cover

ထွက်တိုး

coverပင်မစာမျက်နာ
coverအဖွဲ့များ
coverစူးစမ်းရန်
coverစာတို
coverကျွန်ုပ်

ကိရိယာများ


ကျွန်ုပ်၏ အဖွဲ့များ


အဖွဲ့များအားလုံး

user profile image
ဆွေးနွေးမယ်image
ပြန်သွားပါ

ငါးချဉ်၊ ငါးပိကောင်၊ ရေကျိုငါးပိ၊ ငါးခြောက်ပြုလုပ်နည်းများ

. ငါးမွေးမြူရေးဆောင်းပါးများ
ငါးချဉ်၊ ငါးပိကောင်၊ ရေကျိုငါးပိ၊ ငါးခြောက်ပြုလုပ်နည်းများ
  • မိရိုးဖလာ ရေထွက်ကုန်များ ပြုလုပ်နည်း

    #ငါးချဉ်ပြုလုပ်နည်း

    ၁။ လတ်ဆတ်သော ငါးအသေးကောင်များ ရွေးချယ်လက်ခံခြင်း

    ၂။ သန့်ရှင်းသော ရေဖြင့်ဆေးခြင်း

    ၃။ ခေါင်းဖြတ်ခြင်း၊ အကြေးခွံချွတ်၊ အူထုတ်သန့်စင်ခြင်းနှင့် ရေဆေးခြင်း

    ၄။ ငါးသေးလျှင် အကောင်လိုက်ငါးချဉ်ပြုလုပ်ခြင်း သို့မဟုတ် ငါးကြီးပါက အသားလွှာခြင်းနှင့် အရိုးထွင်ခြင်း

    ၅။ အသားကြိတ်စက်ဖြင့် ကြိတ်ခြင်းနှင့် အလေးဖိ၍ ၃ နာရီခန့် ရေစစ်ခြင်း။

    ၆။ ထမင်း ၂၅%၊ ဆား ၅% နှင့်ရောခြင်း (ငါးချဉ်အဟောင်းထည့်လုပ်လျှင် ပိုမြန်သည်)

    ၇။ အသားကြိတ်စက်ဖြင့် နောက်တစ်ကြိမ်ကြိတ်ခြင်း သို့မဟုတ် လက်ဖြင့်စေးပိုင်နေအောင် နာနာနှယ်ခြင်း။

    ၈။ အထုပ်သေးကလေးများအတွက် အလေးချိန်ချိန်ခြင်းနှင့် တောင်စွန်ဖက်၊ ငှက်ပျောဖက်တို့ဖြင့် ထုပ်ပိုးခြင်း။

    ၉။ အပူကာ ငါးထည့်ပုံးအတွင်းထည့်၍ ၂ ရက်၊ ၃ ရက်ခန့် အသားချဉ်လာအောင်ထားခြင်း။

    ၁၀။ အေး၍ ယင်လုံသောနေရာ သို့မဟုတ် အပူကာငါးထည့်ပုံးအတွင်း ထည့်၍ သိမ်းထားခြင်း။

    #ငါးအသားချဉ်ပြုလုပ်နည်း (ကုန်ချောထွက်ရာခိုင်နှုန်းမှာ ၅၀% ဖြစ်သည်)

    ၁။ လတ်ဆတ်သော ငါးအကောင်များ ရွေးချယ်လက်ခံခြင်း

    ၂။ သန့်ရှင်းသော ရေဖြင့်‌ဆေးခြင်း

    ၃။ ခေါင်းဖြတ်ခြင်း၊ အကြေးခွံချွတ်ခြင်း၊ အူထုတ်သန့်စင်ခြင်းနှင့် ရေဆေးခြင်း

    ၄။ အသားလွှာခြင်း သို့မဟုတ် ငါးအသားပြုလုပ်ခြင်း၊ အရိုးထွင်ခြင်းနှင့် အသားကြိတ်စက်ဖြင့် ကြိတ်ခြင်း။

    ၅။ ထမင်း ၁၀% မှ ၂၅%၊ ဆား ၅%၊ သကြားအနည်းငယ်၊ ငရုတ်သီးအနည်းငယ်နှင့်ရောနှောခြင်း

    (ငါးချဉ်အဟောင်းထည့်လုပ်လျှင် ပိုမြန်သည်)

    ၆။ လက်ဖြင့်စေးပိုင်နေအောင် နာနာနှယ်ခြင်း။

    ၇။ အထုပ်သေးကလေးများအတွက် အလေးချိန်ချိန်ခြင်းနှင့် တောင်စွန်ဖက်၊ ငှက်ပျောဖက်တို့ဖြင့် ထုပ်ပိုးခြင်း။

    ၈။ အေး၍ယင်လုံသောနေရာ သို့မဟုတ် အပူကာငါးထည့်ပုံးအတွင်း ထည့်၍သိမ်းထားခြင်း။

    ငါးချဉ်/ငါးအသားချဉ် ပြုလုပ်သော ကုန်ကြမ်းအမျိုးအစားများ

    ငါးမြစ်ချင်း၊ ငါးကြင်း၊ ငါးဘတ်၊ ငါးဖယ်၊ ငါးရံ့၊ ငါးခုံးမ၊ ငါးဘဲ

    ရိုးရိုးအခန်းအပူချိန်တွင်ထားပါက သက်တမ်း ၅ ရက်မှ ၇ ရက်ခန့်အထားခံ၍ ရေခဲသေတ္တာအပူချိန် ၅ မှ ၇ ဒီဂရီစင်တီဂရိတ်တွင် ထားပါက သက်တမ်း ၁ လခန့် အထားခံပါသည်။

    #ငါးခြောက်ပြုလုပ်နည်း (ကုန်ချောထွက်ရာခိုင်နှုန်းမှာ ၂၅% မှ ၃၅% ဖြစ်သည်)

    ၁။ လတ်ဆတ်သော ရေချို၊ရေငံငါးများ ရွေးချယ်လက်ခံခြင်း

    ၂။ ငါးအေကြးထိုး၊ အူထုတ်သန့်စင်ခြင်းနှင့် ကိုင်တွယ်ခြင်း(ငါးအကောင်လိုက်၊ ထက်ခြမ်းခွဲ၊ အမြှောင်းလိုက်၊ ငါးအသားတုံး)

    ၃။ သန့်ရှင်းသောရေဖြင့်ဆေးခြင်းနှင့် ၁၅ မိနစ်မှ နာရီဝက်ခန့်ရေစစ်ခြင်း။(ငါးအကောင်ကြီးပါက အချိန်ကြာမြင့်စွာ ရေစစ်ရပါမည်)

    ၄။ သန့်ရှင်း၍ဆားပွင့်သေားသော ဆား ၅% မှ ၁၀% ဖြင့် အခြောက်နယ်ခြင်း သို့မဟုတ် ဆားရည်ပျစ်ပျစ်စိမ်ခြင်း

    ၅။ ပလတ်စတစ်ခြင်းတွင် အလေးဖိ၍ တစ်ရက် သို့မဟုတ် တစ်ရက်ခွဲခန့်ထားခြင်း

    ၆။ ဆားအငန်ပေါ့သွားစေရန် ရေဆေးခြင်းနှင့် ရေစစ်ခြင်း။

    ၇။ အခြောက်လှမ်းစင်ပေါ်တွင် မိုးရေကာဖျင်စ သို့မဟုတ် ပလတ်စတစ်အခင်း ခင်း၍ နေပူတွင် ၂ ရက်မှ သုံးရက်ခန့် နေလှန်းခြင်း( နေလှန်းနေစဉ် ၂ နာရီ၊ ၃ နာရီခြားတခါ အခြောက်ညီစေရန် လှန်းပေးရပါမည်။

    ၈။ အမျိုးအစား၊ အရွယ်အစားတူရာရွေး၍ ပီနံအိတ် သို့မဟုတ် မြွေရေခွံအိတ်အတွင်းသို့ ပလတ်စတစ်အိတ်ခဲ၍ ထုပ်ပိုးခြင်း။

    ၉။ အေး၍ခြောက်သွေ့သောနေရာတွင် သိမ်းဆည်းထားခြင်း။

    အသုံးပြုသော ကုန်ကြမ်းအမျိုးအစားများ

    ရေချို၊ ရေငန် ငါးမျိုးစုံ- ငါးရံ့၊ ကက္ကူရံ၊ ကသမျှင်၊ ငါးကျည်း၊ ငါးနုသန်း၊ ငါးတန်၊ ငါးခုံးမ၊ ငါးနှပ်(အာြဗဲ)၊ ငါးကွန်းရှပ်၊ ငါးမဲလုံး၊ ငါးကျီးကန်း၊ ငါးတံခွန်၊ ငါးစင်ရိုင်း၊ ငါးလိပ်စွန်၊ ငါးလိပ်ကျောက်၊ ငါးမြီးတံသွယ်၊ ငါးပုတ်သင်၊ နတ်ကတော်၊ ငါးတီ၊ ငါးနီတူ၊ ငါးဘတ်၊ ငါးကုန်းညို၊ ငါးမြွေထိုး၊ ငါးပုလွေ၊ ကသပိုး။

    #ငါးဆားနယ်/ငါးပိကောင်ပြုလုပ်နည်း

    ၁။ လတ်ဆတ်သောရေချို၊ ရေငန်ငါးများ ရွေးချယ်လက်ခံခြင်း

    ၂။ ငါးအကြေးထိုး အူထုတ်သန့်စင်ခြင်းနှင့် ရေဖြင့်သန့်အောင်ဆေးခြင်း (ငါးအကောင်လိုက်၊ ထက်ခြမ်းခွဲ၊ အမြှောင်းလိုက်၊ ငါးအသားတုံး)

    ၃။ ဆား ၂၀% (သို့) ၃၀%ဖြင့် အခြောက်နယ်ခြင်း (သို့) ဆားရည်ပျစ်ပျစ်စိမ်ခြင်း

    ၄။ ၂ ရက်မှ ၃ ရက်ခန့် စိမ်ထားခြင်း

    ၅။ ဆားပေါ့သွားစေရန် ရေဆေးခြင်းနှင့် နေပူတွင် နေ့ဝက်ခန့် နေလှန်းခြင်း

    ၆။ အရွယ်အစား၊ အမျိုးအစား၊ အလေးချိန်တူရာချိန်၍ ထုပ်ပိုးခြင်း

    ၇။ ကြာရှည်ခံနိုင်အောင် သိုလှောင်သိမ်းဆည်းထားခြင်း (ငါးပိနပ်လျှင် အနံ့မွှေး၊ အသားကြေ)

    အသုံးပြုသော ကုန်ကြမ်းအမျိုးအစားများ

    ငါးရံ့၊ ငါးဘတ်၊ ငါးခူ၊ ငါးသလောက်၊ သင်ဝါ၊ ငါးမြစ်ချင်း၊ ငါးကြင်း၊ ငါးတန်၊ ငါးဖယ်အောင်း၊ တီလားပီးယား၊ ငါးဇင်းပြား၊ ငါးဒါးလွယ်။

    #ငါးငပိ/ရေကျိုငါးပိပြုလုပ်ခြင်း (ကုန်ချောထွက်ရာခိုင်နှုန်းမှာ ၆၅% မှ ၇၅%ဖြစ်သည်)

    ၁။ လတ်ဆတ်သော ရေချိုငါးအကောင်ကြီး/ငယ်များ ရွေးချယ်လက်ခံခြင်း

    ၂။ ငါးအကြေးခွံချွတ်ခြင်း၊ ဗိုက်ဖောက်၊ အူထုတ်သန့်စင်ခြင်းနှင့် သန့်ရှင်းသောရေဖြင့် ရေဆေးခြင်းနှင့် ရေစစ်ခြင်း

    ၃။ ငါးနှင့်ဆား ၁၀% ခန့်ရောနယ်၍ စဉ့်အိုး(သို့) ပလတ်စတစ်ဗန်း (သို့) သစ်သားစည်တွင် အလေးဖိ၍ တစ်ရက်၊ တစ်ရက်ခွဲခန့်ထားခြင်း

    ၄။ နေပူတွင် တစ်ရက်မှ နှစ်ရက်ခန့် နေလှန်းခြင်းနှင့် ဆား ၁၅% (သို့) ၂၀%ထိ ထပ်ထည့်၍ ငရုတ်ဆုံတွင် ကျည်ပွေ့ဖြင့်ထောင်းခြင်း

    ၅။ အချို့ထုတ်လုပ်သူများသည် ဆန်/ဆန်ကွဲ ခပ်ပျစ်ပျစ်ကျိုပြီး အအေးခံကာ ငါးနှင့်ရောသိပ်ကြပါသည်(အချိုးအစား ၂.၅ %)

    ၆။ ထောင်းထားသောငါးများအား စဉ့်အိုးတွင် လေလုံအောင် ၄-၆ လကြာ ဖိသိပ်သိုလှောင်ခြင်း(ယင်သတိပြုရန်)

    ၇။ သင့်တော်သော အလေးချိန်ချိန်၍ထုပ်ပိုးခြင်း

    အသုံးပြုသော ကုန်ကြမ်းအမျိုးအစားများ

    ငါးရံ့၊ ငါးပြေမ၊ ငါးဖယ်၊ ငါးဇင်ရိုင်း၊ ငါးခွေးလျှာ၊ ငါးပုလွေ၊ ငါးတံခွန်၊ ငါးပုတ်သင်၊ ငါးပြား၊ ငါးဖျင်းသလက်၊ ငါးမြီးတံသွယ်။

    Photo crd.

    ------

    Update from WorldFish Myanmar

    Feed the Future Burma Fish for Livelihoods funded by USAIDစာစောင်မှကောက်နှုတ်ချက်

    ငါးမွေးမြူရေးနှင့်ပတ်သတ်သောဆောင်းပါးများ၊ မွေးမြူရေးနည်းလမ်းများ၊ ငါးမွေးမြူရာတွင်သိထားသင့်သော အချက်များကို ပိုမိုလေ့လာလိုပါက ထွက်တိုးစိုက်မွေးဖုန်းဆော့ဝဲ https://htwettoe.com/download

    ထွက်တိုး၏စီးပွားဖြစ်ငါးမွေးမြူရေးအဖွဲ့ - - https://www.facebook.com/groups/4200052776702483 တွင် လေ့လာနိုင်ပြီး ဝင်ရောက်ဆွေးနွေး နိုင်ပါကြောင်းသတင်းကောင်းပါးအပ်ပါသည် ခင်ဗျာ။


  • article
  • article
  • article
  • article
11 ကြိုက်
163 ကြည့်ရှု