအမိုင်နို, #သီးနှံအချဥ်​ဖောက်ရည်, နှမ်းဖတ်နွား​ချေးစိမ်ရည်စသည့် သဘာ‌၀သြဂဲနစ်နည်းလမ်းများကိုအသုံးပြုထုတ်လုပ်ခြင်းဖြင့်အထွက်နှုန်းကို​ေကာင်းစွာရရှိနိုင်ပါသည်။ငါးအမိုင်နိုကိုအသုံးပြုပါက​ရေ၁ဂါလံလျင် ငါးအမိုင်နို ၁၀စီစီမှ ၃၀စီစီခန့်ထက်လုံး၀ပိုပြီးအသုံးမပြုရ​ပေ အချိုးအစားများပါကအပင်များ​လောင်ကျွမ်းပြီးအပင်​သေ​စေနိုင်ပါသည်။ သဘာသြဂဲနစ်မြေဆွေးများနှင့်သဘာဝသစ်ရွက်ဆွေးများကိုလည်း အသုံးပြုနိုင်ပြီး အပင်ကြီးထွားစဥ်ကာလတ​လျောက်လုံးEM ၅ ပိုးနှင်​ဆေး, စူပါအီးအမ်ဘိုကာရှီ, တီ​မြေသြဇာ #vermicompost , တီကျက်ရည် #Vermitea ,ငါးအမိုင်နို, #သီးနှံအချဥ်​ဖောက်ရည်, နှမ်းဖတ်နွား​ချေးစိမ်ရည်များကို ၂ပတ်တစ်ကြိမ်အသုံးပြု​ပေးရ​ပေမည်။

    Htet Zaw Htun - Organic Farming Coach

    ----

    ထွက်တိုး Telegram Channel ဝင်ရန် နှိပ်ပါ - https://t.me/htwettoe

    စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -https://htwettoe.com/download ထွက်တိုးမေးဖြေကဏ္ဍတွင်ဝင်ရောက်မေးမြန်းနိုင်ပါကြောင်းသတင်းကောင်းပါလိုက်ပါတယ်။


  • article
9 ကြိုက်
1 မှတ်ချက်105 ကြည့်ရှု