ဧရာဝတီတိုင်းဒေသကြီးအတွက် မိုးလေဝသခန့်မှန်းချက်နှင့် အကြံပြုချက်

၂၀၂၅ဇန်နဝါရီလ ၁၆ရက်နေ့မှ ၂၃ရက်နေ့အတွင်း ဧရာဝတီတိုင်းဒေသကြီးတွင်

မိုးရွာသွန်းနိုင်တဲ့အလားအလာမတွေ့ရှိရပါဘူး။

ရာသီဥတုကြည်ကြည်လင်လင်သာသာယာယာရှိနေစေပါလိမ့်မယ်။

ဧရာဝတီတိုင်းဒေသကြီးအတွင်းရှိ နွေစပါးစိုက်တောင်သူများထံသို့...

စိုက်ပျိုးရေးဆိုင်ရာအကြံပြုချက်

• လတ်တလော စပါးပင်သက်တမ်းငယ်ချိန် (၃-၅ ရက်) ကြာရေနစ်မြုပ်သွားသော စပါးခင်းများ ရေပြန်ကျသွားချိန်တွင် ပထမဆုံး EM (အီးအမ်)ကို မြေကြီးနားကပ်ပြီး ဖျန်းပေးပါ။
• ဖျန်းပြီး နောက် ၃ ရက်အကြာမှ အစိုဓာတ်အပင်ခြေ ၂ လက်မလောက်ရဖို့လိုပြီး၊ တစ်ဧကကို နိုက်ထရိုဂျင်ယူရီးယား (N) ၄ပုံ၁ပုံ+ ပိုတက်ရှ် (K) ၂ပုံ၁ပုံ ထည့်ပေးပါ။
• ရေမြုပ်ခံရပြီးနောက် ဘာမှိုသတ်ဆေး၊ ပိုးသတ်ဆေးမှ တန်းပြီးမဖျန်းပါနဲ့၊ အဲ့အချိန်တွင် အပင်က ခံနိုင်ရည်မရှိသေးပါဘူး။
• ရွက်ညိုပြောက်ကျနေသော စပါးခင်းများ နိုက်ထရိုဂျင်ပုလဲမြေဩဇာကို ချင့်ချိန်ထည့်ပြီး၊ အဓိက ဆီလီကာ (Si)၊ မဂ္ဂနီဆီယမ် (Mg) နှင့် ကယ်လ်ဆီယမ် (Ca) ပါဝင်သောမြေဩဇာကို ထည့်ပေးပါ။
• အသုံးပြုနိုင်သောမှိုသတ်ဆေးများ- Mancozeb+ Cymoxanil ( ပျိုးခင်းအဆင့် လက္ခဏာစတင်ချိန်) ၊ Trifloxystrobin, Iprodione (စိုက်ခင်းတွင် တွေ့ရပါက) အသုံးပြုနိုင်ပါတယ်။ 

ငါး/ပုစွန် ကန်များအတွက်အကြံပြုချက်  

·      ဧရာဝတီတိုင်းဒေသကြီးမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင် ရွက်ဖို့ အကြံပြုလိုပါတယ် ခင်ဗျာ- 

·      ငါးမှုန်ငါးသန်မွေးမြူရာတွင် ရေအနက် ၃ ပေအထိသာ ထားရန်၊ 

·     ငါးရိုင်းများဖယ်ရှားရာတွင် ရိုတီနုံးဆေး သုံးရန်၊ 

·      ရိုတီနုံးမသုံးလိုပါက ကန်ရေသွင်းရာတွင် ရေစစ်ဖြင့် သွင်းရန်၊ 

·      ငါးမှုန်များကို အစာကျွေးရာတွင် ပဲဖတ်ကို အရည်ဖျော်၍ အကြိမ်ရေများများဖြင့် နည်းနည်းစီကျွေးရန်၊ 

·      ငါးအနီစက်ကဲ့သို့သော ဘက်တီးရီးယားရောဂါများ ကျရောက်လာပါက တစ်ဧကလျှင် ထုံး ၁၅ ပိဿာနဲ့ ဆား ၁၅ ပိဿာထည့်ရန် သို့မဟုတ် အမောက်စလင်ဆေးတောင့်ကို ရေဖျော်၍ ထည့်ပေးရန်၊ 

---------------

မိုးလေဝသအဖွဲ့ဝင်ရန် - https://htwettoe.com/organization/12

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.

သီးနှံပေါက်စျေးကြည့်ရှုနည်း_ https://htwettoe.com/post/50437