cover

ထွက်တိုး

coverပင်မစာမျက်နာ
coverအဖွဲ့များ
coverစူးစမ်းရန်
coverစာတို
coverကျွန်ုပ်

ကိရိယာများ


ကျွန်ုပ်၏ အဖွဲ့များ


အဖွဲ့များအားလုံး

user profile image
ဆွေးနွေးမယ်image
ပြန်သွားပါ

ကျွဲ၊ နွား၊ ဆိတ်မှအစ ငါး၊ ပုဇွန်အဆုံး မွေးမြူရေးမှာ အသုံးဝင်လွန်းလှတဲ့ အီးအမ်

. ဇီဝမြေဩဇာ
မွေးမြူရေးတွင် အီးအမ်နှင့် ပဋိဇီဝဆေး တွဲမသုံးပါနှင့်။
  • ယခုလို မိုးရာသီကာလမှာ မွေးမြူရေးသမားများအနေနဲ့ ပတ်ဝန်ကျင်ညစ်ညမ်းမှု၊ အနံ့ဆိုးများကြောင့် အခက်တွေ့နိုင်ကောင်း တွေ့နိုင်ပါတယ်။ ဒါ့ကြောင့် ဒီဆောင်းပါးလေးကို တင်ပေးလိုက်ခြင်း ဖြစ်ပါတယ်ခင်ဗျာ။

    (၁) အီးအမ်ကို တိရစ္ဆာန် သောက်ရေထဲမှာ ထည့်ခြင်း

    အီးအမ်အပြင်းကို တိရစ္ဆာန်သောက်ရေထဲတွင် (၀.၀၁%) မှ (၁%) အထိ ထည့်ပေးခြင်းအားဖြင့် အစာလမ်းကြောင်းရှိ အဏုဇီဝများ၏ စွမ်းဆောင်ရည် ပိုမိုကောင်းမွန်လာပြီး တိရစ္ဆာန်များ၏ ကျန်းမာရေးကောင်းမွန်လာမည်။ တိရစ္ဆာန်မစင်မှ အနံ့ဆိုးများ လျော့နည်းလာမည်ဖြစ်သည်။ တိရစ္ဆာန်အရွယ်ကြီးလျှင် နှုန်းပိုထည့်ရမည်။

    (၂) အီးအမ်ဘိုကာရှီကို အစာထဲတွင် ထည့်ကျွေးခြင်း

    တိရစ္ဆာန်အတွက် ဘိုကာရှီပြုလုပ်၍ အစာထဲတွင် (၁%) မှ (၅%)အထိ ရောကျွေးခြင်းအားဖြင့်လည်း အထက်ပါအကျိုးကျေးဇူးများ ရရှိနိုင်ပါသည်။ တိရစ္ဆာန်အတွက် ဘိုကာရှီပြုလုပ်ရာတွင် ဖွဲနုနှင့် နှမ်းဖတ် (သို့) ပဲဖတ်ကို ဆတူရော၍ ပြုလုပ်နိုင်ပါသည်။

    (၃) အီးအမ်ကို မွေးမြူရေးခြံအနှံ့ ပက်ဖျန်းပေးခြင်း

    အသင့်သုံးအီးအမ်ကို ရေနှင့် (၁:၁၀၀၀) နှုန်းရောပြီး မွေးမြူရေးခြံနံရံများ၊ ကြမ်းပြင်များနှင့် ခြံပတ်ဝန်းကျင်နေရာများသို့ (၇) ရက်ခြား တစ်ကြိမ်ပက်ဖျန်းပေးခြင်းအားဖြင့် အနံ့ဆိုးများ ပျောက်ကင်းပြီး တိရစ္ဆာန်များ ကျန်းမာရေးကောင်းမွန်လာပါမည်။

    (၄) တိရစ္ဆာန် မစင်ကန်ထဲသို့ အီးအမ်ထည့်ခြင်း

    တိရစ္ဆာန်မစင်ကန်ထဲ အီးအမ်ကို ကန်ထုထည်၏ (၁%)ထည့်ခြင်းအားဖြင့် အနံ့ဆိုးများမထွက်ခြင်း၊ မိလ္လာထုထည် လျော့ကျသွားခြင်း၊ ရောဂါပိုမွှားများကိုသေစေခြင်းစသည့် အကျိုးကျေးဇူးများ ရရှိပါမည်။

    (၅) ငါးမွေးမြူရေးတွင် အီးအမ်ကို အသုံးပြုခြင်း

    အီးအမ်အပြင်းကို ငါးကန်ရေထု၏ (၀.၀၁ %) မှ (၀.၁%) အထိ နှစ်ပတ်တစ်ကြိမ်ထည့်ပေးခြင်းဖြင့် ကန်ရေထုတ်သန့်ရှင်းလာပြီး ငါးများ၏ ကျန်းမာရေး ကောင်းလာစေကာ အထွက်တိုးစေပါသည်။ တိရစ္ဆာန်အတွက် ပြုလုပ်သော ဘိုကာရှီကို ငါးစာထဲ (၁-၅%) ရောထည့်ကျွေးနိုင်ပါသည်။ အီးအမ်အပြင်းကို ပုဇွန်မွေးမြူရေးတွင်လည်း အသုံးပြုနိုင်ပါသည်။

    မှတ်ချက်

    -မွေးမြူရေးတွင် အီးအမ်နှင့် ပဋိဇီဝဆေး တွဲမသုံးပါနှင့်။

    -တွဲဖက်သုံးလျှင် ရက်ခြားသုံးပါ။

    -အီးအမ်ကို အပြည့်အဝ ထိထိရောက်ရောက် သုံးလျှင် ပဋိဇီဝဆေးသုံးရန် မလိုပါ။

    Source: အကျိုးပြုအဏုဇီဝ (အီးအမ်) နည်းပညာ စာအုပ်မှ ရေးသားဖော်ပြပေးလိုက်ပါသည်။

    ----

    စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -https://htwettoe.com/download ထွက်တိုးမေးဖြေကဏ္ဍတွင်ဝင်ရောက်မေးမြန်းနိုင်ပါကြောင်းသတင်းကောင်းပါလိုက်ပါတယ်။


  • article
  • article
  • article
  • article
  • article
  • article
likes10comments0
views48views1871