cover

ထွက်တိုး

coverပင်မစာမျက်နာ
coverအဖွဲ့များ
coverစူးစမ်းရန်
coverစာတို
coverကျွန်ုပ်

ကိရိယာများ

coverစျေးနှုန်း
ရာသီဥတုအလိုက်သီးနှံခန့်မှန်းခြင်း
ရာသီဥတု
ငါးစာ တွက်ချက်ဖော်စပ်နည်း

ကျွန်ုပ်၏ အဖွဲ့များ


အဖွဲ့များအားလုံး

user profile image
ဆွေးနွေးမယ်image
ပြန်သွားပါ

တောင်သူ့စိုက်ခင်းထဲကပြဿနာတွေကို လေ့လာကြမယ် 🪴🐛🪴

. ပိုးမွှား
ဒီတစ်ပတ်မှာတော့ နယ်ပယ်အသီးသီးက တောင်သူတွေရဲ့ စိုက်ခင်းထဲမှာ အမှန်တကယ်ကြုံတွေ့နေရတဲ့ အခက်အခဲတွေကို မျှဝေဆွေးနွေးပေးသွားပါမယ်။
  • ယခုဖော်ပြပေးထားတဲ့အကြောင်းအရာများကတော့ တောင်သူဘက်ကမေးထားတဲ့ က

    ငရုတ်ခင်းမှာ ရောဂါကျနေတဲ့ ပြဿနာတွေကို ထွက်တိုးစိုက်ပျိုးရေးပညာရှင်များက ပြန်လည်ဖြေကြားပေးထားတာဖြစ်ပါတယ်။

    ငရုတ်စိုက်တောင်သူများလည်း မိမိစိုက်ခင်းမှာ ဖော်ပြပါပုံအတိုင်းကျရောက်မှုရှိမရှိ ကင်းထောက်စစ်ဆေးကြည့်နိုင်ပါတယ်။

    စိုက်ပျိုးရေးနဲ့ပတ်သက်ပြီး ထွက်တိုးစိုက်ပျိုးရေးပညာရှင်များနဲ့ဆွေးနွေးလိုတယ်ဆိုရင်တော့ ထွက်တိုး App ရဲ့ အမေးအဖြေကဏ္ဍမှာ စိုက်ခင်းဓာတ်ပုံနှင့်တကွ သိရှိလိုသောအကြောင်းအရာများကို မေးမြန်းနိုင်ပါတယ်။

    ***************

    ၁. စုပ်စားပိုး (လှေး) တင်ကျရောက်တဲ့လက္ခဏာဖြစ်ပါတယ်။ နိုက်ထရိုဂျင် (N) ရွက်ဖျန်းအားဆေးတွေ အလွန်အကျွံမဖျန်းပါနဲ့၊ လောလောဆယ် နားထားပါဦး။ ပိုးသတ်ဆေးအနေနဲ့ Acetamiprid/ Spinosad/ Fipronil လိုဆေးမျိုးကို အနည်းဆုံး ၂ကြိမ် တစ်လှည့်စီဖျန်းပေးပါ။

    ***************

    ၂. မှဲ့ပြောက်စွန်းရောဂါဖြစ်ပါတယ်။ Azoxystrobin/ Pyraclostrobin လိုဆေး Ai မျိုးကိုအသုံးပြုနိုင်ပါတယ်။ ပူနွေးတဲ့ရာသီဥတုနဲ့ စိုက်ခင်းစိုထိုင်းဆများတာကိုနှစ်သက်ပါတယ်။ ဒါကြောင့်စိုက်ခင်းစိုထိုင်းဆကို သေချာချိန်ညှိပြီး ပေါင်းမြက်များကိုသေချာရှင်းပေးပါ။ နိုက်ထရိုဂျင် (N) ရွက်ဖျန်းမြေဩဇာကိုအလွန်အကျွံမသုံးပါနဲ့။

    ***************

    ၃. သရစ်(လှေး) ကျနေတဲ့လက္ခဏာဖြစ်ပါတယ်။ လှေးပိုးက အရွက်အောက်မျက်နှာပြင်မှာ ဥအုပြီးအပူချိန်မြင့်ပြီး စိုထိုင်းဆနည်းတဲ့အခြေအနေမှာပွားများနှုန်းမြန်ပါတယ်။ ဒါကြောင့် စိုက်ခင်းအစိုဓာတ်ကိုချိန်ညှိပါ။ ပေါင်းမြက်ရှင်းတာ မဖြစ်မနေလုပ်ပေးပါ၊ ပုလဲနိုက်ထရိုဂျင်မြေသြဇာ၊ နိုက်ထရိုဂျင်ရွက်ဖျန်း အလွန်အကျွံမသုံးပါနဲ့။ ဆေးအနေနဲ့ လှေးပိုးအတွက် Spinosad, Spirotetramat, Fipronil, Acetamiprid, Thiamethoxam, Abamectin တို့လိုဆေးမျိုးကိုရွေးချယ်နိုင်ပါတယ်။ ဆေးတစ်မျိုးတည်းကို ထပ်ကာထပ်ကာမသုံးပါနဲ့။

    ***************

    ၄. ငရုတ်ပင်က ရောဂါကျနေတာမဟုတ်ပါဘူး။ မြေကြီးမှာအစိုဓါတ်များနေတာပါ။ ငရုတ်ပင်က ရေဝတ်တာမကြိုက်တဲ့အတွက် ရေမဝတ်စေဖို့ အပင်ခြေမှာ မြေကြီးကိုမြှင့်ပေးပါ။ လောလောဆယ် ဆေးဖျန်းဖို့မလိုအပ်သေးပါဘူး။ အပင်ပုံမှန်အတိုင်းအစိမ်းရောင်အရွက်ဖြစ်လာမှ ရွက်ဖျန်းအားဆေးအသုံးပြုပေးပါ။

    ***************

    ၅. ကိုင်းဖျားခြောက်လက္ခဏာပါ၊ မနက်ခင်းနှင်းတအားကျပြီး နေ့ခင်းဘက်ပူတော့ လက္ခဏာပေါ်ကနေ အဆွေးစားမှို (Saprophyte) တွေပေါက်နေတာဖြစ်ပါတယ်။ အရင်ဆုံး ကိုင်းဖျားခြောက်လက္ခဏာကိုအရင်းကနေညှပ်ပစ်ပြီးရှင်းလင်းပေးပါ။ ပြီးမှ Trifloxystrobin + Tebuconazole ကိုဖျန်းပေးပါ။ ရေအများကြီး သွင်းတာမျိုးမလုပ်ပါနဲ့။ ပိုတက်ရှ် (K) မြေဩဇာကို မြေကြီးမှာထည့်ပေးပါ။

    ✦✦✦✦✦✦✦✦✦✦✦✦

    ထွက်တိုး Telegram Channel ဝင်ရန် နှိပ်ပါ - https://t.me/htwettoe

    စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -https://htwettoe.com/download ထွက်တိုးမေးဖြေကဏ္ဍတွင် ဝင်ရောက်မေးမြန်းနိုင်ပါကြောင်း သတင်းကောင်းပါလိုက်ပါတယ်။

    စိုက်ခင်းပြဿနာ အဖြေရှာနည်းလေ့လာရန် - https://htwettoe.com/post/38752


  • article
  • article
  • article
  • article
  • article
likes
11
comments
0
views
2021