ပင်မစာမျက်နာ
အဖွဲ့များ
စူးစမ်းရန်
စာတို
ကျွန်ုပ်
စျေးနှုန်း
ဆောင်းသီးနှံ၌ ကြုံတွေ့နေရသော အပင်ကျစ်ခြင်း၊ ကြီးထွားမှုနှေးကွေးခြင်း (၂)
မေးနေကြသူများ၍ ရေးသားရခြင်းဖြစ်ပါတယ်။
ဆောင်းသီးနှံ ပဲမျိုးစုံစိုက်ကြသူတိုင်း ကြုံတွေ့နေရတဲ့ပြဿနာဖြစ်ပြီး နိူဝင်ဘာလနောက်ဆုံးပါတ်၊ ဒီဇင်ဘာလအတွင်း ထွန်ယက်စိုက်ပျိုးသူတိုင်း ကြုံတွေ့နေကြရတာပါ။
ထိုအချိန်များတွင် စိုက်ပျိုးကြသည့် စိုက်ခင်းများ၏ အခြေအနေတွေကို မျက်မြင်အတိုင်း ပြောရလျင်
ယခုအချိန်တွင် တွေ့နေရသော
♥ အပင်ကျစ်၍ ထိုင်နေခြင်း။
(အပင်ပု၊ အကိုင်းတို၊
အစိမ်းရင့်ရောင်ဖြစ်)
♥ အပင်ဖြစ်ထွန်းမှု နောက်ကျခြင်း။
♥ အရွက်များခုံးနေခြင်း တွန့်နေခြင်း(စုတ်စားပိုးနှင့်မှားယွင်းပြီး စုတ်စားပိုးဖြန်း)
♥ အပွင့်မပွင့်နိုင်၊ မသီးနိူင်
အပွင့်အသီး မလှိုင်ခြင်း ဖြစ်နေတာ
နောက်ကျနေတာ၊(လှေးကြောင့်ထင်ပြီး လှေးဆေး လှိမ့်သုံး)
ဖြစ်နေကြတာပါ။
ထိုသို့သောအခြေအနေတွင် စိုက်ပျိုးသူများသည်
♥မိမိတို့အပင်တွေ ဖြစ်ထွန်းမှုအားနည်းနေတယ်၊
♥ ဟုတ်မှဟုတ်ပါ့မလား၊
♥ စိုက်ပျိုးချိန်နောက်ကျလို့ထင်တယ်၊
♥ မျိုးကလည်း အများကြီးသုံးထားတယ်၊
♥ ဒါတောင်အပင်က မတက်ဘူး၊
♥ ပိုး၊ရောဂါ နှိပ်စက်နေတာ၊
♥ ဆေးကောင်းကောင်းသုံးမှဖြစ်မယ်၊
♥ ဟိုဆေးကနာမည်ကြီးတယ် ဝယ်သုံးမှပါ၊
ဆိုပြီး အားမလို အားမရဖြစ်ကာ နီးစပ်ရာ ပိုးသတ်ဆေး အရောင်းဆိုင်သို့ သွားပြီး (အပေါဆုံးက ဆေးဆိုင်ကိုး ဘာမှမသိ မတတ်ဘဲ လာတာနဲ့ ရောင်းမယ်ဆိုတဲ့လူက များတယ်လေ)
ဒီတော့
♥ အပင်တက်တဲ့ဆေး၊
♥ အပင်အားကောင်းတဲ့ဆေး၊
♥ ပိုးနိူင် ရောဂါနိူင်တဲ့ဆေး၊
♥ ဘယ်လောက်ကုန်ကုန် လိုခြင်တယ်၊
ဆိုတော့ ဆေးဆိုင်များ အကြိုက်ဖြစ်ပါလေရော။( အပင်ဘယ်လိုဖြစ်နေလဲ ဘာဖြစ်နေလဲဆိုပြီး မေးတတ်သူ သေသေချာချာ အကျိုးသင့် အကြောင်းသင့် ရှင်းပြတဲ့ဆိုင်ဆို မကြိုက်ခြင်ဘူး သူများမှာလိုက်လို့ဆိုပြီး သူလိုခြင်တဲ့ဆေးကို မရရအောင် ဝယ်ကြတာ တောင်သူတွေပါဘဲ)
ယခုနှစ် ပဲမျိုးစုံ စိုက်ခင်းများရှိ သီးနှံပင်များဖြစ်နေတဲ့ အပင်အနေအထားသည် အပင်ငယ်စဥ် ရာသီ အေးနေသဖြင့် သီးနှံပင်များ အပင်ဖြစ်ထွန်းမှု အားနည်းပြီး ကြုံလှီသေးကွေးနေရတာပါ။
ခါတိုင်းနှစ်များနှင့် နှိုင်ယှဥ်ပါလျင်
ယခင်နှစ် အပင်အနေအထား
ထက် ၁၀-၁၅ ရက်စာမျှ နောက်ကျနေသလိုဖြစ်ပြီး အပင်သေးကွေးသလို၊ ကျစ်သလို၊ ထိုင်နေသလို၊
ဖြစ်နေသဖြင့် အားမလိုအားမရ ဖြစ်ပြီး ဆေးလှိမ့်ဖြန်းဘို့ ကြိုးစားနေကြတာပါ။
ထိုသို့သော အခြေအနေတွင် အာမလိုအားမရဖြစ်ပြီး ဆန္ဒစောကာ ဟိုမုန်းများသော အားဆေးတွေဖြန်းလိုဖြန်း၊ အပင်တွေက စုတ်စားပိုးကျလို့ မှိုရောဂါကျမှာမို့ အပင် ကျစ်နေတာလို့ ခြောက်လှန့်ပြီး ပိုးသတ်ဆေး မှိုသတ်ဆေး ရောင်းချသူနဲ့တွေ့တဲ့အခါမှာတော့ ကုန်လို့ဆုံးနိူင်မယ် မထင်ပါဘူး။
ယခုလိုဖြစ်နေရတာက
မတ်ပဲ မှာ ၂၀-၃၀ ဒီဂရီစင်တီဂရိတ်
ပဲတီစိမ်းမှာ ၂၅-၃၅ ဒီဂရီစင်တီဂရိတ် အတွင်းရှိရန် လိုအပ်ပြီး ထိုထက်နိမ့်သော အခြေအနေတွင် ပဲပင်များ၏ အစာချက်လုပ်ငန်းများများနှင့် ရေကြောစည်းများ၏ လုပ်ဆောင်မှု နှေးကွေးသွားပြီး အပင် ကြီးထွားမှုနှုန်း နိမ့်သွားသဖြင့် ယခုလို အခြေအနေတွေ ဖြစ်နေတာပါ။
ထိုသို့သော အခြေအနေများ ကြုံတွေ့ပြီး မိမိထံသို့ အကြံဥာဏ် တောင်းခံလာသော သူများကိုတော့
သူများတွေလို စျေးကြီးတဲ့ အားဆေး၊ ပိုးသတ်ဆေး၊ မှိုသတ်ဆေး၊ စသည်ဖြင့် ထွေထွေထူးထူး မညွန်းဖြစ်ဘဲ ကန့်(Sulphur)ကို မိမိတို့သုံးစွဲလိုသော ရွက်ဖြန်းအားဆေးနှင့် တွဲပြီး နေအေးချိန်မှာ ပက်ဖြန်းစေပါတယ်(လိုင်းဆာလ်ဖာလည်း သုံး၍ရပါတယ်)
ဆာလ်ဖာ ရဲ့ လုပ်ဆောင်ချက်က
ရာသီဥတုအေးခြင်းကြောင့် ကြုံတွေ့နေရသော အစာချက်လုပ်မှု နှေးကွေးခြင်း၊ အစာကြော၊ ရေကြောစည်းများ မလုပ်ဆောင်နိုင်ခြင်းကို သက်သာစေခြင်းနှင့် အစာချက်လုပ်မှု အား ကောင်းစေပြီး အရွက်များကိုစိမ်းလန်းစေတာပါ။
ဒါ့အပြင် ဖားဥမှို၊ သံချေး၊ ရွက်ပြောက်ရောဂါများကို ကာကွယ်ပေးနိူင်သလို မွှားပင်ကူနှင့်စုပ်စားပိုးများကို ကာကွယ်စေတာပါ။
ဒါဆိုလျင် ဆောင်းသီးနှံ ပဲမျိုးစုံစိုက် တောင်သူလယ်သမားများ ကြုံတွေ့နေကြရသော
♥ အပင်ကျစ်၍ ထိုင်နေခြင်း။
♥ အပင်ဖြစ်ထွန်းမှု နောက်ကျခြင်း။
♥ အရွက်များခုံးနေခြင်း တွန့်နေခြင်း။
♥ အပွင့်မပွင့်နိုင်၊ မသီးနိူင်
အပွင့်အသီး မလှိုင်ခြင်း ဖြစ်နေတာ
နောက်ကျနေခြင်း။
ဖြစ်ပေါ်နေတဲ့ အခြေခံအကြောင်းတရားများကို သိလောက်ပြီဖြစ်ပြီး မိမိတို့ လက်ရှိလုပ်ဆောင်နေမှုသည် မှန်ကန်မှု ရှိလား မရှိဘူးလား ဆိုတာ သိလောက်ပြီလို့ ယူဆမိပါတယ်။
ချမ်းမြေ့ပါစေ
ဦးသက်လွင်(ထန်းညီနောင်)
မင်းလှမြို့နယ်
ပဲခူးတိုင်းဒေသကြီး
၉.၁.၂၀၂၅
ဆရာ့အား လေးစားစွာ crd ပေးအပ်ပါသည်။
✦✦✦✦✦✦✦✦
ထွက်တိုး Telegram Channel ဝင်ရန် နှိပ်ပါ - https://t.me/htwettoe
စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -https://htwettoe.com/download ထွက်တိုးမေးဖြေကဏ္ဍတွင် ဝင်ရောက်မေးမြန်းနိုင်ပါကြောင်း သတင်းကောင်းပါလိုက်ပါတယ်။
စိုက်ခင်းပြဿနာ အဖြေရှာနည်းလေ့လာရန် - https://htwettoe.com/post/38752
