ဟင်းသီးဟင်းရွက်စားသုံးခြင်း နှင့် အာဟာရအကျိုးအာနိသင်များ

(၁) အစိမ်းရောင်ရှိသော ဟင်းသီးဟင်းရွက်များသည် ဗီတာမင်အေ၊ ဗီတာမင်စီ၊ သံဓာတ်၊ မဂ္ဂနီဆီယမ်၊ ပိုတက်စီယမ်နှင့် ကယ်လ်စီယမ် စသည့် ဗီတာမင်နှင့် သတ္တုဓာတ်များ ကြွယ်ဝသည့် အတွက် မျက်လုံး၊ အရိုး၊ သွားများ သန်မာ​စေသည်။ အသည်းနှင့် အရည်ပြားကျန်းမာ​ရေး​ကောင်း​စေသည်။

(၂) အဝါ/ လိမ္မော်ရောင် ရှိ ဟင်းသီးဟင်းရွက်များ သည် Beta carotene (ဘီတာကာရိုတင်း) ၊ Carotenoid (ကာရိုတီးနွိုက်) နှင့် Anti-oxidant (အင်တီအောက်ဆီးဒင့်) ကြွယ်ဝသော အရင်းအမြစ် များဖြစ်သည်။ ကိုယ်ခံအား​ကောင်း​စေပြီး ကြီးထွားဖွံ့ဖြိုးမှု့ အား​ပေးသည်။ မျက်လုံးနှင့် နှလုံးကျန်းမာ​ရေးပါ​ကောင်း​စေသည်။

(၃) အနီရောင် ရှိ ဟင်းသီးဟင်းရွက်များဖြစ်သည့် ခရမ်းချဉ်သီး၊ စတော်ဘယ်ရီ နဲ့ ပဲနီကဲ့သို့ အနီရောင် သစ်သီးဝလံတွေနဲ့ ဟင်းသီးဟင်းရွက်တွေမှာ ဗီတာမင် C၊ ဗီတာမင် A၊ ပိုတက်စီယမ်နဲ့ antioxidants တွေ ကြွယ်ဝတဲ့ အတွက် နှလုံး နှင့် ဆီးအိမ် ကျန်းမာ​စေပြီး မှတ်ညဏ်​ကောင်း​စေသည်။

(၄) အဖြူ/အညိုရောင်ရှိ ဟင်းသီးဟင်းရွက်များသည် အအေးမိခြင်းနှင့် ဗိုင်းရပ်စ်များကို တိုက်ဖျက်ရာတွင် အထောက်အကူဖြစ်စေပြီး ခုခံအားစနစ်ကို မြှင့်တင်ပေးကာ ကိုယ်ခံအား​ကောင်း​စေသည်။ ၄င်းတွင် ပါဝင်သော antioxidant မော်လီကျူးများသည် နှလုံးရောဂါ၊ ကင်ဆာနှင့် ဆီးချိုရောဂါကဲ့သို့သော နာတာရှည်ရောဂါဖြစ်နိုင်ခြေကို လျော့ချပေးပြီး အရိုးများလည်းသန်စွမ်း​​ စေသည်။

(၅) ခရမ်း/ အပြာရောင်ရှိ ဟင်းသီးဟင်းရွက်များ နှင့် အစားအစာများတွင် ဆဲလ်များပျက်စီးမှုကို ကာကွယ်ပြီး ပြန်လည်ပြုပြင်ပေးသည့် anthocyanins ပါဝင်သည်။ Anthocyanins ခေါ် ဓာတ်တိုး ဆန့်ကျင် ပစ္စည်းများသည် ကင်ဆာ၊ နှလုံးရောဂါနှင့် အာရုံကြောဆိုင်ရာ အခြေအနေများကို ကာကွယ် ပေးနိုင်သည့် အတွက် ဦး​နှောက်ကျန်းမာ​ရေးကို အား​ပေးပြီး မှတ်ညဏ်​ကောင်း​စေသည့်အပြင် နှလုံး​ခုန်အား​ကောင်း​စေသည်။

Htwet Toe

----------

မိုးလေဝသအဖွဲ့ဝင်ရန် - https://htwettoe.com/organization/12

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.

သီးနှံပေါက်စျေးကြည့်ရှုနည်း_ https://htwettoe.com/post/50437🌱🌱