မန္တလေးမြို့မှာ မိုးမရွာတာကြောင့်လွန်ဆွဲပွဲတွေပြုလုပ်
မန္တလေး၊ မေ ၀၅
မန္တလေးမြို့မှာ ရာသီဥတုပူပြင်းပြီးမိုးရွာသွန်းမှုမရှိသေးတာကြောင့်မိုးခေါ် လွန်ဆွဲပွဲတွေပြုလုပ်နေ ကြတယ်လို့ဒေသခံတွေကပြောပါတယ်။ရိုးရာဓလေ့တစ်ခုဖြစ်တဲ့လွန်ဆွဲပွဲတွေကို မိုးခေါင်တဲ့အချိန်တွေမှာပြုလုပ်လေ့ရှိပြီး မိုးရွာသွန်းအောင်ဆုတောင်းလေ့ရှိကြတာဖြစ်ပါတယ်။
"ပုံမှန်ဆို သကြန်တွင်းမှာ မိုးစရွာတယ်။ ဒီနှစ်ကတော့အခုချိန်ထိမိုးမရွာသေးတော့ လွန်ဆွဲပွဲ လုပ် ပြီးမိုးခေါ်ကြတာပေါ့။နေရာတော်တော်များများမှာလုပ်တာတွေ့ရတယ်"လို့အောင်မြေသာစံမြို့နယ်ကဒေသခံတစ်ဦးကပြောပါတယ်။
လွန်ဆွဲပွဲတွေကို ပြီးခဲ့တဲ့ ၂၀၂၀ ပြည့်နှစ်ကစပြီး Covid 19 ရောဂါဖြစ်ပွားမှုနဲ့ နိုင်ငံရေးအခြေအနေ အရ ပြုလုပ်ခဲ့တာမရှိဘဲ အခုနှစ်ကျမှပြန်လည်လုပ်ဆောင်လာတာဖြစ်ပါတယ်။လွန်ဆွဲပွဲမှာရာနဲ့ချီရှိတဲ့ အမျိုးသားနဲ့ အမျိုးသမီးတွေက တစ်ဖက်စီနေရာယူပြီး လွန်ကြိုးကိုသတ်မှတ် နေရာရောက်တဲ့အထိဆွဲရတာဖြစ်ပါတယ်။
အဲဒီလို လွန်ဆွဲပွဲတွေအပြင် မိုးရွာစေဖို့အတွက် ပူရေန္တံ ဗောဓိ သမ္ဘာရေ၊ နိဗ္ဗိတ္တံ မစ္ဆ ယောနိတံ အစ ချီတဲ့ ငါးရံ့မင်းပရိတ်(မစ္ဆရာဇသုတ္တန်) ကိုလည်း ရွတ်ဖတ်ပူဇော်ဆုတောင်းမှုတွေပြုလုပ်ကြတာတွေ ရှိတယ် လို့ ဒေသခံတွေကဆိုပါတယ်။
လင်းလင်း
Opinion Leaders မှ ကူးယူဖော်ပြပါသည်။
-----
သီးနှံပေါက်စျေးနှုန်းများ၊ အချိန်နှင့်တပြေးညီပြောင်းလဲနေသောသတင်းများကို ပိုမိုလေ့လာနိုင်ရန် ထွက်တိုးဆော့ဝဲလ်ကို ဒေါင်းထားပါ -
ထွက်တိုး Telegram Channel ဝင်ရန် နှိပ်ပါ - https://t.me/htwettoe
![likes](../heart.png)
![comments](../comments.png)
![views](../views.png)